Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກຸ່ມບໍລິສັດ ພົງສະຫວັນ ຈັດພິທີປາຖະກະຖາ ປີສາມັກຄີມິດຕະພາບ ລາວ-ຫວຽດນາມ

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 28/09/2022 13:56:50 ຈຳ​ນວນ​​ຢ້ຽມ​ຊົມ 1534 ຄັ້ງ

ທ່ານ ຈະເລີນ ເຢຍປາວເຮີ ກຳມະການສູນກາງພັກ ຮອງປະທານສະພາແຫ່ງຊາດ ໄດ້ໃຫ້ກຽດເປັນປະທານ ແລະ ກ່າວປາຖະກະຖາ ປີສາມັກຄີມິດຕະພາບ ລາວ-ຫວຽດນາມ ປີ 2022 ທີ່ໄດ້ຈັດຂຶ້ນໂດຍກຸ່ມບໍລິສັດພົງສະຫວັນ ໃນວັນທີ 28 ກັນຍາ ນີ້ ຢູ່ສູນການຮ່ວມມືສາກົນ ແລະ ການຝຶກອົບຮົມ (ICTC) ໂດຍມີ ທ່ານ ໄພບູນ ພົງສະຫວັນ ເລຂາຄະນະບໍລິຫານງານພັກ ກຸ່ມບໍລິສັດພົງສະຫວັນ ຜູ້ອຳນວຍການໃຫຍ່ທະນາຄານພົງສະຫວັນ ພ້ອມດ້ວຍບັນດາທ່ານຄະນະພັກ, ຄະນະບໍລິຫານງານ ກຸ່ມບໍລິສັດ ແລະ ບັນດາທ່ານບໍລິສັດໃນເຄືອເຂົ້າຮ່ວມຮັບຟັງຢ່າງພ້ອມພຽງ.

ໂອກາດນີ້, ທ່ານ ຈະເລີນ ເຢຍປາວເຮີ ໄດ້ກ່າວວ່າ: ການສະເຫຼີມສະຫຼອງປີສາມັກຄີມິດຕະພາບ ລາວ-ຫວຽດນາມ ປີ 2022 ກໍແມ່ນການສະເຫຼີມສະຫຼອງສອງວັນປະຫວັດສາດ ທີ່ມີຄວາມໝາຍສຳຄັນລະຫວ່າງ ລາວ-ຫວຽດນາມ ກໍຄື ວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ-ຫວຽດນາມ ຄົບຮອບ 45 ປີ (18/7/1977-18/7/2022) ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 60 ປີ (5/9/1962-5/9/2022) ເພື່ອເປັນການຈາລຶກຄຸນງາມຄວາມດີຂອງພັກ, ລັດ ແລະ ປະຊາຊົນຫວຽດນາມອ້າຍນ້ອງ ທີ່ໄດ້ໃຫ້ການຊ່ວຍເຫຼືອອັນໃຫຍ່ຫຼວງ ແລະ ລໍ້າຄ່າໃນໄລຍະການຕໍ່ສູ້ປົດປ່ອຍຊາດ ກໍຄືພາລະກິດແຫ່ງການປົກປັກຮັກສາ ແລະ ສ້າງສາພັດທະນາ ສປປ ລາວ, ທັງເປັນການປະກອບສ່ວນຂອງປະຊາຊົນລາວບັນດາເຜົ່າ ເຂົ້າໃນການທ້ອນໂຮມປະເທດຫວຽດນາມ ໃຫ້ເປັນອັນໜຶ່ງອັນດຽວໃນເມື່ອກ່ອນ ແລະ ການປົກປັກຮັກສາ, ສ້າງສາພັດທະນາ ສສ ຫວຽດນາມ ໃນປັດຈຸບັນ.

ໃນພິທີທີ່ມີຄວາມໝາຍນີ້, ທ່ານ ຈະເລີນ ເຢຍປາວເຮີ ໄດ້ຫວນຄືນໃຫ້ເຫັນເຖິງຄວາມໝາຍຄວາມສໍາຄັນຂອງສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ ຊຶ່ງເມື່ອກ່າວເຖິງ ລາວ-ຫວຽດນາມ ແມ່ນມີຄວາມສາມັກຄີທີ່ເປັນມູນເຊື້ອມາແຕ່ດົນນານ, ເປັນສິ່ງສຳຄັນຫຼາຍ ເພາະເປັນຍຸດທະສາດຂອງການປະຕິວັດຂອງສອງປະເທດ ແລະ ມີຄວາມສຳຄັນ ປະກອບສ່ວນເຂົ້າໃນການປະຕິວັດໂລກ. ການພົວພັນລະຫວ່າງ ລາວ-ຫວຽດນາມ ມີຄວາມໝາຍທາງດ້ານທິດສະດີ ແລະ ພຶດຕິກຳ ຢ່າງເລິກເຊິ່ງທີ່ສຸດ ຍ້ອນໄດ້ພົວພັນເຖິງການດຳລົງຄົງຕົວ ແລະ ການຂະຫຍາຍຕົວຂອງສອງຊາດພວກເຮົາ, ພົວພັນເຖິງຊາຕາກຳຂອງສອງປະເທດ ເວົ້າສະເພາະ, ເວົ້າລວມ ກໍແມ່ນພົວພັນເຖິງການປະຕິວັດຂອງສາມຊາດອິນດູຈີນ ລາວ-ຫວຽດນາມ-ກຳປູເຈຍ ຊຶ່ງອາດເວົ້າໄດ້ວ່າ ກາຍເປັນກົດເກນດຳລົງຄົງຕົວຂອງສອງພັກ, ສອງລັດ ແລະ ປະຊາຊົນສອງຊາດຂອງພວກເຮົາ ໂດຍສະເພາະ ລາວ-ຫວຽດນາມ ແມ່ນມີລະບອບການເມືອງຄືກັນ ກໍແມ່ນການເດີນໄປສັງຄົມນິຍົມ ພາຍໃຕ້ການນຳພາຂອງພັກປະຕິວັດ ຂອງຊົນຊັ້ນກຳມະກອນ. ພິເສດ, ສອງພັກ-ສອງລັດ ຂອງລາວ-ຫວຽດນາມ ແມ່ນເກີດຮ່ວມຊາຕາກຳອັນດຽວກັນ, ຮ່ວມຕົ້ນກຳເນີດຂອງພັກອັນດຽວກັນ ກໍຄື ພັກກອມມູນິດອິນດູຈີນ (ໃນເມື່ອກ່ອນ); ປະຊາຊົນ ລາວ-ຫວຽດນາມ ເຄີຍໄດ້ຮ່ວມສຳພັນສູ້ຮົບ, ເປັນຕາຍຮ່ວມກັນ, ຮ່ວມຂຸມຕາຄອງອັນດຽວກັນ ເລືອດຫວຽດ-ເລືອດລາວ ໄດ້ລົງໃນແຜ່ນດິນທັງສອງປະເທດ ຊຶ່ງໃນນີ້ອັນພິເສດແມ່ນລາວໄດ້ຊ່ວຍຫວຽດນາມຫຼາຍທີ່ສຸດ ກໍແມ່ນເສັ້ນທາງໂຮ່ຈິມິນ ທີ່ຍາວຢຽດ ເພື່ອປະກອບສ່ວນປົດປ່ອຍພາກໃຕ້ຂອງຫວຽດນາມ ແລະ ຫວຽດນາມ ກໍໄດ້ຊ່ວຍເຫຼືອລາວຢ່າງຫຼວງຫຼາຍເຊັນກັນ.

ນອກນີ້, ທ່ານ ຈະເລີນ ເຢຍປາວເຮີ ຍັງຍົກໃຫ້ເຫັນເຖິງບາງຜົນສໍາເລັດອັນພົ້ນເດັ່ນຂອງການຮ່ວມມືລະຫວ່າງສອງປະເທດ ໃນຕະຫຼອດ 60 ປີ ໃນການພົວພັນການທູດ, ໝາກຜົນໃນການຈັດຕັ້ງປະຕິບັດສົນທິສັນຍາມິດຕະພາບ ແລະ ການຮ່ວມມື ຄົບຮອບ 45 ປີ; ພ້ອມທັງຍົກບາງບັນຫາສຳຄັນ ເພື່ອເປັນການຍູ້ແຮງໃຫ້ສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ລາວ-ຫວຽດນາມ ໄດ້ຮັບການເສິີມຂະຫຍາຍຍົກລະດັບການພົວພັນ ລາວ-ຫວຽດນາມ ທີ່ “ບໍ່ຄືໃຜ ແລະ ບໍ່ມີໃຜຄື ຫຼື ໜຶ່ງບໍ່ມີສອງ” ຫັນສູ່ລວງເລິກ ຂອງຄວາມສຳພັນຂອງສອງຊາດ ເພື່ອຜົນປະໂຫຍດຂອງປະຊາຊົນສອງປະເທດ.

(ຂ່າວ: ສຸກສະຫວັນ, ພາບ: ສອນທະວີ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com