ໜ່ວຍ​ພັກ​ລັດ​ວິ​ສາ​ຫະ​ກິດ​ໄຟຟ້າ​ລາວ ສາຂາ​ແຂວງ​ເຊ​ກອງ ໄດ້​ເປີດ​ກອງ​ປະຊຸມ​ໃຫຍ່​ຄັ້ງ​ທີ I ຂອງ​ຕົນ​ຂຶ້ນ ທີ່​ຫ້ອງ​ປະຊຸມ​ຫ້ອງການ​ດັ່ງກ່າວ​ເມື່ອບໍ່​ດົນຜ່ານມາ ໂດຍ​ການ​ເປັນ​ປະທານ​ຂອງ ​ສະຫາຍ ເຫຼັກໄຫຼ ສີວິໄລ ກຳມະການ​ປະ​ຈໍາ​ພັກ​ແຂວງ ຮອງ​ເຈົ້າແຂວງ, ມີ​ສະ​ຫາຍ​ ຄໍາ​ແສນ ພະ​ສະແຫວງ ຮອງ​ເລຂາ​ຄະ ນະ​ພັກ​ຮາກ​ຖານ​ພະ​ແນ​ກ​ພະລັງງານ ແລະ​ ບໍ່​ແຮ່​ແຂວງ, ມີ​ຄະນະ​ໜ່ວຍ​ພັກ, ພ້ອມ​ດ້ວຍ​ແຂກ​ຖືກ​ເຊີນ ແລະ ສະມາຊິກ​ພັກ​ພາຍ​ໃນ​ໜ່ວຍ​ພັກ​ດັ່ງກ່າວເຂົ້າ​ຮ່ວມ. 
   ສະຫາຍ  ວິ​ໄຊ ໄຍ​ຍະສານ ຄະນະ​ພັກ​ຮາກ​ຖານ ເລຂາ​ໜ່ວຍ​ພັກ ໄດ້​ສະຫຼຸບ​ຕີ​ລາຄາ​ຄືນ​ການຈັດຕັ້ງ​ປະຕິບັດ​ຊີ້​ນໍາ-ນໍາ​ພາ​ຂອງ​ໜ່ວຍ​ຕົນ ໂດຍ ໃຫ້​ຮູ້​ວ່າ: ໜ່ວຍ​ພັກ​ຂອງ​ຕົນ ມີ​ສະມາຊິກ​ພັກ​ທັງ​ໝົດ 22 ສະຫາຍ ຍິງ 3 ສະຫາຍ, ສະ​ມາ​ຊິກ​ສໍາ​ຮອງ 6 ສະຫາຍ ຍິງ 1 ສະຫາຍ  ຊຶ່ງ​ໃນ​ໄລຍະ 3 ປີ ຜ່ານມາ ຄະນະ​ໜ່ວຍ​ພັກ ໄດ້​ເອົາໃຈ​ໃສ່​ນໍາ​ພາ​ສຶກສາ​ອົບຮົມ​ດ້ານ​ການເມືອງ​ແນວ​ຄິດໃຫ້​ແກ່​ສະມາຊິກ​ພັກ, ພະນັກງານ ຢ່າງ​ຕັ້ງໜ້າດ້ວຍ​ການ​ນໍາ​ເອົາ ແນວ​ທາງ​ນະໂຍບາຍ​ຂອງ​ພັກ, ລະບຽບ ກົດໝາຍ​ຂອງ​ລັດ ແລະ ​ມະ​ຕິ​ຄໍາ ​ສັ່ງ​ຂອງ​ພັກ​-​ລັດ ມາ​ເຜີຍແຜ່​ໄດ້​ທັງ​ໝົດ 9 ຄັ້ງ ມີ​ຜູ້​ເຂົ້າ​ຮ່ວມ 135 ເທື່ອ​ຄົນ ຍິງ 36 ເທື່ອ​ຄົນ, ອັນ​ໄດ້​ເຮັດ​ໃຫ້​ສະມາຊິກ​ພັກ​-​ພະນັກງານ​ມີ​ຄວາມ​ໜັກ​ແໜ້ນ​ທາງ​ດ້ານ​ການເມືອງ​ແນວ​ຄິດ, ມີ​ຄວາມ​ເຊື່ອ​ໝັ້ນ​ຕໍ່​ແນວທາງ​ປ່ຽນແປງ​ໃໝ່​ຂອງ​ພັກ, ມີ​ຄວາມ​ຈົ່ງ​ຮັກ​ພັກດີ​ຕໍ່​ພັກ, ຕໍ່​ປະເທດ​ຊາດ ແລະ​ຕໍ່​ລະບອບ​ປະຊາທິປະໄຕ​ຢ່າງ​ໜັກ​ແໜ້ນ, ມີ​ຄວາມ​ຈົ່ງ​ຮັກ​ພັກດີ, ບໍລິສຸດ​ສັດຊື່, ເຄົາລົບ​ລະບຽບ​ພັກ​-​ກົດໝາຍ​ຂອງ​ລັດ, ມີ​ຄວາມ​ສາມັກຄີ​ຢ່າງ​ໜັກ​ແໜ້ນ ມີ​ຄວາມ​ເປັນ​ເອກະ​ພາບ​ພາຍ​ໃນ​ພັກ, ປະຕິບັດຕາມ ​ແນວທາງ​ແຜນ​ນະໂຍບາຍ​ຂອງ​ພັກ​ລະບຽບ​ກົດໝາຍ​ຂອງ​ລັດ​ຢ່າງ​ເຂັ້ມ​ງວດມີ​ຄວາມ​ບຸກ​ບືນ​ສູ້​ຊົນ​ຜ່ານ​ຜ່າ​ທຸກ​ຄວາມ​ຫ​ຍຸ້ງ​ຍາກເຮັດ​ສໍາ​ເລັດ​ໜ້າທີ່​ດ້ານວິຊາ​ສະເພາະ​ໃນ​ທຸກ​ຂົງ ເຂດວຽກ​ງານ​ຂ​ອງຂະ​ແໜງ​ໄຟຟ້າ​ໃຫ້​ມີ​ຄວາມ​ເຂັ້ມແຂງ ແລະ​ ຫັນເປັນອຸດສາຫະກຳທີ່​ ທັນ​ສະໄໝ​ເທື່ອ​ລະ​ກ້າວ; ພ້ອມ​ດຽວ​ກັນ​ນັ້ນ ຍັງ​ໄດ້​ຖື​ສໍາ​ຄັນຂະ ຫຍາຍ​ພັກ ຕະຫຼອດ 3 ປີ ຜ່ານ ມາສາມາດ​ຂະຫຍາຍ​ພັກ​ ໄດ້ 11 ສະຫາຍ, ມອບ​ບັດ​ໃຫ້​ສະ ມາຊິກ​ພັກ​ສົມບູນ​ໄດ້ 14 ສະ ຫາຍ, ຈັດ​ປະເພດ​ສະມາຊິກ​ພັກ​ແຂງ ໄດ້ 16 ສະຫາຍ ຍິງ 2 ສະຫາຍ, ບໍ່ໄດ້​ຈັດ​ປະເພດ 6 ສະຫາຍ ຍິງ 1 ສະຫາຍ (ສະມາຊິກ​ພັກ​ສໍາ​ຮອງ); ເຮັດ​ໜ້າທີ່​ວິຊາ​ສະເພາະ​ໃຫ້​ມີ​ການ​ພັດທະນາ​ຢ່າງ​ຕໍ່ເນື່ອງ ເພື່ອ​ສະ​ໜອງໄຟຟ້າ​​ໃຫ້ແກ່​ສັງຄົມ, ເຮັດ​ໃຫ້​ປະຊາຊົນ​ໄດ້​ຊົມໃຊ້​ໄຟຟ້າ​ຢ່າງ​ທົ່ວ​ເຖິງ ​ຊຶ່ງ​ປ​ັດຈຸບັນທົ່ວ​ແຂວງ ໄດ້​ມີ​ລະ​ບົບ​ຕາ​ຂ່າຍ​ໄຟຟ້າ 22 KV ມີ​ເຖິງ 855,39 Km ທຽບໃສ່​ປີ 2016 ເພີ່ມ​ຂຶ້ນ 203,06 Km, ເທົ່າ​ກັບ 31,17%, ລະບົບ​ຕາ​ຂ່າຍ​ໄຟຟ້າ 0,4 KV ຈໍາ​ນວນ 384,48 KM ເພີ່ມ​ຂຶ້ນ 23,01 Km ເທົ່າ​ກັບ 6,36%, ມີ​ໝໍ້​ແປງ 515 ໜ່ວຍ, ມີ​ກຳລັງ​ການ​ຕິດ​ຕັ້ງ 63,085 KVA ເພີ່ມ​ຂຶ້ນ 112 ໜ່ວຍ ເທົ່າ​ກັບ 28%, ມີ​ໝໍ້ນັບໄຟ​ໃນ​ການ​ຄຸ້ມ​ຄອງ​ຂອງ​ສາຂາ 17.431 ໜ່ວຍ ທຽບໃສ່​ປີ 2016 ເພີ່ມ​ຂຶ້ນ 2.103 ໜ່ວຍ ເທົ່າ​ກັບ 14%; ນອກ​ນີ້ ຄະນະ​ພັກ​ຊຸດ​ເກົ່າ​ຍັງ​ໄດ້​ຜ່ານ​ບົດ​ສໍາ​ຫຼວດ​ການ​ຊີ້​ນໍາ-ນໍາ​ພາ​ລວມ​ໃນ​ໄລຍະ 3 ປີຜ່ານມາ ພ້ອມ​ລາ​ໜ້າ​ທີ່. 
   ໃນ​ກອງ​ປະຊຸມ​ຍັງ​ໄດ້​ດໍາ​ເນີນ​ການ​ປ່ອນ​ບັດ​ຄັດ​ເລືອກ​ເອົາ​ຄະນະ​ພັກ​ຮາກ​ຖານ​ຊຸດ​ໃໝ່ ຊຶ່ງ​ກອງ​ປະຊຸມ​ຄັ້ງ​ປະຖົມ​ມະ​ລືກ ໄດ້​ຕົກລົງ​ເລືອກ​ເອົາ ສະຫາຍ ວິ​ໄຊ ໄຍ​ຍະ​ສານ ເປັນ​ເລຂາ​ຄະນະ​ພັກ, ສະຫາຍ ຄໍາ​ປະສົງ ທະ​ນົງ​ສິນ ເປັນ​ຮອງ​ເລຂາ, ສະຫາຍ ຈັນທະ​ອຸດອນ ແກ້ວ​ມະນີ​ວົງ ເປັນ​ປະທານ​ກວດກາ​ພັກ.

(ຂ່າວ: ພຸດ​ທະ​ສອນ)