ກອງ​ປະຊຸມ​ທາ​ບ​ທາມ​ບຸກ ​ຄະລາ​ກອນ​ຮອບ III ເພື່ອ​ກະ ກຽມ​ໃຫ້​ແກ່​ການ​ດຳເນີນ​ກອງ ປະຊຸມ​ໃຫຍ່​ຜູ້​ແທນ​ອົງຄະ​ນະ​ພັກ​ ເມືອງ​ໄຊ​ຍະ​ບູ​ລີ​ ຄັ້ງ​ທີ IX ໄດ້​ສຳເລັດ​ລົງ​ໃນ​ອາທິດ​ຜ່ານ​ມາ ທີ່​ຫ້ອງ​ປະຊຸມ​ຫ້ອງ​ວ່າການ​ເມືອງ. ພາຍຫຼັງ​ທີ່​ດຳເນີນ​ມາ​ເປັນ​ເວ ລາ  2  ວັນ  ໂດຍ​ການເປັນ​ກຽດ ​ເຂົ້າ​ຮ່ວມ​ຂອງສະຫາຍ  ຍັນຍົງ  ສີປະເສີດ   ຮອງເລຂາ​ພັກແຂວງ  ຮອງ​ເຈົ້າແຂວງ​ໄຊ​ຍະ​ບູ​ລີ,  ສະ ຫາຍ  ບຸນ​ແທນ   ທີ​ແກ້ວ  ກຳມະ ການ​ພັກ​ແຂວງ   ເລຂາພັກເມືອງ ເຈົ້າເມືອງໄຊ​ຍະ​ບູ​ລີ,    ມີ​ຄະນະ ປະຈຳພັກແຂວງ,  ກຳມະການ​ພັກ​ແຂວງ,  ຄະນະປະຈໍາ​ພັກ​ເມືອງ,   ກໍາມະການ​ພັກເມືອງ,  ຫົວໜ້າ​ຫ້ອງການ, ເລຂາ​ຄະນະ​ພັກ​ຮາກຖານ, ເລຂາ​ໜ່ວຍ​ພັກ​ບ້ານ​ພາຍ​ໃນ​ເມືອງ​ເຂົ້າ​ຮ່ວມ.
   ໃນ​ກອງ​ປະຊຸມ ສະຫາຍ​ບຸນ​ແທນ ທີ​ແກ້ວ ​ໄດ້​ຂຶ້ນ​ຜ່ານ​ຮ່າງ​ບົດ​ສຳຫຼວດ​ການ​ນຳພາ​ລວມ​ຂອງ​ຄະນະ​ບໍລິຫານ​ງານ​ພັກ​ເມືອງ​ໄຊ​ຍະ​ບູ​ລີ​ ສະໄໝທີ VIII  ຊຶ່ງ​ຄະນະ​ບໍ​ລິຫານ​ງານ​ພັກ ​ເມືອງ​ໄຊ​ຍະ​ບູ​ລີ​ ໄດ້​ຮັບ​ການ​ເລືອກ​ຕັ້ງ​ຈາກ​ຜູ້​ແທນ​ກອງ​ປະຊຸມ​ໃຫຍ່ ​ ຄັ້ງ​ທີ VIII ໃນ​ວັນ​ທີ 15-16 ສິງຫາ 2014 ປະກອບ​ມີ 25 ສະຫາຍ  ຍິງ 5 ສະຫາຍ, ຄະນະ​ປະຈຳ​ພັກ​ເມືອງ 7 ສະ ຫາຍ, ມາ​ຮອດ​ປັດຈຸບັນ​ມີ 20 ສະຫາຍ  ຍິງ 5 ສະຫາຍ, ທົ່ວ​ອົງຄະ​ນະ​ພັກ​ເມືອງ​ມີ 221 ຮາກ​ ຖານ​ພັກ, ມີ 11 ຄະນະພັກຮາກ​ ຖານ, ມີ 210 ໜ່ວຍພັກ, ມີ​    ສະມາຊິກພັກ  2.730  ສະຫາຍ ຍິງ 1.100 ສະຫາຍ, ສໍາ​ຮອງ 178 ສະຫາຍ ຍິງ 78 ສະຫາຍ  ໃນ​ໄລຍະ​ຜ່ານມາຄະນະ​ພັກໄດ້​ ຖື​ເອົາ​ວຽກ​ງານການເມືອງ​ແນວ​ຄິດ​ເປັນ​ກົກ​ໃຫ້ແກ່​ສະມາຊິກ​ພັກ​ຖັນ​ແຖວພະນັກ​ງານ​-​ລັດ ຖະກອນ,  ກຳລັງ​ປະກອບ​ອາວຸດ  ແລະ  ປະຊາຊົນ​ບັນດາເຜົ່າ​ຢ່າງ​ເປັນ​ປົກກະຕິ,  ດ້ວຍ​ຫຼາຍ​ຮູບ​ການ,  ຫຼາຍ​ເນື້ອ​ໃນ​ຢ່າງ​ເປັນ​ລະບົບ​ຕໍ່​ເນື່ອງ ​ເປັນຕົ້ນແມ່ນ​ການຈັດຕັ້ງ​ເຜີຍແຜ່​ເຊື່ອມຊຶມ ​ມະຕິ X ຂອງພັກ, ມະຕິ VI ຂອງ​ ອົງຄະ​ນະ​ພັກ​ແຂວງ ແລະ ມະ ຕິ VIII ຂອງອົງຄະນະ​ພັກ​ເມືອງ,  ສາມາດ​ສ້າງໜ່ວຍພັກເຂັ້ມແຂງ ​ຮູ້​ນຳພາ​ຮອບດ້ານ​ໄດ້   144 ໜ່ວຍ  ​ກວມ​ເອົາ 76,19%, ສ້າງ​ສະ ມາຊິກ​ພັກ​ແຂງ​ໄດ້ 2.612 ສະ ຫາຍ ກວມ​ເອົາ 95,67%, ຈາກ ​ນັ້ນ  ໃນກອງປະຊຸມ​ກໍໄດ້ຜ່ານ ​ຄຳ​ຕຳນິສົ່ງຂ່າວຕໍ່ການນຳພາ ລວມ​ຂອງ​ຄະນະ​ບໍລິຫານງານ​ພັກ​ເມືອງ,  ປະກອບ​ຄຳເຫັນ​ໃສ່​ຮ່າງການນຳພາ​ລວມຂອງ ​ຄະນະບໍລິຫານງານ​ພັກ​ເມືອງ,  ຕຳນິສົ່ງ​ຂ່າວ​ຕໍ່ການນຳພາລວມ​ ຂອງຄະນະ​ບໍລິຫານ​ງານ​ພັກ​ ເມືອງ   ສະໄໝ​ທີ  VIII,  ດຳເນີນ ການສຳຫຼວດ​ເລຂາ,   ຮອງເລຂາ ​ພັກ​ເມືອງ ແລະ ກຳມະການປະ ຈຳ​ພັກ​ເມືອງ,   ດໍາ​ເນີນ​ການ​ສຳ ຫຼວດບຸກຄົນ​ໃນ​ຄະນະ​ບໍລິຫານ​ງານ​ພັກ​ເມືອງ,  ດຳເນີນ​ການ​ທາບທາມ​ບຸກ​ຄະລາ​ກອນ​ຜູ້​ທີ່​ຈະ​​ຮັບ​ສະໝັກ​ເລືອກ​ຕັ້ງ​ເປັນ​ຄະນະ​ບໍລິຫານ​ງານ​ພັກ​ເມືອງ​ຮອບ​ທີ III ແລະ ທາ​ບ​ທາມ​ຄະນະ​ປະຈຳ​ພັກ​ເມືອງ, ເລຂາ, ຮອງ​ເລຂາ, ປະທານ, ຮອງປະ ທານ​ຄະນະ​ກວດກາພັກ​ເມືອງ, ຜ່ານ​ຮ່າງ​ເນື້ອ​ໃນ  3  ບົດ,  ດໍາ​ເນີນກອງປະຊຸມ​ຄົບ​ຄະນະ​ບໍລິ ຫານງານພັກ​ເມືອງ​ໄຊ​ຍະບູລີ​ທ້າຍ​ສະໄໝ​ທີ VIII, ຜ່ານມາດ ຖານ​ເງື່ອນ ໄຂ​ຜູ້ທີ່​ຈະ​ຮັບ​ເລືອກ ​ຕັ້ງ​ເປັນຄະນະບໍລິຫານ​ງານ​ຊຸດ​ໃໝ່,   ຜ່ານ​ລາຍ​ຊື່​ບຸກ​ຄະລາ ກອນ​ຜູ້​ທີ່​ຈະ​​ຮັບ​ສະໝັກ​ເລືອກ​ຕັ້ງ​ເປັນຄະນະ​ບໍລິຫານ​ງານພັກ ​ເມືອງ​ຮອບ​ທີ III, ຜ່ານ​ຮ່າງ​ລາຍ​ງານ​ການເມືອງ​ໂດຍຫຍໍ້, ຜ່ານ​ຮ່າງ​ແຜນ​ພັດທະນາເສດ​ ຖະ​ກິດ​-​ສັງຄົມ​ໂດຍ​ຫຍໍ້ ພ້ອມ ​ນີ້​ກໍໄດ້​ຄົ້ນ​ຄວ້າ ແລະ ພິຈາລະ ນາ​ຮັບຮອງ​ເອົາ​ເນື້ອ​ໃນ​ຮ່າງ ​ລາຍ​ງານ​ການເມືອງ​ ທັງ 2 ພາກ,  ຄົ້ນ​ຄວ້າ​ພິຈາລະນາຮັບ ຮອງ​ເອົາ​ເນື້ອ​ໃນ​ຮ່າງ​ບົດ​ສະ ຫຼຸບແຜນພັດທະນາ​ເສດຖະກິດ ​-​ສັງຄົມ​ທັງ 2 ພາກ, ຄົ້ນ​ຄວ້າ  ແລະ  ພິຈາລະນາຮັບຮອງເອົາ ​ເນື້ອ​ໃນ​ຮ່າງ​ບົດ​ສຳຫຼວດການ ນຳພາ​ລວມຂອງຄະນະບໍລິຫານ ​ງານ​ພັກ​ເມືອງ ສະໄໝທີ VIII, ຜ່ານ​ຜົນ​ການ​ທາບທາມຜູ້ທີ່​ຈະ​ ສະໝັກ​ເປັນຄະນະບໍລິຫານ ງານພັກ​ເມືອງ ​ຊຸດໃໝ່ຮອບ III,  ຄົ້ນ​ຄວ້າ  ແລະ  ພິຈາລະນາ​ຮັບ ຮອງ​ເອົາບຸກຄະລາກອນ​ຜູ້​ທີ່​ຈະ​​ສະໝັກ​ເລືອກຕັ້ງ​ເປັນ​ຄະນະ​ບໍ ລິຫານ​ງານ​ພັກ​ເມືອງ​ຊຸດ​ໃໝ່,  ຄົ້ນ​ຄວ້າ  ແລະ   ຕົກລົງຄວາມ ​ພ້ອມ​ດ້ານຕ່າງໆໃນ​ການ​ກະກຽມ​ ດຳເນີນ​ກອງ​ປະຊຸມ​ໃຫຍ່ ຄັ້ງ​ທີ IX ເພື່ອ​ລາຍ​ງານ ແລະ ຂໍ​ອະນຸ ມັດ​ຈາກ​ຂັ້ນ​ເທິງ. ຕອນທ້າຍກອງ ​ປະຊຸມ​  ສະຫາຍ  ຍັນຍົງ   ສີປະເສີດ ​ກໍໄດ້ໃຫ້​ກຽດ​ໂອ້​ລົມຕື່ມ​ອີກ. 
(ຂ່າວ​-​ພາບ: ສົມພົງ ສີສະ​ຫວັດ)