ເມື່ອບໍ່​ດົນ​ມານີ້ ຢູ່ຫ້ອງປະຊຸມຫ້ອງການສາທາລະນະສຸກເມືອງນໍ້າບາກ ແຂວງຫຼວງພະບາງ ໄດ້ຈັດຝຶກອົບຮົມໄລຍະສັ້ນ ໃຫ້ພະນັກງານ-ລັດຖະກອນ ຜູ້ເຮັດວຽກງານຂໍ້ມູນຂ່າວສານ ພາຍໃນເມືອງ ໂດຍມີທ່ານ ຫຸມເພັງ ພິລາວັນ ຮອງຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທຽ່ວເມືອງ ພ້ອມດ້ວຍມີວິຊາການເຂົ້າຮ່ວມ.

      ​ການຝຶກອົບຮົມຄັ້ງ​ນີ້, ຜູ້​ເຂົ້າ​ຮ່ວມໄດ້ຮຽນຮູ້ພື້ນຖານຂອງການຂຽນຂ່າວ, ເຕັກນິກການຂຽນຂ່າວ, ໂຄງຮ່າງການເກັບກຳຂໍ້ມູນຂ່າວ, ເຕັກນິກພື້ນຖານການຖ່າຍພາບນິ້ງ, ພື້ນຖານການຖ່າຍວິດີໂອປະກອບຂ່າວ, ມີທັງ​ພາກປະຕິບັດຕົວຈິງ ໃນການຂຽນຂ່າວ 4 ຫົວຂໍ້ຂ່າວ ຊຶ່ງມີສຳມະນາກອນມາຈາກ 23 ຫ້ອງການ ແລະ 2 ໂຮງຮຽນ.

ການຈັດຊຸດອົບຮົມຄັ້ງນີ້, ເພື່ອເປັນການສ້າງພາຄີຕາໜ່າງຂ່າວຂອງເມືອງນ້ຳບາກ ໃຫ້ມີຄວາມເຂັ້ມແຮງຂຶ້ນເລື້ອຍໆ.

(ຂ່າວ-ພາບ: ພອນສັກ ສິງດາລັກ)