Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຍົກສູງຂີດຄວາມສາມາດດ້ານທັກສະ ໃຫ້ແກ່ສະມາຊິກສະພາແຫ່ງຊາດ

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 15/08/2022 14:28:37 ຈຳ​ນວນ​​ຢ້ຽມ​ຊົມ 1445 ຄັ້ງ

ສະພາແຫ່ງຊາດ ໄດ້ຈັດກອງປະຊຸມຝຶກອົບຮົມ ການຍົກສູງຂີດຄວາມສາມາດດ້ານທັກສະ ໃຫ້ແກ່ສະມາຊິກສະພາແຫ່ງຊາດ ຈາກ 10 ເຂດເລືອກຕັ້ງ ໃນວັນທີ ວັນທີ 15-16 ສິງຫາ ນີ້ ທີ່ ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ນາງ ສູນທອນ ໄຊຍະຈັກ ຄະ​ນະເລຂາທິການສູນກາງພັກ ຮອງປະທານຄະນະປະຈໍາສະພາແຫ່ງຊາດ ຜູ້ຊີ້ນຳສະຖາບັນຄົ້ນຄວ້ານິຕິກຳສະພາແຫ່ງຊາດ ທັງເປັນຫົວໜ້າຄະນະຊີ້ນຳ ການຍົກສູງຂີດຄວາມສາມາດໃຫ້ແກ່ສະມາຊິກສະພາແຫ່ງຊາດ, ສະມາຊິກສະພາປະຊາຊົນຂັ້ນແຂວງ.

ທ່ານ ຢ່າງກູ້ ຢ່າງລືໄຊ ຫົວໜ້າສະຖາບັນຄົ້ນຄວ້ານິຕິກໍາສະພາແຫ່ງຊາດ ໄດ້ກ່າວວ່າ: ກອງປະຊຸມຝຶກອົບຮົມການຍົກສູງຂີດຄວາມສາມາດດ້ານທັກສະໃຫ້ແກ່ສະມາຊິກສະພາແຫ່ງຊາດ ຈາກ 10 ເຂດເລືອກຕັ້ງ ຂອງບັນດາແຂວງພາກກາງ ແລະ ພາກເໜືອ ຄື: ແຂວງຜົ້ງສາລີ, ແຂວງຫຼວງນ້ຳທາ, ແຂວງອຸດົມໄຊ, ແຂວງບໍ່ແກ້ວ, ແຂວງຫຼວງພະບາງ, ແຂວງໄຊຍະບູລີ, ແຂວງຫົວພັນ, ແຂວງຊຽງຂວາງ, ແຂວງສາລະວັນ ແລະ ແຂວງໄຊສົມບູນ ຊຶ່ງເປັນການຈັດຕັ້ງປະຕິບັດ ແຜນພັດທະນາການຍົກສູງຂີດຄວາມສາມາດ ໃຫ້ແກ່ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ ໄລຍະ 5 ປີ (2021-2025).

ຈາກນັ້ນ, ທ່ານປະທານກອງປະຊຸມ ກໍໄດ້ກ່າວເປີດກອງປະຊຸມຢ່າງເປັນທາງການ ວ່າ: ກອງປະຊຸມຝຶກອົບຮົມເທື່ອນີ້, ເພື່ອຈັດຝຶກອົບຮົມໃຫ້ແກ່ສະມາຊິກສະພາແຫ່ງຊາດ ຈາກ 10 ເຂດເລືອກຕັ້ງເພີ່ມຕື່ມ ໃຫ້ຄົບຖ້ວນ ທັງ 18 ເຂດເລືອກຕັ້ງ ຊຶ່ງບັນດາທ່ານສະມາຊິກສະພາແຫ່ງຊາດ ທີ່ມາຈາກ ບັນດາເຂດເລືອກຕັ້ງ ແລະ ສະມາຊິກສະພາແຫ່ງຊາດທີ່ປະຈໍາຢູ່ສູນກາງ ທີ່ມີຫຼາກຫຼາຍສາຂາອາຊີບທີ່ແຕກຕ່າງກັນ ມີທັງຜູ້ເກົ່າ ແລະ ຜູ້ໃໝ່ ຈະມີໂອກາດຄົ້ນຄວ້າ ລົງເລິກຮຽນຮູ້ ແລະ ກໍາແໜ້ນເນື້ອໃນທັກສະທີ່ຈຳເປັນ ເພື່ອເຮັດໃຫ້ການປະຕິບັດພາລະບົດບາດ, ສິດ ແລະ ໜ້າທີ່ຂອງຕົນ ກໍຄືຂອງສະພາແຫ່ງຊາດ ມີປະສິດທິພາບ ແລະ ປະສິດທິຜົນ ທັງເປັນການສ້າງເງື່ອນໄຂໃຫ້ສະມາຊິກສະພາແຫ່ງຊາດ ຈາກເຂດເລືອກຕັ້ງຕ່າງໆ ໄດ້ພົບປະແລກປ່ຽນບົດຮຽນຊຶ່ງກັນ ແລະ ກັນ.

ກອງປະຊຸມຝຶກອົບຮົມໃນຄັ້ງນີ້ ຈະໄດ້ຮັບຟັງການສະເໜີບັນດາຫົວຂໍ້ 4 ຫົວຂໍ້ຄື: 1) ບົດຮຽນການຕິດຕາມກວດກາຂອງສະພາແຫ່ງຊາດ; 2) ທັກສະການຊັກຖາມ ແລະ ການປະກອບຄໍາເຫັນ; 3) ທັກສະການພົບປະຜູ້ມີສິດເລືອກຕັ້ງຂອງສະມາຊິກສະພາແຫ່ງຊາດ; 4) ທັກສະການຕິດຕາມກວດກາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານ.

ບັນດາຫົວຂໍ້ດັ່ງກ່າວ ຈະໄດ້ນຳສະເໜີ ໂດຍບັນດາທ່ານວິທະຍາກອນທີ່ມີປະສົບການໃນການນຳພາ-ຊີ້ນໍາ ການຈັດຕັ້ງປະຕິບັດວຽກງານຕົວຈິງ ຊຶ່ງມີຮອງປະທານສະພາແຫ່ງຊາດ, ປະທານກໍາມາທິການແຜນການ, ການເງິນ ແລະ ການກວດສອບ ແລະ ປະທານກຳມາທິການວຽກງານສະມາຊິກສະພາແຫ່ງຊາດ. ພ້ອມກັນນັ້ນ, ຍັງຈະໄດ້ມີການຄົ້ນຄວ້າແລກປ່ຽນຄຳເຫັນ ແລະ ບົດຮຽນຊຶ່ງກັນ ແລະ ກັນ ທີ່ຕິດພັນກັບບັນດາຫົວຂໍ້ ເພື່ອສ້າງຄວາມຮັບຮູ້ ເຂົ້າໃຈ, ກຳແໜ້ນເນື້ອໃນບັນຫາສຳຄັນ ເພື່ອໃຫ້ສາມາດນໍາໄປຈັດຕັ້ງປະຕິບັດ ໃຫ້ເກີດປະໂຫຍດສູງສຸດໃນການປະຕິບັດໜ້າທີ່ການເມືອງຂອງຕົນ.

(ຂ່າວ-ພາບ: ສຸກສະຫວັນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com