Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຫຼວງພະບາງ ເນັ້ນຮັກສາເອກະລັກວັດທະນະທຳ-ຮີດຄອງປະເພນີອັນດີງາມ ເພື່ອດຶງດູດນັກທ່ອງທ່ຽວ

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 19/11/2022 09:02:27 ຈຳ​ນວນ​​ຢ້ຽມ​ຊົມ 3817 ຄັ້ງ

ພັກປະຊາຊົນ ປະຕິວັດລາວ ແມ່ນພັກກຳອຳນາດ ເວລາໃດກໍໄດ້ຖືວຽກງານການເມືອງ-ແນວຄິດເປັນ

ວຽກງານແຖວໜ້າຂອງທຸກວຽກງານທີ່ມີລັກສະນະຮອບດ້ານ ແລະ ສອດຫ້ອຍໄປນໍາທຸກຂົງເຂດວຽກງານ, ທັງແມ່ນວຽກຕົ້ນຕໍຂອງຄະນະພັກທຸກຂັ້ນ, ທຸກບ່ອນຕ້ອງໄດ້ເຮັດຢ່າງຈົດຈໍ່, ເປັນປະຈຳເພື່ອປົກປັກຮັກສາ ແລະ ພັດທະນາປະເທດຊາດກ້າວຂຶ້ນຕາມທິດທີ່ພັກໄດ້ກໍານົດໄວ້ຄື: ປົກປັກຮັກສາປະເທດຊາດ ແລະ ກໍ່ສ້າງລະບອບປະຊາທິປະໄຕ ປະຊາຊົນຕາມຈຸດໝາຍສັງຄົມນິຍົມ.

ສະຫາຍ ຄຳຂັນ ຈັນທະວີສຸກ ກຳມະການສູນກາງພັກ ເລຂາພັກແຂວງ ເຈົ້າແຂວງຫຼວງພະບາງ ໄດ້ປະກອບຄຳເຫັນຕໍ່ກອງປະຊຸມວຽກງານການເມືອງ-ແນວຄິດທົ່ວປະເທດຄັ້ງທີ V ໃນວັນທີ 17 ພະຈິກ ຜ່ານມາໃນຫົວຂໍ້: “ວຽກງານສຶກສາອົບຮົມປຸກລະດົມພະນັກງານສະມາຊິກພັກ ແລະ ປະຊາຊົນ, ຊັ້ນຄົນຕ່າງໆເຂົ້າຮ່ວມໃນການປົກປັກຮັກສາເອກະລັກທາງດ້ານວັດທະນະທຳ ແລະ ຮີດຄອງປະເພນີອັນດີງາມຂອງແຂວງຫຼວງພະບາງ ເພື່ອດຶງດູດນັກທ່ອງທ່ຽວ” ວ່າ: ໃນກອງປະຊຸມໃຫຍ່ຄັ້ງທີ VII ຂອງພັກໄດ້ກໍານົດ “ຈຸດໝາຍຂອງການພັດທະນາວັດທະນະທຳ ແລະ ສ້າງຄວາມສີວິໄລທາງດ້ານຈິດໃຈແມ່ນການເຮັດໃຫ້ຄົນໃນສັງຄົມມີໂລກະທັດ, ມີຄ່ານິຍົມທີ່ຖືກຕ້ອງ, ມີຊີວະທັດອັນກ້າວໜ້າ ແລະ ສົດໃສ, ເວົ້າລວມ, ເວົ້າສະເພາະ ນະຄອນ-ຫຼວງພະບາງ ເປັນນະຄອນຫຼວງເກົ່າແກ່ຂອງປະເທດລາວປະກອບມີ 13 ເຜົ່າຊົນ, ມີຫຼາຍຊັ້ນຄົນດຳລົງຊີວິດຢູ່ຮ່ວມກັນນັບທັງຕົວເມືອງ ແລະ ຊົນນະບົດ, ແຕ່ລະເຜົ່າມີວັດທະນະທຳ, ຮີດຄອງປະເພນີທີ່ແຕກຕ່າງກັນມາແຕ່ດຶກດຳບັນ.

ປີ 1995 ນະຄອນ-ຫຼວງພະບາງ ໄດ້ເຂົ້າເປັນເມືອງມໍລະດົກໂລກທາງດ້ານວັດທະນະທໍາ, ທໍາມະຊາດແຫ່ງທໍາອິດຂອງ ສປປ ລາວ, ໃນຊຸມປີຜ່ານມາ ເພື່ອເປັນການປົກປັກຮັກສາ, ອະນຸລັກທາງດ້ານວັດທະນະທໍາເປັນເອກະລັກຂອງແຕ່ລະເຜົ່າຢູ່ແຂວງຫຼວງພະບາງ, ບົນພື້ນຖານກໍາແໜ້ນທັດສະນະຂອງພັກທີ່ວ່າ ວັດທະນະທໍາເປັນພື້ນຖານແຫ່ງການຄົງຕົວ ແລະ ຂະຫຍາຍຕົວຂອງຊາດ, ເປັນກໍາລັງຍູ້ດັນໃຫ້ສັງຄົມຂະຫຍາຍຕົວ ແລະ ເປັນຈຸດໝາຍຂອງການພັດທະນາສັງຄົມ ໂດຍອີງໃສ່ຈຸດພິເສດສະເພາະ, ສະພາບຄວາມເປັນຈິງ, ເງື່ອນໄຂ, ຄວາມສາມາດ ແລະ ສິ່ງແວດລ້ອມພາຍໃນແຂວງ ແລະ ການເຊື່ອມໂຍງກັບສາກົນ ແລະ ບັນດາປະເທດອ້ອມຂ້າງ. ຄະນະພັກ, ອົງການປົກຄອງແຂວງຫຼວງພະບາງໄດ້ຖືສໍາຄັນວຽກງານສຶກສາອົບຮົມການເມືອງ-ແນວຄິດໃຫ້ແກ່ປະຊາຊົນບັນດາເຜົ່າ, ຊັ້ນຄົນຕ່າງໆນັບທັງພະນັກງານ, ສະມາຊິກພັກ, ທະຫານ, ຕໍາຫຼວດ, ຜູ້ຮັບຜິດຊອບວຽກງານວັດທະນະທໍາໂດຍກົງຊຶ່ງມີຜົນສໍາເລັດດັ່ງນີ້: ໄດ້ນໍາເອົາຈິດໃຈມະຕິກອງປະຊຸມໃຫຍ່ອົງຄະນະພັກແຂວງແຕ່ລະສະໄໝລົງໂຄສະນາ, ເຜີຍແຜ່, ເຊື່ອມຊຶມໃຫ້ປະຊາຊົນບັນດາເຜົ່າຢ່າງເລິກເຊິ່ງ, ກວ້າງຂວາງ, ແທດເຖິງຕົວຈິງດ້ວຍຫຼາຍຮູບການ  ໂດຍຖືເອົາການບໍລິການ-ການທ່ອງທ່ຽວເປັນບຸລິມະສິດອັນດັບໜຶ່ງຕິດພັນກັບການອະນຸລັກວັດທະນະທໍາ, ຮີດຄອງປະເພນີອັນດີງາມທີ່ເປັນເອກະລັກສະເພາະຂອງແຕ່ລະເຜົ່າ, ມີລັກສະນະຊາດ, ປະຊາຊົນ ແລະ ລັກສະນະກ້າວໜ້າ, ສ້າງຄົນຫຼວງພະບາງໃຫ້ມີນໍ້າໃຈຮັກບ້ານເກີດເມືອງນອນ. ສືບຕໍ່ຮັກສາຄຸນຄ່າມໍລະດົກໂລກທາງດ້ານວັດທະນະທໍາ, ທາງດ້ານວັດຖຸ ແລະ ຈິດໃຈ, ສ້າງຄອບຄົວ ແລະ ສ້າງບ້ານວັດທະນະທໍາ, ເສີມຂະຫຍາຍຫົວຄິດປະດິດສ້າງ, ການປະດິດຄິດແຕ່ງບົນພື້ນຖານຄວາມຖືກຕ້ອງ, ສອດຄ່ອງກັບແນວທາງນະໂຍບາຍຂອງພັກ. ໄດ້ນໍາເອົາກົດໝາຍທີ່ກ່ຽວຂ້ອງວ່າດ້ວຍການອະນຸລັກມໍລະດົກທາງດ້ານວັດທະນະທໍາ, ທໍາມະຊາດລົງໂຄສະນາ, ເຜີຍແຜ່ໃຫ້ພະນັກງານ, ທະຫານ, ຕໍາຫຼວດ, ການຈັດຕັ້ງບ້ານ ແລະ ປະຊາຊົນແຕ່ລະຄອບຄົວ, ການອະນຸລັກຮັກສາສະຖາປັດຕະຍະກໍາແບບດັ່ງເດີມ ແລະ ໂຄງສ້າງຜັງເມືອງທີ່ຖືກສ້າງຂຶ້ນໃນສະຕະວັດທີ 19 ແລະ 20, ອາຄານສາສະໜາ, ການປຸກສ້າງເຮືອນຊານບ້ານຊ່ອງພື້ນເມືອງດັ່ງເດີມທີ່ເປັນຂອງລາວແທ້, ຮັກສາໄວ້ຮູບຊົງ ແລະ ສິລະປະລວດລາຍແບບດັ່ງເດີມໃນການປົກປັກຮັກສາ, ອະນຸລັກຄຸນຄ່າມໍລະດົກທາງດ້ານວັດທະນະທໍາ, ທໍາມະຊາດໃຫ້ຍືນຍົງເຖິງປັດຈຸບັນນີ້. ໄດ້ລົງສໍາຫຼວດຂໍ້ມູນທາງດ້ານມໍລະດົກທີ່ບໍ່ເປັນວັດຖຸມີຄວາມສ່ຽງທີ່ຈະສູນຫາຍ 14 ຫົວເລື່ອງ ແລະ ຖືກຮັບຮອງເປັນມໍລະດົກວັດທະນະທໍາ, ນາມມະທໍາຂັ້ນທ້ອງຖິ່ນຄື: ເຂົ້າໂຄບ, ປະທາຍເພັດ, ໝໍ້ດິນເຜົາ, ຫັດຖະກໍາປັກດິ້ງ, ຫັດຖະກໍາເຈ້ຍປໍສາ, ຊານໍ້າກ້ຽງ, ເອາະຫຼາມ, ຟ້ອນຮຸ່ນອີປ໋ອກ, ຂັບສະຫຼາມສາມສ້າວ, ຂັບທຸ້ມຫຼວງພະບາງ, ຟ້ອນນາງແກ້ວ, ຫັດຖະກໍາຕີເງິນ, ມີດສະນາກ, ແຄນມົ້ງ ແລະ ອື່ນໆ. ຄຽງຄູ່ກັບການອະນຸລັກຮັກສາຮີດຄອງປະເພນີ ແລະ ການເຮັດບຸນປະເພນີອັນດີງາມທີ່ເປັນເອກະລັກສະເພາະຂອງຊາດລາວ ແລະ ຂອງແຕ່ລະເຜົ່າພາຍໃນແຂວງຫຼວງພະບາງໃຫ້ຍືນຍົງ, ຜົນສຳເລັດດັ່ງກ່າວຍ້ອນຄະນະພັກ, ອົງການປົກຄອງຂັ້ນຕ່າງໆເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ປະຊາຊົນບັນດາເຜົ່າ ແລະ ທົ່ວສັງຄົມເປັນເຈົ້າຕົນເອງໃນການປົກປັກຮັກສາຄຸນຄ່າທາງດ້ານວັດທະນະທໍາແຕ່ປູ່ຍ່າຕາຍາຍສ້າງໄວ້ຈົນເຖິງປັດຈຸບັນ ຊຶ່ງໄດ້ນໍາຜົນປະໂຫຍດຕົວຈິງທາງດ້ານການເມືອງ ແລະ ເສດຖະກິດມາໃຫ້ແກ່ປະເທດຊາດ ກໍຄືປະຊາຊົນບັນດາເຜົ່າແຂວງຫຼວງພະບາງຄື: ໄດ້ຮັບລາງວັນຫຼຽນຄໍາເມືອງທ່ອງທ່ຽວຍອດນິຍົມ 8 ຄັ້ງ, ລາງວັນເມືອງສິ່ງແວດລ້ອມຂອງອາຊຽນ 3 ຄັ້ງ, ​ດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ອງທ່ຽວພາຍໃນແຂວງ, ກ່ອນມີການລະບາດຂອງພະຍາດໂຄວິດ-19 ໃນປີ 2019 ມີນັກທ່ອງທ່ຽວເຂົ້າມາທ່ອງທ່ຽວ 860.035 ເທື່ອຄົນ, ສ້າງລາຍໄດ້ຕົວຈິງໃຫ້ແກ່ສັງຄົມ 266,53 ລ້ານໂດລາ. ພາຍ ຫຼັງໂຄວິດ-19 ໃນປີ 2022 ມີນັກທ່ອງທ່ຽວເຂົ້າມາທ່ອງທ່ຽວ 350.016 ເທື່ອຄົນ, ສ້າງລາຍຮັບຕົວຈິງໃຫ້ແກ່ສັງຄົມ 115,31 ລ້ານໂດລາ.

ຂ່າວ: ພູວັນ, ພາບ: ສຳນານ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com