ມີວາງຈຳໜ່າຍໃນລາວແລ້ວ ! ​ສໍ​າລັບ ສະມາດໂຟນຊຳຊຸງລຸ້ນລ່າສຸດ Galaxy S22 Series ດ້ວຍຄຸນສົມບັດທີ່ທັນສະໄໝ ທະລຸທຸກຂີດຈໍາກັດຂອງໂທລະສັບມືຖືລະດັບ Flagship ທັງດ້ານການປະມວນຜົນ ການອອກແບບ ແລະ ປະສິດທິພາບຂອງກ້ອງ ແລະ ທີ່ສໍາຄັນ ເປັນຄັ້ງທໍາອິດທີ່ຜູ້ໃຊ້ຕະກູນ S ຈະສາມາດໃຊ້ງານ ແລະ ເກັບປາກກາ S Pen ໄວ້ໃນໂຕເຄື່ອງເລີຍ.

Samsung Galaxy S22 Series ໄດ້ເພີ່ມຄຸນສົມບັດໃໝ່ໃຫ້ຕະກູນ S ຫຼາຍຂຶ້ນກວ່າເກົ່າເຊັ່ນ: ການເພີ່ມ NPU ເພື່ອເຮັດໃຫ້ການປະມວນຜົນຂອງ AI ສາມາດເຮັດວຽກໄດ້ຢ່າງ​ມີປະສິດທິພາບ ການປັບປຸງເຕັກນິກການປະມວນຜົນຂອງ PD/AF ເຮັດໃຫ້ຮູບຖ່າຍ ແລະ ວິດີໂອ ໄດ້ຜົນງານລະດັບມືອາຊີບ ແລະ ໜ້າຈໍແບບ Dynamic AMOLED ທີ່ແຈ້ງກວ່າເກົ່າ ແຕ່ປະຢັດພະລັງງານຫຼາຍຂຶ້ນ.

ສໍາລັບ Samsung Galaxy S22 Series ປະກອບໄປດ້ວຍ S22, S22+ ແລະ S22 Ultra ໂດຍທຸກລຸ້ນ ໃຊ້ຊິບເຊັດ Snapdragon 8 Gen 1 ຊຶ່ງອອກແບບດ້ວຍສະຖາປັດຕະຍະກໍາ 4 ນາໂນແມັດ ເຮັດໃຫ້ປະມວນຜົນກ​ຣາຟຟິກໄດ້ດີກວ່າ 26% ພ້ອມໜ່ວຍປະມວນຜົນ NPU ຊຶ່ງຈະເພີ່ມປະສິດທິພາບໃນການປະມວນຜົນ AI ໃຫ້ດີຂຶ້ນໄປອີກ.

ເຕັກໂນໂລຊີກ້ອງຄົມຊັດ ປະສານກັບ AI ທີ່ໃຫ້ຄຸນນະພາບລະດັບຮູບເງົາ

     ຊໍາຊຸງຄືຜູ້ນໍາເຕັກໂນໂລຊີ Dual Pixel ມາສູ່ໂທລະສັບມືຖື ເພື່ອເຮັດໃຫ້ສາມາດຖ່າຍຮູບໄດ້ຄົມຊັດ ແລະ ສວຍງາມໃນລະດັບມືອາຊີບ ແລະ ຍັງຄົງພັດທະນາເຕັກນິກຕ່າງໆເພື່ອໃຫ້ກ້ອງຂອງໂທລະສັບຊໍາຊຸງມີສັກກະຍະພາບສູງສຸດສໍາລັບຜູ້ໃຊ້ງານ.

      ຈົນມາຮອດລຸ້ນ S22 ໄດ້ລໍ້າໜ້າໄປອີກຂັ້ນ ດ້ວຍເຕັກໂນໂລຊີການປະມວນຜົນຮູບຖ່າຍຂັ້ນສຸດທ້າຍດ້ວຍ AI ໃນສະພາວະແສງໜ້ອຍແບບ Dual Pixel PD/AF ຮ່ວມກັບລະບົບກັນສັ່ນ (OIS) ທີ່ບໍ່ພຽງແຕ່ສາມາດຖ່າຍຮູບກາງຄືນໃນໂໝດ Nightography ໃຫ້ເປັນເລື່ອງງ່າຍ ແຕ່ຍັງເຮັດໃຫ້ການຖ່າຍຮູບບຸກຄົນໃນໂໝດ Portrait ມີຄວາມໂດດເດັ່ນ ແລະ ການຖ່າຍວິດີໂອໃນໂໝດ Cinematic ໄດ້ຄຸນນະພາບອອກມາໃນລະດັບຮູບເງົາເລີຍ.

      ນອກຈາກນີ້ ເຕັກໂນໂລຊີ ການປະມວນຜົນຮູບຖ່າຍດ້ວຍ AI ຍັງເຮັດໃຫ້ການຖ່າຍພາບນິ້ງດ້ວຍກ້ອງ Samsung Galaxy S22 Series ມີຄວາມຄົມຊັດຫຼາຍຂຶ້ນ ສາມາດແຍກໄລຍະຄວາມຄົມຊັດເລິກ, ຕື້ນອອກຈາກກັນໄດ້ຢ່າງຊັດເຈນສວຍງາມພ້ອມຫຼຸດສັນຍານລົບກວນ (Noise) ໃນພາບເນື່ອງຈາກຢູ່ໃນສະພາວະແສງໜ້ອຍໄດ້ເປັນຢ່າງດີ.

ພະລັງແຮງ ຈໍແຈ້ງ ແຂງແຮງ ສາກໄວ ໄດ້ຄົບ

      ໂຕເຄື່ອງຂອງ S22 ດ້ານຫຼັງເປັນວັດສະດຸ Armor Aluminum ສ່ວນດ້ານໜ້າຈໍເປັນແກ້ວ Gorilla Victus+ ທີ່ມີຄວາມທົນທານສູງ ພ້ອມລະບົບ Super-fast Charge ທີ່ຊ່ວຍໃຫ້ສາກແບັດເຕີ​ຣີຂຶ້ນໄວທັນໃຈ.

      ນອກຈາກນີ້ ການວາງສະຖາປັດຕະຍະກໍາພາຍໃນໂຕເຄື່ອງຂອງ Samsung Galaxy S22 Series ຍັງເພີ່ມປະສິດທິພາບໃນການໃຊ້ພະລັງງານໄດ້ດີກວ່າ ຂະນະທີ່ການໃຊ້ໜ້າຈໍແບບ Dynamic AMOLED ທີ່ມີຄວາມສະຫວ່າງສູງສູ້ແສງແດດແຕ່ສາມາດຫຼຸດ Refresh Rate ໄດ້ລະອຽດຍິ່ງຂຶ້ນຈະຊ່ວຍໃຫ້ປະຢັດພະລັງງານໄດ້ດີກວ່າເກົ່າອີກດ້ວຍ.

ເປັນເຈົ້າຂອງໄດ້ແລ້ວມື້ນີ້ ພ້ອມຂອງແຖມສຸດຄຸ້ມ

ສໍາລັບຜູ້ທີ່ຊື້ Samsung Galaxy S22 ທຸກລຸ້ນຕັ້ງແຕ່ວັນທີ 18 ມີນາ ຈົນຮອດ 30 ເມສາ ຈະໄດ້ຮັບຂອງແຖມສຸດຄຸ້ມຈາກຊໍາຊຸງ ໂດຍຜູ້ທີ່ຊື້ລຸ້ນ S22 ແລະ S22+ ຈະໄດ້ຮັບເຄສໃສພ້ອມແນວຕັ້ງ

      ສໍາລັບຜູ້ທີ່ຈອງລຸ້ນ S22 Ultra ຈະໄດ້ຮັບຂອງແຖມພິເສດຫຼາຍຂຶ້ນ ນັ້ນກໍຄື ເຄສໃສ ແລະ ແນວສາກໂທລະສັບໄຮ້ສາຍ.

ຂໍ້​ມູນ​ຈາກ: ຊຳ​ຊຸງ​