Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກອງປະຊຸມ ອົງຄະນະພັກເມືອງລະຄອນເພັງ

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 10/11/2022 08:26:34 ຈຳ​ນວນ​​ຢ້ຽມ​ຊົມ 1315 ຄັ້ງ

ກອງປະຊຸມກາງສະໄໝ ທີ VIII ຂອງອົງຄະນະພັກ ເມືອງລະຄອນເພັງ ແຂວງສາລະວັນ ເປີດຂຶ້ນຢ່າງເປັນທາງການ ໃນວັນທີ 9 ພະຈິກ ນີ້ ທີ່ສະໂມສອນຂອງເມືອງ ໂດຍພາຍໃຕ້ການເປັນປະທານຂອງ ສະຫາຍ ທອງດີ ຈັນທະວົງ ກໍາມະການພັກແຂວງ ເລຂາພັກ ຄະນະບໍລິຫານງານພັກເມືອງ ເຈົ້າເມືອງລະຄອນເພັງ; ໃຫ້ກຽດເຂົ້າຮ່ວມຂອງ ສະຫາຍ ພົ.ວ ພູວັນ ພີມມະຈັນ ຄະນະປະຈໍາພັກແຂວງ ຫົວໜ້າກອງບັນຊາການທະຫານແຂວງ ຜູ້ຊີ້ນໍາວຽກງານຮອບດ້ານເມືອງລະຄອນເພັງ, ມີບັນດາສະຫາຍຄະນະບໍລິຫານງານພັກເມືອງ, ເລຂາ, ຮອງເລຂາໜ່ວຍພັກຮາກຖານ, ນາຍບ້ານ ແລະ ແຂກຖືກເຊີນພາກສ່ວນທີ່ກ່ຽວຂ້ອງຂອງແຂວງເຂົ້າຮ່ວມ.

ກອງປະຊຸມ ສະຫາຍ ທອງດີ ຈັນທະວົງ ໄດ້ມີຄໍາເຫັນກ່າວເປີດກອງປະຊຸມໃນຄັ້ງນີ້ວ່າ: ກອງປະຊຸມກາງສະໄໝ ທີ VIII ຂອງອົງຄະນະພັກເມືອງ ແມ່ນມີຄວາມໝາຍຄວາມສຳຄັນ ທີ່ຈະໄດ້ພ້ອມກັນຕີລາຄາຜົນງານການນໍາພາຂອງຄະນະບໍລິຫານງານພັກເມືອງໃນທຸກຂົງເຂດວຽກງານ, ຕີລາຄາການຊີ້ນຳໆພາ, ດ້ານຕັ້ງໜ້າ, ຈຸດດີ, ຈຸດອ່ອນ ແລະ ບັນດາຂໍ້ຄົງຄ້າງ, ປະເມີນຜົນການຈັດຕັ້ງປະຕິບັດມະຕິກອງປະຊຸມໃຫຍ່ແຕ່ລະຂັ້ນ, ພ້ອມທັງກຳນົດວິທີການປັບປຸງ, ແກ້ໄຂໃນອີກໄລຍະຕໍ່ໄປ, ທັງຮຽກຮ້ອງໃຫ້ບັນດາສະຫາຍ ຍົກສູງຄວາມຮັບຜິດຊອບ, ເສີມຂະຫຍາຍປະຊາທິປະໄຕຢ່າງແຂງແຮງ, ຄົ້ນຄວ້າປະກອບຄໍາເຫັນ ຕົກລົງບັນຫາຕ່າງໆຢ່າງຖືກຕ້ອງ ແລະ ເປັນເອກະພາບ ເພື່ອເຮັດໃຫ້ກອງປະຊຸມຄັ້ງນີ້ບັນລຸຜົນສໍາເລັດຕາມລະດັບຄາດໝາຍ. ຕະຫຼອດໄລຍະກາງສະໄໝ ຄະນະບໍລິຫານງານພັກເມືອງລະຄອນເພັງ ໄດ້ສຸມໃສ່ໃນການຈັດຕັ້ງປະຕິບັດມະຕິ VIII ຂອງຕົນ ເພື່ອພັດທະນາເສດຖະກິດ-ສັງຄົມໃນທົ່ວເມືອງ ໃຫ້ມີການຂະຫຍາຍຕົວເທື່ອລະກ້າວ, ເຮັດໃຫ້ທົ່ວເມືອງ ຮັກສາໄດ້ຄວາມສະຫງົບໂດຍພື້ນຖານ, ເສດຖະກິດ ມີການຂະຫຍາຍຕົວຢ່າງຕໍ່ເນື່ອງ ໂດຍສະເພາະຂະບວນການປູກພືດປະສົມປະສານເປັນຕົ້ນ: ສາລີ, ຜັກ, ໜາກໂມ ແລະ ອື່ນໆ, ການລ້ຽງໝູພັນຊີ້ນ, ເພາະລູກປາຂາຍ, ດ້ານວັດທະນະທໍາ-ສັງຄົມ ອັດຕາສ່ວນຂອງໂຮງຮຽນກວດກວມ 113% ຂອງບ້ານທັງໝົດ, ການຈັດຕັ້ງປະຕິບັດ 2 ວາລະແຫ່ງຊາດ ເມືອງກໍໄດ້ສຸມໃສ່ຢ່າງຕັ້ງໜ້າ ໂດຍສະເພາະການແກ້ໄຂບັນຫາຢາເສບໄດ້ແຕ່ງຕັ້ງຄະນະຮັບຜິດຊອບເຜີຍແຜ່ເຊື່ອມຊຶມເອກະສານແກ້ໄຂບັນຫາຢາເສບຕິດ ສໍາເລັດ 34 ບ້ານ ເທົ່າກັບ 45% ຂອງບ້ານທັງໝົດ ພ້ອມນີ້ວຽກງານການແກ້ໄຂຄວາມຫຍຸ້ງຍາກທາງດ້ານເສດຖະກິດໄດ້ສົ່ງເສີມປະຊາຊົນປູກຜັກບົ່ວ, ຜັກທຽມ ໄດ້ 5 ບ້ານ, ເນື້ອທີ 14,4 ເຮັກຕາ, ເກັບກູ້ຜົນຜະລິດໄດ້ 17 ໂຕນ ສາມາດສ້າງລາຍຮັບໄດ້ 50 ລ້ານກີບ ແລະ ກຸ່ມຫັດຖະກໍາຈັກສານຫວາຍ-ໄມ້ປ່ອງ ສາມາດສ້າງລາຍຮັບໄດ້ 185 ລ້ານກີບ/ປີ ແລະ ຜົນສໍາເລັດວຽກງານອື່ນໆ.

ກອງປະຊຸມຄັ້ງນີ້ ແມ່ນຈະໄດ້ດຳເນີນໄປເປັນເວລາ 3 ວັນ ນັບແຕ່ວັນທີ 9-11 ພະຈິກ ຈຶ່ງຈະສຳເລັດ ໂດຍຈະມີການຜ່ານຮ່າງບົດຕີລາຄາການນໍາພາຊີ້ນໍາການຈັດຕັ້ງປະຕິບັດມະຕິກອງປະຊຸມໃຫຍ່ຂອງອົງຄະນະພັກເມືອງກາງສະໄໝ ແລະ ທິດທາງແຜນການຕໍ່ໜ້າ, ບົດສະຫຼຸບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງເມືອງກາງສະໄໝ ແລະ ທິດທາງແຜນການຕໍ່ໜ້າ, ບົດສໍາຫຼວດການນໍາພາລວມຂອງຄະນະບໍລິຫານງານພັກເມືອງ ກາງສະໄໝທີ VIII, ແນະນໍາກິດສໍາພັນກ່ອນການດໍາເນີນຊີວິດການເມືອງ ພ້ອມທັງດໍາເນີນການປ່ອນກິດສໍາພັນ, ຮັບຟັງການລາຍງານຫຍໍ້ຂົງເຂດເສດຖະກິດໃນຫົວຂໍ້ວິທີການປະຕິບັດວາລະແຫ່ງຊາດ ວ່າດ້ວຍ: ການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ, ຂົງເຂດ ປກສ-ປກຊ ໃນຫົວຂໍ້ການຈັດຕັ້ງປະຕິບັດວາລະແຫ່ງຊາດ ວ່າດ້ວຍ: ການແກ້ໄຂບັນຫາຢາເສບຕິດ ຈາກນັ້ນກອງປະຊຸມຍັງໄດ້ສືບຕໍ່ເຊື່ອມຊຶມເອກະສານຍົກສູງຄວາມສາມາດ ແລະ ຄວາມເປັນແບບຢ່າງນໍາໜ້າຂອງພັກ, ດໍາເນີນຊີວິດການເມືອງເປັນຈຸຕາມການແບ່ງປັນ ພ້ອມທັງຂຽນບັດທາບທາມຄວາມໄວ້ວາງໃຈຕໍ່ຄະນະບໍລິຫານງານພັກເມືອງ ແລະ ຫົວໜ້າຫ້ອງການ.

ຂ່າວ-ພາບ: ສ.ພະຈັນ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com