Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ວຽກ​ງານ​ການ​ເມືອງ-ແນວ​ຄິດ ເປັນ​ໝາກ​ຫົວ​ໃຈຫຼັກ ໃນ​ການ​ປະ​ຕິ​ຮູບ ໄຟ​ຟ້າ​ລາວ​ໃຫ້​ມີ​ປະ​ສິດ​ທິ​ພາບ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 28/01/2022 10:51:15 ຈຳ​ນວນ​​ຢ້ຽມ​ຊົມ 1139 ຄັ້ງ

ລັດວິສາຫະກິດ ໄຟຟ້າລາວ ເອົາວຽກການເມືອງ-ແນວຄິດເປັນໝາກຫົວໃຈຫຼັກ ໃຫ້ສະມາຊິກພັກ-ພະນັກງານ ຕະຫຼອດຮອດກຳມະກອນທຸກຖ້ວນໜ້າໃຫ້ເຂົ້າໃຈຕໍ່ທິດທາງ ແລະ ແນວທາງນະໂຍບາຍຂອງພັກ-ລັດຖະບານ ຊຶ່ງໃນ​ໄລ​ຍະຜ່ານມາໄດ້ເຮັດໃຫ້ສະມາຊິກພັກ ແລະ ພະນັກງານມີຄວາມຕັດສິນໃຈເສຍສະຫຼະສ່ວນຕົວເຂົ້າໃນການ​ປະ​ຕິ​ບັດ​ໜ້າ​ທີ່ວຽກງານທີ່ຮັບຜິດຊອບຫຼາຍ​ຂຶ້ນ ເຮັດໃຫ້ມີຜົນສຳເລັດຫຼາຍດ້ານ, ສະແດງອອກໃນ ປີ 2021 ຜ່ານມາການໃຊ້ງົບປະມານໃຊ້ຈ່າຍບໍລິຫານໃນວຽກງານຕ່າງໆຫຼຸດລົງຢ່າງປະຈັກຕາ.

ທ່ານ ຈັນທະບູນ ສຸກອາລຸນ ຜູ້ອຳນວຍການໃຫຍ່ ລັດວິສາຫະກິດ ໄຟຟ້າລາວ ໄດ້ໃຫ້ສຳພາດຕໍ່ສື່ມວນຊົນ ເມື່ອວັນທີ 27 ມັງກອນນີ້ວ່າ: ຕະຫຼອດ 60 ປີຜ່ານມາ ລັດ​ວິ​ສາ​ຫະ​ກິດ ​ໄຟ​ຟ້າ​ລາວ ໄດ້ມີການເຕີບໃຫຍ່ຂະຫຍາຍຕົວເປັນກ້າວໆມາ ຈາກກ່ອນປົດປ່ອນ ​ມີ​ປະ​ຊາ​ຊົນ​ລາວ​ໄດ້​ຊົມ​ໃຊ້​ໄຟ​ຟ້າບໍ່ຮອດ 3%  ແຕ່ມາຮອດປັດຈຸບັນກວມ​ເອົາ 95% ຂອງຄົວເຮືອນໄດ້ຊົມໃຊ້ໄຟຟ້າ, ແຕ່ຄຽງຄູ່ກັບຜົນສຳເລັດດັ່ງກ່າວຍັງມີຂໍ້ຄົງຄ້າງ ແລະ ສິ່ງທ້າທາຍຫຼາຍ​ຢ່າງ ທີ່ລັດວິສາຫະກິດພວກເຮົາຕ້ອງໄດ້ສືບຕໍ່ໃນການປັບປຸງຕົນເອງ ກໍຄືການປະຕິຮູບເພື່ອ​ຕອບສະ​ໜອງ​ຕາມ​ຄວາມ​ຕ້ອງ​ການຂອງສັງຄົມທີ່ນັບ​ມື້ສູງຂຶ້ນ, ການ​ບໍ​ລິ​ການມີຄຸນນະພາບສູງຂຶ້ນ, ລວມທັງການດຳເນີນທຸລະກິດກໍຕ້ອງໃຫ້ມີປະສິດທິພາບ ແລະ ປະສິດທິ        ຜົນ, ຄືດັ່ງພວກເຮົາຮັບຮູ້ນຳກັນແລ້ວວ່າ ລັດວິສາຫະກິດຂອງພວກເຮົາສ່ວນໃຫຍ່ ແມ່ນເຮັດວຽກພື້ນຖານໂຄງລ່າງ ຊຶ່ງການເຮັດວຽກດັ່ງກ່າວແມ່ນຕ້ອງໃຊ້ທຶນຮອນມະຫາສານ, ໃນຂະນະທີ່ທຶນຮອນມີ​ຈຳ​ນວນ​ຈຳ​ກັດ ຈຳເປັນຕ້ອງໄດ້ກູ້ຢືມມາ ເພື່ອນຳໃຊ້ເຂົ້າໃນວຽກງານຕ່າງໆໃນທົ່ວປະເທດ, ປັດຈຸບັນລວມມີ 70 ສະຖານີໃຫຍ່ ແລະ ສາຍສົ່ງ 50-60 ພັນກິໂລແມັດ  ແຕ່ຄຽງຄູ່ກັບລາຍຮັບຂອງພວກເຮົາຊ້ຳພັດໜ້ອຍ ເນື່ອງຈາກວ່າປະຊາກອນ​ຂອງ​ພວກເຮົາໜ້ອຍ, ພື້ນທີ່ກວ້າງ ຄວາມໜາແໜ້ນຂອງພົນລະເມືອງຕໍ່າ ສະນັ້ນ, ການຊົມໃຊ້ໄຟຟ້າຂອງປະ​ຊາ​ຊົນ ຫາກທຽບໃສ່ການລົງທຶນ​ແມ່ນໜ້ອຍຫຼາຍ ເຮັດໃຫ້ການເກັບກູ້ທຶນຄືນຂ້ອນຂ້າງເປັນໄປໄດ້ຍາກ, ລັດວິສາຫະກິດໄຟຟ້າລາວ ແມ່ນເຮັດໜ້າທີ່ຢູ່ສອງຢ່າງຄື: ເຮັດໜ້າທີ່ຮັບໃຊ້ພາລະບົດບາດຕາມທິດທາງ-ໜ້າທີ່ການເມືອງ ແລະ ເຮັດແນວໃດໃຫ້ວິສາຫະກິດພວກເຮົາເພິ່ງຕົນເອງ ໂດຍບໍ່ເພິ່ງພາແຕ່ລັດຖະບານມາສະໜັບສະໜູນທາງດ້ານການເງິນ.

ທ່ານກ່າວຕື່ມວ່າ: ຕໍ່ກັບການປັບປຸງຂອງລັດວິສາຫະກິດພວກເຮົາແມ່ນມີແຜນຈະຕ້ອງໄດ້ປະຕິຮູບຕາມທິດທາງນະໂຍບາຍຂອງພັກ-ລັດ ທີ່ເຫັນດີວ່າ ໃຫ້ລັດວິສາຫະກິດໄຟຟ້າລາວ ຕ້ອງປະຕິຮູບ ແຕ່ການປະຕິຮູບໃນຄັ້ງນີ້ແມ່ນປະຕິຮູບພາຍໃຕ້ໃຫ້ໄຟຟ້າລາວຍືນຍົງບົນພື້ນຖານທີ່ວ່າລັດຍັງເປັນເຈົ້າຢູ່ 100% ແຕ່ໃຫ້ປະຕິຮູບດ້ວຍການໃຫ້ມີປະສິດທິພາບ ແລະ ປະສິດທິຜົນສູງຂຶ້ນ ຊຶ່ງການປະຕິຮູບແມ່ນຈະປະຕິຮູບກົນໄກ, ບຸກຄົນໃນອົງກອນຄຽງຄູ່ກັນໄປ ການປະຕິຮູບແລ້ວແມ່ນສ້າງຄວາມໝັ້ນໃຈໃຫ້ແກ່ສັງຄົມ ເພື່ອໃຫ້ສັງຄົມໝັ້ນໃຈວ່າພວກເຮົາຈະຍືນຍົງໄປໄດ້ດີ ແລະ ການແກ້ໄຂສະພາບຄວາມຫຍຸ້ງຍາກທາງດ້ານການເງິນຂອງລັດວິສາຫະກິດໄຟຟ້າເອງກໍຄືສະພາບໜີ້ສິນທີ່ພວກເຮົາກູ້ຢືມມາລົງທຶນເພື່ອມາຂະຫຍາຍລະບົບຕາຂ່າຍສາຍສົ່ງຕ່າງໆທີ່ຜ່ານມາ ແລະ ຕິດພັນກັບບັນຫາດັ່ງກ່າວຈະໄດ້ປັບປຸງ ການບໍລິການຂອງພວກເຮົາໃຫ້ດີ ແລະ ວ່ອງໄວຂຶ້ນ, ສ່ວນການຈັດຕັ້ງປະຕິບັດຕໍ່ບັນຫາດັ່ງກ່າວ ໃນການຂັບເຄື່ອນເພື່ອໃຫ້ໄດ້ຜົນງານ ແມ່ນຕ້ອງເລີ່ມຈາກບຸກຄະລາກອນ, ພະນັກງານ, ສະມາຊິກພັກ ແລະ ກຳມະກອນພາຍໃນລັດວິສາຫະກິດໄຟຟ້າລາວພວກເຮົາ ສະນັ້ນ, ການເຮັດວຽກການເມືອງ-ແນວຄິດເປັນໝາກຫົວໃຈຫຼັກທີ່ຈະເຮັດໃຫ້ອ້າຍ, ນ້ອງເຂົ້າໃຈທິດທາງ ແລະ ແນວທາງນະໂຍບາຍຂອງພັກ-ລັດ ວ່າພວກເຮົາເດີນຕາມເສັ້ນທາງຈຸດໝາຍສັງຄົມນິຍົມ ຖ້າຢາກໄປຕາມຈຸດໝາຍສັງຄົມນິຍົມ ເຮົາຕ້ອງສ້າງໃຫ້ລັດວິສາຫະກິດພວກເຮົາເຂັ້ມແຂງ ແລະ ເປັນເຈົ້ານຳໜ້າພາທາງຢ່າງແທ້ຈິງ, ສະນັ້ນ, ກຳມະກອນ, ພະນັກງານ ແລະ ສະມາຊິກພັກທຸກຄົນຕ້ອງເຂົ້າໃຈໃນຈຸດນີ້, ດັ່ງ​ນັ້ນ ການປຸກລະດົມຈິດໃຈ ແລະ ໃຫ້ກຳລັງໃຈຊຶ່ງກັນ ແລະ ກັນ ແມ່ນມີຄວາມສຳຄັນ.

ໃນໄລຍະທີ່ໄຟຟ້າລາວໄດ້ມີການປັບປຸງ 1 ປີທີ່ຜ່ານມາ ພວກເຮົາໄດ້ເຮັດວຽກການເມືອງ-ແນວຄິດຫຼາຍພໍສົມຄວນ ທັງພາຍໃນ ແລະ ບັນດາແຂວງຫຼາຍຄັ້ງ ແລະ ຈະສືບຕໍ່ເຮັດຢ່າງຕໍ່ເນື່ອງ ຊຶ່ງໃນ​ການຈັດຕັ້ງປະຕິບັດ ແມ່ນເຮັດໃຫ້ອ້າຍນ້ອງເ​ຂົ້າໃຈສະພາບຄວາມຫຍຸ້ງຍາກຂອງວິສາຫະກິດພວກເຮົາ ແລ້ວໃຫ້ມີຄວາມຕັດສິນໃຈເສຍສະຫຼະສ່ວນຕົວໃຫ້ຫຼາຍຂຶ້ນເຂົ້າໃນວຽກງານ, ຜົນທີ່ໄດ້ຮັບໃນການເຮັດວຽກການເມືອງ-ແນວຄິດສາມາດວັດແທກໄດ້ ສະແດງອອກໃນ ປີ 2021 ຜ່ານມາ ຜົນງານທີ່ພົ້ນເດັ່ນໃຫ້ເຫັນຢ່າງປະຈັກຕາ ງົບປະມານໃນການໃຊ້ຈ່າຍບໍລິຫານໃນການເຮັດວຽກຕ່າງໆຫຼຸດລົງ.

 ທ່ານກ່າວຕື່ມວ່າ: ໃນ​ໄລ​ຍະຜ່ານມາ ລັດວິສາຫະກິດ ​ໄຟ​ຟ້າ​ລາວ ໄດ້​ລົງ​ທຶນ​ພັດທະນາໂຄງການຕ່າງໆຂ້ອນຂ້າງຫຼາຍ ບໍ່ວ່າຈະເປັນໂຄງການກໍ່ສ້າງເຂື່ອນໄຟຟ້າ, ລະບົບສາຍສົ່ງ, ສະຖານນີຕ່າງໆ ຊຶ່ງພວກເຮົາມີບຸກຄະລາກອນຈຳນວນຫຼາຍ ແຕ່ໃນອະນາຄົດພວກເຮົາໄດ້ແຈກຢາຍວຽກອອກໄປໃຫ້ບໍລິສັດອື່ນເຮັດ ສະນັ້ນ, ບຸກຄະລາກອນດ້ານນີ້ແມ່ນພວກເຮົາໄດ້ຫາວຽກອື່ນເຂົ້າມາເສີມເພື່ອຫຼີກລ່ຽງປົດບຸກຄະລາກອນອອກ ແລະ ກຽມໃຫ້ເຂົາເຈົ້າໄດ້ຝຶກອົບຮົມເພື່ອກຽມໄປປະຕິບັດໜ້າທີ່ວຽກງານອື່ນແທນ, ລັດວິສາຫະກິດໄຟຟ້າລາວ ມີພະນັກງານເກືອບ 6.000 ຄົນ ໃນທົ່ວປະເທດ, ມີ 150 ກວ່າສູນ ບໍລິການທົ່ວປະເທດ, ມີເຂື່ອນ 100 ກວ່າແຫ່ງ (ຂະໜາດນ້ອຍ ແລະ ຂະໜາດໃຫຍ່) ຊຶ່ງເປັນການລົງທຶນຂອງຕ່າງປະເທດສ່ວນໃຫຍ່, ມີພະນັກງານສັນຍາຈ້າງຈຳນວນໜຶ່ງຢູ່ເຂດຫ່າງໄກສອກຫຼີກ ແລະ ໃນນະຄອນຫຼວງວຽງຈັນຈຳນວນໜຶ່ງ ຊຶ່ງໃນໄລຍະຜ່ານມາ ທາງລັດວິສາຫະກິດໄຟຟ້າລາວແມ່ນໄດ້ເອົາໃຈໃສ່ສຶກສາອົບຮົມ, ວາງລະບຽບການໃຫ້ແກ່ພະນັກງານ, ກຳມະກອນ, ຫາກຜູ້ໃດຜ່ານການສຶກສາອົບຮົມແຕ່ຫາກຍັງເຮັດຄວາມຜິດພາດຢູ່ ພວກເຮົາກໍໄດ້ມີການວາງມາດຕະການໃຫ້ຂຽນໃບສຳຫຼວດ, ຕັດເງິນເດືອນ ຖ້າເຮັດມີຄວາມຜິດພາດແຮງແມ່ນເຖິງຂັ້ນໄລ່ອອກຈາກເປັນພະນັກງານ.

(ຂ່າວ: ສຳນານ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com