ໜັງສືພິມ ປະຊາຊົນ

ສະຫະພັນແມ່ຍິງເມືອງຮຸນ ປາຖະກະຖາວັນສ້າງຕັ້ງສະຫະພັນແມ່ຍິງລາວ

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 19/07/2022 13:28:14 ຈຳນວນຢ້ຽມຊົມ 22683 ຄັ້ງ

ເມືອງຮຸນ ແຂວງອຸດົມໄຊ ໄດ້ຈັດພິທີປາຖະກະຖາມູນເຊື້ອວັນສ້າງຕັ້ງສະຫະພັນແມ່ຍິງລາວ ຄົບຮອບ 67 ປີ (20 ກໍລະກົດ 1955 – 20 ກໍລະກົດ 2022 ) ຂຶ້ນເມື່ອບໍ່ດົນມານີ້ ຢູ່ສະໂມສອນຂອງເມືອງ, ພາຍໃຕ້ການ ເປັນປະທານຂອງ ທ່ານ ຫົງທອງ ບົວລີໄຊ ຄະນະປະຈຳພັກເມືອງ ປະທານແນວລາວສ້າງຊາດ ຜູ້ຊີ້ນຳອົງການຈັດຕັ້ງມະຫາຊົນ, ມີທ່ານ ນາງ ຈີ ຄຸນສະຫງວນ ຄະນະປະຈຳພັກເມືອງ ຫົວໜ້າຄະນະໂຄສະນາອົບຮົມເມືອງ, ມີແຂກຖືກເຊີນ, ຕະຫຼອດຮອດສະມາຊິກສະຫະພັນແມ່ຍິງພາຍໃນເມືອງເຂົ້າຮ່ວມ.

ການປາຖະກະຖາຄັ້ງນີ້, ເປັນການທົບທວນຄືນປະຫວັດຄວາມເປັນມາມູນເຊື້ອ ການກຳເນີດ ແລະ ເຕີບໃຫຍ່ຂະຫຍາຍຕົວ ຂອງສະຫະພັນແມ່ຍິງລາວ, ຜົນງານການເຄື່ອນໄຫວທີ່ພົ້ນເດັ່ນ ຕິດພັນກັບພາລະກິດການຕໍ່ສູ້ປົດປ່ອຍຊາດ ໃນໄລຍະປີ 1958 – 1975, ຜົນງານການເຄື່ອນໄຫວ ໃນໄລຍະ 2021 – 2022 ຂອງສະຫະພັນແມ່ຍິງລາວ. ໂດຍສະເພາະແມ່ນວຽກງານການເມືອງ-ແນວຄິດ, ວຽກງານກໍ່ສ້າງພັກ ແລະ ວຽກງານກົງຈັກການຈັດຕັ້ງ, ວຽກງານປົກປ້ອງສິດຜົນປະໂຫຍດຂອງແມ່ຍິງ ແລະ ເດັກນ້ອຍ, ວຽກງານສົ່ງເສີມຄວາມກ້າວໜ້າ - ການຕ້ານຄວາມຮຸນແຮງຕໍ່ແມ່ຍິງ, ວຽກງານສິດທິເດັກ ແລະ ພັດທະນາເດັກ, ວຽກງານຝຶກອົບຮົມແມ່ຍິງ ແລະ ດ້ານວິຊາຊີບ. ທັງນີ້, ກໍເພື່ອເຮັດໃຫ້ບັນດາສະມາຊິກສະຫະພັນແມ່ຍິງລາວ ເຫັນໄດ້ຄວາມໝາຍຄວາມສຳຄັນ ຂອງພາລະບົດບາດ, ສິດ ແລະ ໜ້າທີ່, ເສີມຂະຫຍາຍມູນເຊື້ອອັນດີງາມຂອງສະຫະພັນແມ່ຍິງລາວ ໂດຍສະເພາະແມ່ນເອົາໃຈໃສ່ໃນການໂຄສະນາເຜີຍແຜ່ ແລະ ເສີມຂະຫຍາຍ 5 ຄຸນລັກສະນະທີ່ເປັນມູນເຊື້ອຂອງແມ່ຍິງລາວ, ສືບຕໍ່ຖືສຳຄັນຕໍ່ການສຶກສາອົບຮົມການເມືອງ-ແນວຄິດ, ການຄົ້ນຄວ້າຜັນຂະຫຍາຍກອງປະຊຸມໃຫຍ່ຂອງພັກ, ການປະສານສົມທົບກັບລັດຖະບານ, ອົງການປົກຄອງແຕ່ລະຂັ້ນ, ເພີ່ມທະວີສ້າງຄວາມເຂົ້າໃຈ ແລະ ຖືສຳຄັນຕໍ່ການປະຕິບັດຄຳຂວັນ, ຂໍ້ແຂ່ງຂັນ 3 ດີ ແລະ ກໍ່ສ້າງແມ່ຍິງລາວບັນດາເຜົ່າ ຜູ້ສືບທອດໃຫ້ກາຍເປັນ ລູກສາວຜູ້ປະເສີດຂອງພັກ ແລະ ຂອງປະເທດຊາດ.

(ຂ່າວ-ພາບ: ອຳຄາ ສຸລິນທອງ)

ຂ່າວທີ່ໄດ້ຮັບຄວາມນິຍົມ