ກອງປະຊຸມອົບຮົມການປະເມີນຜົນກະທົບຕໍ່ສິ່ງແວດລ້ອມ ຈາກໂຄງການລົງທຶນ ຂອງພາກລັດ ແລະ ເອກະຊົນ ໄດ້ເປີດຂຶ້ນຢ່າງເປັນທາງການ ໃນວັນທີ 4 ພຶດສະພາ ຜ່ານມານີ້ ທີ່ສະໂມສອນຂອງເມືອງກາສີ ແຂວງວຽງຈັນ, ໂດຍການໃຫ້ກຽດເຂົ້າຮ່ວມເປັນປະທານຂອງ ທ່ານ ສີທົນ ແສງພະຈັນ ເຈົ້າເມືອງໆກາສີ ແລະ ທ່ານ ບົວພັນ ສີວົງໄຊ ຮອງຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ, ມີບັນດາທ່ານຕາງໜ້າຈາກພະແນກການທີິ່ກ່ຽວຂ້ອງຂັັ້ນແຂວງ ແລະ ບັນດາ ຫ້ອງການ ທີິ່ກ່ຽວຂ້ອງ ຂອງ 3 ເມືອງ ຄື: ເມືອງໂພນໂຮງ, ກາສີ ແລະ ເມືອງແມດ ເຂົ້າຮ່ວມ.

 ໃນກອງປະຊຸມ ທ່ານເຈົ້າໆເມືອງກາສີ ກໍໄດ້ໃຫ້ກຽດຂຶ້ນກ່າວເປີດກອງປະຊຸມ ໂດຍຈຸດປະສົງຂອງການຝຶກອົບຮົມກໍເພືິ່ອເປັນການສ້າງຄວາມເຂັ້ມແຂງໃຫ້ພະນັກງານ-ລັດຖະກອນ ຂອງເມືອງ ແລະ ພະ ແນກການທີິ່ກ່ຽວຂ້ອງໃຫ້ມີຄວາມຮັບຮູ້ ແລະ ເຂົ້າໃຈຢ່າງເລິກເຊິ່ງ ສາມາດປະຕິບັດໜ້າທີ່ວິຊາສະເພາະໄດ້ຢ່າງໜັກແໜ້ນ ແລະ ມີປະສິດທິພາບສູງ ຊຶ່ງກອງປະຊຸມໄດ້ຮັບທຶນສະໜັບສະໜູນຈາກແຜນງານໂຄງການພັດທະນາທ້ອງຖິ່ນລາວ/030 ຂອງ ພະແນກແຜນການ ແລະ ການລົງທຶນ ແຂວງ ທີິ່ໄດ້ມອບກິດຈະກໍາ ຫົວຂໍ້ຝຶກອົບຮົມໃຫ້ກັບພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ເປັນເຈົ້າການທາງດ້ານຫຼັກວິຊາການ ຮ່ວມກັບ ພະແນກແຜນການ ແລະ ການລົງທຶນແຂວງ, ໃນຫຼາຍໆດ້ານໂດຍສະເພາະກໍແມ່ນການກະກຽມເອກະສານ, ຮູບແບບວິທີການ ທີິ່ຈະນໍາມາຝຶກອົບຮົມໃຫ້ຜູ້ເຂົ້າຮ່ວມໄດ້ຮັບຟັງ ບົນລະບຽບ, ຫຼັກການ, ຂັັ້ນຕອນຕ່າງໆ. ສ່ວນວ່າເອກະສານທີິ່ຈະນໍາມາຝຶກອົບຮົມ ລ້ວນແລ້ວແຕ່ແມ່ນບັນດານິຕິກໍາທີິ່ຕິດພັນກັບການປະເມີນບັນຫາ ຜົນກະທົບຈາກໂຄງການລົງທຶນຂອງພາກລັດ ແລະ ເອກະຊົນ, ໂຄງການລົງທຶນໃດໜຶ່ງກ່ອນທີ່ຈະໄດ້ຮັບການອະນຸມັດ ຫຼື ພາຍຫຼັງໄດ້ຮັບການອະນຸມັດ ໂຄງການລົງທຶນຕ້ອງໄດ້ຜ່ານຂະບວນການທາງດ້ານນິຕິກໍາ ທີິ່ນັກວິທະຍາກອນຈະນໍາມາສະເໜີ ໃນກອງປະຊຸມຜູ້ເຂົ້າຮ່ວມຈະໄດ້ນໍາເອົາບັນດານິຕິກໍາໄປຈັດຕັັ້ງປະຕິບັດ ເຂົ້າໃນໜ້າທີິ່ວຽກງານຂອງຕົນທີ່ໄດ້ຮັບການມອບໝາຍໃຫ້ສໍາເລັດຕາມເປົ້າໝາຍທີິ່ຕັ້ງໄວ້. ພ້ອມນັັ້ນ ກໍໄດ້ຮຽກຮ້ອງມາຍັງນັກສຳມະນາກອນທີ່ເຂົ້າຮ່ວມຝຶກອົບຮົມຈົົ່ງຕັັ້ງໃຈຮໍ່າຮຽນ ນໍາເອົາຄວາມຮູ້ທີ່ໄດ້ຮັບການຖ່າຍທອດ ໄປຜັນຂະຫຍາຍຕໍ່ໃນການຈັດຕັັ້ງປະຕິບັດວຽກງານຕົວຈິງ ໃນຂົງເຂດວຽກງານທີິ່ຕົນເອງໄດ້ຮັບການມອບໝາຍ. ຫຼັງຈາກນັ້ນທ່ານ ບົວພັນ ສີວົງໄຊ ກໍໄດ້ມີຄໍາເຫັນ ຊຶ່ງທ່ານໄດ້ກ່າວວ່າ: ການຝຶກອົບຮົມໃນຄັ້ງນີ້ແມ່ນມີຄວາມໝາຍສໍາຄັນຫຼາຍ ສະນັ້ນຈຶ່ງຮຽກຮ້ອງມາຍັງນັກວິທະຍາກອນ ແລະ ນັກສໍາມະນາກອນຕ້ອງເອົາໃຈໃສ່ຄົ້ນຄວ້ານໍາເອົາບົດຮຽນມາແລກປ່ຽນສົນທະນາເພື່ອຊອກໃຫ້ເຫັນເຖິງບັນດາບັນຫາຕົວຈິງ ທີ່ເປັນຜົນກະທົບຕໍ່ສິ່ງແລ້ວລ້ອມ ແລ້ວນໍາມາແກ້ໄຂພັດທະນາວຽກງານດັ່ງກ່າວໃຫ້ສໍາເລັດ. ສໍາລັບເອກະສານທີ່ຈະນໍາມາຝຶກອົບຮົມປະກອບມີ: ກົດໝາຍວ່າດ້ວຍ: ການລົງທຶນຂອງລັດ ສະບັບເລກທີ 72/ສພຊ, ລົງວັນທີ 15 ທັນວາ 2015 ແລະ ຄຳແນະນໍາ ສະບັບເລກທີ 0889/ສພຊ, ລົງວັນທີ 9 ມິຖຸນາ 2021, ຂັ້ນຕອນໃນການຄົ້ນຄວ້າພິຈາລະນາການອະນຸມັດໂຄງການລົງທຶນ ໃນກິດຈະການສໍາປະທານຂອງພາກສ່ວນເອກະຊົນພາຍໃນ ແລະ ຕ່າງປະເທດ, ກົດໝາຍວ່າດ້ວຍ: ນໍ້າ, ຊັບພະຍາກອນນໍ້າ ແລະ ກົດໝາຍ ວ່າດ້ວຍ: ການປົກປັກຮັກສາສິ່ງແວດລ້ອມ (ບາງມາດຕາ), ດໍາລັດ ວ່າດ້ວຍ EIA ເລກທີ 21 ລົງວັນທີ 31 ມັງກອນ 2019.

ຄູ່ມືແນະນໍາກ່ຽວກັບການຈັດຕັັ້ງປະຕິບັດການຕິດຕາມກວດກາສິ່ງແວດລ້ອມ ໂຄງການລົງທຶນ ແລະ ກິດຈະການຕ່າງໆ ຢູ່ໃນ ສປປ ລາວ ສະບັບປີ 2014, ຮ່າງຂໍ້ຕົກລົງ ວ່າດ້ວຍ: ບັນຊີການຈັດແບ່ງກຸ່ມ ໂຄງການລົງທຶນ ແລະ ກິດຈະການຕ່າງໆໃນການປະເມີນຜົນກະທົບຕໍ່ສິ່ງແວດລ້ອມ ແລະ ການລົງສຶກສາພາກສະໜາມ: ທັດສະນະສຶກສາ ແລະ ຢ້ຽມຢາມໂຄງການ, ຄໍາແນະນໍາວ່າດ້ວຍ: ການເກັບຄ່າທໍານຽມ ແລະ ຄ່າບໍລິການຂະແໜງຊັບພະຍາກອນທໍາມະຊາດ ແລະ ສິ່ງແວດລ້ອມ. ຈາກນັ້ນກໍຈະໄດ້ພ້ອມກັນລົງພາກສະໜາມເພື່ອທັດສະນາສຶກສາ ແລະ ຢ້ຽມຢາມໂຄງການຕົວຈິງ ຊຶ່ງການຝຶກອົມຮົມໃນຄັ້ງນີ້ໄດ້ດໍາເນີນໄປເປັນເວລາ 3 ວັນ.

 (ຂ່າວ-ພາບ: ນາງ ດາລັກ)