ໜັງສືພິມ ປະຊາຊົນ

ເຊັນບົດບັນທຶກລະຫວ່າງ ບໍລິສັດ ກາເຟດາວ ແລະ ບໍລິສັດ ການຄ້າ ປັກກິ່ງ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 28/01/2022 13:52:50 ຈຳນວນຢ້ຽມຊົມ 2569 ຄັ້ງ

ພິທີເຊັນບົດບັນທຶກການຮ່ວມມື ລະຫວ່າງ ສະມາຄົມ ກາເຟລາວ ແລະ ບໍລິສັດ ກາເຟດາວ ຈໍາກັດ ກັບ ບໍລິສັດ ການຄ້າ ສີສຽງຢູຫຼົງ ປັກກິ່ງ ຈໍາກັດ ໄດ້ຈັດຂຶ້ນຢູ່ໂຮງງານກາເຟດາວ ຫຼັກ 19 ເມືອງບາຈຽງຈະເລີນສຸກ ແຂວງຈໍາປາສັກ ຫວ່າງບໍ່ດົນມານີ້; ຝ່າຍສະມາຄົມກາເຟ ລາວ ລົງນາມໂດຍທ່ານ ແສງຈັນ ຄໍາມູນທາ ຮອງປະທານສະມາຄົມກາເຟ ລາວ; ບໍລິສັດ ກາເຟດາວ ຈໍາກັດ ລົງນາມໂດຍທ່ານ ວັນນະດາ ພົມມະສະຖິດ ຜູ້ອໍານວຍການໃຫຍ່ ບໍລິສັດ ກາເຟດາວ ຈຳກັດ; ຝ່າຍບໍລິສັດ ການຄ້າ ສີສຽງຢູຫຼົງ ປັກກິ່ງ ຈໍາກັດ ລົງນາມໂດຍ ທ່ານ ອີລິກ ລີ ປະທານບໍລິສັດ ການຄ້າ ສີສຽງຢູຫຼົງ ປັກກິ່ງ ຈຳກັດ ໂດຍມີ ທ່ານ ສົມບູນ ເຮືອງວົງສາ ຮອງເຈົ້າແຂວງຈຳປາສັກ ຜູ້ຊີ້ນຳເສດຖະກິດ ພ້ອມດ້ວຍການນໍາ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.

ທ່ານ ແສງຈັນ ຄໍາມູນທາ ຮອງປະທານສະມາຄົມກາເຟ ລາວ ແລະ ທ່ານ ວັນນະດາ ພົມມະສະຖິດ ຜູ້ອໍານວຍການໃຫຍ່ບໍລິສັດ ກາເຟດາວ ຈຳກັດ ມີຄໍາເຫັນໃນລັກສະນະດຽວກັນວ່າ: ຈຸດປະສົງໃນການເຊັນບົດບັນທຶກການຮ່ວມມືຄັ້ງນີ້ ກໍເພື່ອເປັນການສ້າງຈຸດຍຸດທະສາດ, ການຮ່ວມມືເສີມຂະຫຍາຍ ແລະ ການຄົ້ນຄວ້າຜະລິດຕະພັນທາງດ້ານກະສິກຳຂອງລາວ ເວົ້າລວມ, ເວົ້າສະເພາະ ແມ່ນຜະລິດຕະພັນກາເຟລາວ ແລະ ກາເຟດາວ ຊຶ່ງເປັນຜະລິດຕະພັນທີ່ມີຄຸນນະພາບ ແລະ ມີຊື່ສຽງຂອງລາວ ອອກສູ່ສາກົນເວົ້າລວມ, ເວົ້າສະເພາະແມ່ນຕະຫຼາດຈີນ ໃນເຄືອຂອງທະນາຄານອຸດສາຫະກໍາ ແລະ ການຄ້າຈີນ. ປັດຈຸບັນ ທາງສະມາຄົມກາເຟ ລາວ ແລະ ບໍລິສັດ ກາເຟດາວ ຈໍາກັດ ມີຄວາມພ້ອມຮອບດ້ານໃນການຮ່ວມມື ເພື່ອການສົ່ງອອກດັ່ງກ່າວ.

(ຂ່າວ-ພາບ: ທູນທອງໃຈ)

ຂ່າວທີ່ໄດ້ຮັບຄວາມນິຍົມ