Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ທ່ານ ຄໍາພັນ ພົມມະທັດ ຢ້ຽມຢາມ ແລະ ເຮັດວຽກ ຢູ່ແຂວງຊຽງຂວາງ

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 29/09/2022 10:45:05 ຈຳ​ນວນ​​ຢ້ຽມ​ຊົມ 833 ຄັ້ງ

ທ່ານ ຄໍາພັນ ພົມມະທັດ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ປະທານຄະນະກວດກາສູນກາງພັກ ປະທານອົງການກວດກາແຫ່ງລັດ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ເຄື່ອນໄຫວຢ້ຽມຢາມ ແລະ ເຮັດວຽກ ຢູ່ແຂວງຊຽງຂວາງໃນລະຫວ່າງວັນທີ 26-28 ກັນຍາ ນີ້ ໂດຍໄດ້ຮັບການຕ້ອນຮັບຢ່າງອົບອຸ່ນ ຈາກ ທ່ານ ບຸນຈັນ ສີວົງພັນ ກຳມະການສູນກາງພັກ ເລຂາພັກແຂວງ ເຈົ້າແຂວງຊຽງຂວາງ ພ້ອມດ້ວຍຄະນະ.

ໂອກາດນີ້ ໄດ້ຮັບຟັງການລາຍງານສະພາບ​ລວມຂອງແຂວງ ກ່ຽວກັບການເຄື່ອນໄຫວປະຕິບັດວຽກງານໃນໄລຍະຜ່ານມາຈາກ ທ່ານ ບຸນຈັນ ສີວົງພັນ ຊຶ່ງທ່ານໃຫ້ຮູ້ວ່າ: ອົງການປົກຄອງຂັ້ນຕ່າງໆ ຂອງແຂວງໄດ້ສຸມໃສ່ນຳພາ-ຊີ້ນຳໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ ກໍຄືການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ, ການແກ້ໄຂບັນຫາຢາເສບຕິດ; ລວມທັງວຽກງານກວດກາພັກ, ກວດ ກາລັດ ແລະ ຕ້ານການສໍ້ລາດບັຫຼວງເປັນຕົ້ນ; ສຳລັບແຜນພັດທະນາເສດຖະກິດ-ສັງຄົມຂອງແຂວງ ຊຽງຂວາງ 5 ປີ (2021-2025) ແມ່ນໄດ້ກໍານົດ 3 ແຜນບຸລິມະສິດຕົ້ນຕໍຄື: ຖືເອົາການລ້ຽງສັດໃຫຍ່ເປັນສິນຄ້າເປັນບຸລິມະສິດທີໜຶ່ງ, ຖືເອົາການທ່ອງທ່ຽວເປັນບຸລິມະສິດທີສອງ ແລະ ຖືເອົາການປຸງແຕ່ງຜະລິດຕະພັນກະສິກຳສະອາດ ແລະ ຊັບພະຍາກອນທຳມະຊາດ ທີ່ມີທ່າແຮງເປັນບຸລິມະສິດທີສາມ, ​ຄາດໝາຍສູ້ຊົນຂອງແຂວງຊຽງຂວາງໄດ້ວາງຄາດໝາຍສູ້ຊົນໃຫ້ເສດຖະກິດຂະຫຍາຍຕົວໃນລະດັບ 6,8% ຕໍ່ປີ, ລາຍຮັບ GDP ສະເລ່ຍຕໍ່ຄົນຮອດປີ 2025 ໃຫ້ບັນລຸໄດ້ 2.000 ໂດລາ/ຄົນ/ປີ, ໃນ 6 ເດືອນຕົ້ນປີ 2022 ສາມາດຈັດເກັບລາຍຮັບທ້ອງຖິ່ນເຂົ້າງົບປະມານໄດ້ 48,27 ຕື້ກີບ ເທົ່າກັບ 32,41% ຂອງແຜນການປີ; ສໍາລັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ສາມາດມ້າງຄະດີຢາເສບຕິດໄດ້ 66 ລາຍ, ກັກຕົວຜູ້ຖືກຫາ 85 ຄົນ, ຢຶດຂອງກາງປະເພດເຮໂຣອິນໄດ້ 31 ແທ່ງ, ຢຶດຢາບ້າໄດ້ 73.403 ເມັດ, ຢາໄອ້ 2 ແກັດ, ສານເຄຟາອິນ 11.870 ກິໂລ, ລົດໃຫຍ່ 4 ຄັນ, ລົດຈັກ 6 ຄັນ, ໂທລະສັບມືຖື 24 ໜ່ວຍ, ເງິນກີບທະນາຄານ 17.938.000 ກີບ ແລະ ປືນ ຈຳນວນໜຶ່ງ; ສໍາລັບການຈັດຕັ້ງປະຕິບັດວຽກງານຕິດຕາມ, ກວດກາພັກ, ກວດກາລັດ ແລະ ຕ້ານການສໍ້ລາດບັງຫຼວງ ມີຄື: ​ວຽກງງານກວດກາພັກໄດ້ເອົາໃຈໃສ່ນໍາພາ-ຊີ້ນໍາ ການຕິດຕາມ, ກວດກາການປະຕິບັດກົດລະບຽບຂອງພັກ ແລະ ບັນດານິຕິກຳຕ່າງໆ ກ່ຽວກັບວຽກງານກວດກາພັກ ຊຶ່ງໄດ້ລົງກວດກາປົກກະຕິຄະນະບໍລິຫານງານພັກເມືອງ ສຳເລັດ 5 ເມືອງ ແລະ 19 ເປົ້າໝາຍ ຢູ່ບັນດາພະແນກການອ້ອມຂ້າງແຂວງ ເພື່ອສະກັດກັ້ນການລະເມີດລະບຽບຫຼັກການ ແລະ ຂໍ້ຫ້າມຕ່າງໆ. ວຽກງານກວດກາລັດ ໄດ້ສົມທົບກັບສູນກາງສຸມໃສ່ຕິດຕາມ, ກວດກາໂຄງການລົງທຶນຂອງລັດ ແລະ ກວດກາຕາມຜົນການກວດສອບໂຄງການມູນຄ່າ 10 ຕື້ກີບ ຂຶ້ນໄປຈຳນວນ 26 ໂຄງການ, ມູນຄ່າຮັບຮອງ 1.183,43 ຕື້ກີບ ພົບເຫັນມູນຄ່າຕ້ອງຫັກລົບ 127,27 ຕື້ກີບ, ກວດກາໂຄງການ 10 ຕື້ກີບ ລົງມາ ຈໍານວນ 21 ໂຄງການມູນຄ່າຮັບຮອງ 46,64 ຕື້ກີບ, ມູນຄ່າຫັກລົບ 2,31 ຕື້ກີບ. ວຽກງານຕ້ານການສໍ້ລາດບັງຫຼວງ ໄດ້ເຄື່ອນໄຫວຕິດຕາມ, ກວດກາ ແລະ ແກ້ໄຂສະມາຊິກພັກ, ພະນັກງານທີ່ມີພຶດຕິກຳສໍ້ລາດບັງຫຼວງທັງໝົດ 5 ກໍລະນີ ມີຜູ້ກະທຳຜິດທັງໝົດ 50 ຄົນ, ພົບເຫັນການຕົກເຮ່ຍເສຍຫາຍທັງໝົດ 2,31 ຕື້ກີບ​, ເກັບກູ້ຄືນໄດ້ 393 ລ້ານກີບ, ຍັງຄ້າງ 2,28 ຕື້ກີບ, ແກ້ໄຂທາງດ້ານບໍລິຫານຈຳນວນ 3 ສະຫາຍ, ໂຈະການຮ່ວມຊີວິດພັກ ແລະ ປົດຕຳ ແໜ່ງດ້ານບໍລິຫານລັດ, ແກ້ໄຂຕາມຜົນການກວດສອບມີ 2 ເປົ້າໝາຍ ມູນຄ່າເສຍຫາຍທັງໝົດ 1,16 ຕື້ກີບ (ປັດຈຸບັນໄດ້ແກ້ໄຂຕາມຂະບວນຍຸຕິທຳແລ້ວ), ພະນັກງານທີ່ມີການພົວພັນການຈ່າຍເງິນຊໍ້າຊ້ອນ ແລະ ບັນຫາໄມ້ ຖືກປະຕິບັດວິໄນທັງໝົດ 45 ຄົນ, ໃນນັ້ນ ວິໄນຂັ້ນ 1 ມີ 11 ຄົນ, ຂັ້ນ 2 ມີ 8 ຄົນ ແລະ ຂັ້ນ 3 ມີ 26 ຄົນ.

ພາຍຫຼັງໄດ້ຮັບຟັງການລາຍງານແລ້ວ ທ່ານ ຄໍາພັນ ພົມມະທັດ ກໍໄດ້ສະແດງຄວາມຊົມເຊີຍຕໍ່ການນຳພາ-ຊີ້ນຳ ຂອງອົງຄະນະພັກແຂວງ ທີ່ມີຜົນສຳເລັດຫຼາຍດ້ານ ພ້ອມທັງມີຄຳເຫັນໂອ້ລົມຕໍ່ຄະນະພັກ, ຄະນະນໍາ ພ້ອມດ້ວຍພະນັກງານຫຼັກແຫຼ່ງຂອງແຂວງ ເປັນຕົ້ນການແກ້ໄຂບັນຫາເສດຖະກິດ-ການເງິນ ແມ່ນໃຫ້ເສີມຂະຫຍາຍຄວາມເປັນເຈົ້າການໃນການຄິດ ແລະ ພ້ອມກັນຕັດສິນໃຈເຮັດ, ສົ່ງເສີມຫົວຄິດປະດິດສ້າງໃນການປະຕິບັດ ກ້າເຮັດກ້າຮັບຜິດຊອບ ເຊີດຊູຄວາມເສຍສະຫຼະຂອງຜູ້ນຳພາ ເພື່ອສ້າງການຫັນປ່ຽນຢ່າງແຂງແຮງ; ສຳລັບວຽກງານຕິດຕາມ, ກວດກາ ຕ້ອງເລັ່ງທວງຄຸນນະພາບ ການປະຕິບັດໜ້າທີ່ ຂອງຜູ້ເຮັດວຽກງານກວດກາໃຫ້ຕິດພັນກັບເນື້ອໃນຈິດໃຈ ຂອງກອງປະຊຸມວຽກງານກວດກາທົ່ວປະເທດຄັ້ງທີ IV ແລະ ເນື້ອໃນຈິດໃຈຄຳສັ່ງແນະນຳເລກທີ 169/ຄລສພ ຂອງຄະນະເລຂາທິການສູນກາງພັກ ໃນການເຄື່ອນໄຫວຕິດຕາມ, ກວດກາ ແລະ ການແກ້ໄຂຜົນຂອງການກວດກາ ໃຫ້ເປັນມາດຕະການ ຂອງການປະຕິບັດຕົວຈິງສຳຄັນທີ່ສຸດເປັນປັດໄຈຄໍ້າປະກັນໂດຍກົງຂອງການສ້າງການຫັນປ່ຽນແບບບຸກທະລຸຂອງການສ້າງພັກປອດໃສ, ເຂັ້ມແຂງ, ໜັກແໜ້ນ; ການເຄື່ອນໄຫວກວດກາຈັດຕັ້ງປະຕິບັດກົດລະບຽບຂອງພັກ, ກົດໝາຍຂອງລັດ ໃນສະພາບປັດຈຸບັນຕ້ອງຕິດພັນໂດຍກົງກັບການສະກັດກັ້ນ ແລະ ຕີຖອຍ ການສວຍໃຊ້ໜ້າທີ່ຕຳແໜ່ງ ເພື່ອຫາຜົນປະໂຫຍດ ແລະ ສໍ້ລາດບັງຫຼວງໃນຖັນແຖວສະມາຊິກພັກ-ພະນັກງານສະມາຊິກພັກ-ລັດຖະກອນ, ທະຫານ, ຕຳຫຼວດ, ຢັບຢັ້ງ ແລະ ຫຼຸດຜ່ອນຄວາມເສຍຫາຍດ້ານຊັບສິນຂອງລັດ ແລະ ລວມໝູ່, ປົກປ້ອງສິດຜົນປະໂຫຍດອັນຊອບທໍາຂອງປະຊາຊົນ ກໍຄືຮັກສາບົດບາດອິດທິພົນຂອງພັກ​; ຖືສໍາຄັນສຸມໃສ່ປັບປຸງກົນໄກປະສານງານການນໍາພາ-ຊີ້ນໍາການເຄື່ອນໄຫວວຽກງານກວດກາ, ການແກ້ໄຂຜົນການກວດກາ ຕາມຂັ້ນຄຸ້ມຄອງ ໂດຍຮັບປະກັນການປະສານສົມທົບຢ່າງແໜ້ນແຟ້ນກົມກຽວ ລະຫວ່າງການຊີ້ນຳຂອງຄະນະພັກແຕ່ລະຂັ້ນ ແລະ ການນຳພາ-ຊີ້ນຳຈາກຄະນະພັກຂັ້ນເທິງກໍຄືການຊີ້ນຳດ້ານວິຊາການ ແລະ ໃຊ້ສິດຕາມສາຍຕັ້ງຂອງຄະນະກວດກາພັກ ຫຼື ອົງການກວດກາລັດ ຕາມຄວາມຈຳເປັນ ແລະ ເໝາະສົມ; ເລັ່ງລັດແກ້ໄຂສະພາບການຂອງການດໍາເນີນການກວດກາໂດຍລວມຍັງຊັກຊ້າ ແລະ ຄຸມເຄືອການຊີ້ນໍາແກ້ໄຂຜົນການກວດກາເປົ້າໝາຍກະທຳຜິດຍັງມີລັກສະນະແກ່ຍາວຂາດຜູ້ຮັບຜິດຊອບແກ້ໄຂຈະແຈ້ງເດັດຂາດ; ເອົາການຕິດຕາມ, ກວດກາເປັນເນື້ອໃນ ແລະ ແບບແຜນທີ່ຂາດບໍ່ໄດ້ຂອງການຈັດຕັ້ງ ແລະະ ພະນັກງາານນຳພາຄຸ້ມຄອງແຕ່ລະຂັ້ນ, ຍົກລະດັບວຽກງານກວດກາໂດຍສະເພາະໃນການຕີຖອຍການສໍ້ລາດບັງຫຼວງໃນຖັນແຖວພະນັກງານ-ສະມາຊິກພັກ, ລັດຖະກອນ, ທະຫານ,​ ຕຳ ຫຼວດ ເປັນບ່ອນອີງທີ່ສຳຄັນ ແລະ ຂາດບໍ່ໄດ້ໃນການຕີລາຄາຄວາມຮູ້, ຄວາມສາມາດ ແລະ ຄວາມຮັບຜິດຊອບຂອງຜູ້ນຳພາ-ຄຸ້ມຄອງ ທັງເອົາບັນຫານີ້ຕິດພັນກັບເງື່ອນໄຂພິຈາລະນາສັບຊ້ອນຈັດວາງພະນັກງານສືບທອດ ເຂົ້າໃນຕຳແໜ່ງຈະເລື່ອນຊັ້ນເລື່ອນຕຳແໜ່ງ ແມ່ນໃຫ້ມີການປະເມີນຢ່າງລະອຽດຈະແຈ້ງ; ນອກຈາກນີ້ ໃນຕອນບ່າຍຂອງມື້ດຽວກັນກໍໄດ້ໄປຢ້ຽມຢາມກຸ່ມຫັດຖະກຳຕໍ່າຫູກຢູ່ບ້ານຊຽງກ່ຽວ ເມືອງຄຳ, ຢ້ຽມຢາມກຸ່ມຜະລິດຄັນຍູເຈ້ຍ (ຄັນຮົ່ມເຈ້ຍ) ແລະ ແຄນ ຢູ່ບ້ານມີໄຊ ເມືອງ ພູກູດ ແລະ ຢ້ຽມຢາມ ບໍລິສັດ ຫົງຊັບ ມາໂບ້ ຈຳກັດ ຢູ່ພູຂີ້ເລົ້າ, ເມືອງແປກ.

(ຂ່າວ-ພາບ: ຕູ່ນາ ເລົ່າຖາວອນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com