Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສສຂ ປະຈໍາເຂດເລືອກຕັ້ງເມືອງວຽງຄໍາ ແກ້ໄຂຄຳສະເໜີ 29 ເລື່ອງ

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 22/11/2022 13:03:26 ຈຳ​ນວນ​​ຢ້ຽມ​ຊົມ 2139 ຄັ້ງ

ສະມາຊິກສະພາປະຊາຊົນແຂວງ (ສສຂ) ປະຈໍາເຂດເລືອກຕັ້ງເມືອງວຽງຄໍາ ແຂວງຫຼວງພະບາງ ໄດ້ຈັດກອງປະຊຸມສະຫຼຸບຕີລາຄາການເຄື່ອນໄຫວວຽກງານ ປະຈໍາປີ 2022 ແລະ ວາງທິດທາງແຜນການປະຈໍາປີ 2022 ຂຶ້ນ ເມື່ອບໍ່ດົນມານີ້ ທີ່ສະໂມສອນໃຫຍ່ ຂອງເມືອງວຽງຄໍາ ມີ ທ່ານ ສິງຕັນ ໄຊລືຊົ່ງ ຮອງປະທານສະພາປະຊາຊົນແຂວງ (ສພຂ) ພ້ອມດ້ວຍ ສສຂ ປະຈໍາເຂດເລືອກຕັ້ງເມືອງວຽງຄໍາ, ຫົວໜ້າ-ຮອງຫົວໜ້າຫ້ອງການ, ກົມກອງ, ຕະຫຼອດຮອດພະນັກງານຫຼັກແຫຼ່ງຂອງເມືອງ ເຂົ້າຮ່ວມ; ວາລະກອງປະຊຸມໄດ້ມີການຜ່ານບົດສະຫຼຸບຕີລາຄາການເຄື່ອນໄຫວ ຂອງ ສສຂ ປະຈໍາເມືອງ ຊຶ່ງ 1 ປີຜ່ານມາ ໜ່ວຍ ສສຂ ປະຈໍາເມືອງ ໄດ້ຕິດຕາມ, ຊຸກຍູ້ປະຊາຊົນເກັບກູ້ຜົນຜະລິດຕາມລະດູການ ຈໍານວນ 10 ບ້ານ, ສໍາເລັດການຕິດຕາມກວດກາການຈັດຕັ້ງປະຕິບັດວຽກງານ ຂອງບັນຂະແໜງການພາຍໃນເມືອງ, ເຄື່ອນໄຫວເຜີຍແຜ່ຜົນສໍາເລັດ ກອງປະຊຸມຄັ້ງປະຖົມມະລືກ ຂອງສະພາແຫ່ງຊາດ (ສພຊ) ຊຸດທີ IX, ຂອງ ສພຂ ຊຸດທີ II ແລະ ຜົນສໍາເລັດກອງປະຊຸມສະໄໝສາມັນ ເທື່ອທີ 2 ແລະ ເທື່ອທີ 3 ຂອງ ສພຊ ແລະ ສພຂ ໄດ້ 29 ຈຸດ, ຜູ້ມີສິດປ່ອນບັດເຂົ້າຮ່ວມຮັບຟັງ 2.477 ຄົນ ຍິງ 1.322 ຄົນ; ໄດ້ຮັບຄໍາສະເໜີຂອງປະຊາຊົນ ຈໍານວນ 44 ເລື່ອງ, ແກ້ໄຂ ແລະ ຊີ້ແຈງ 29 ເລື່ອງ, ຊຸກຍູ້ຂະແໜງການກ່ຽວຂ້ອງຊີ້ແຈງ 15 ເລື່ອງ, ຮັບຄໍາຮ້ອງທຸກ ແລະ ແກ້ໄຂສໍາເລັດ 2 ກໍລະນີ ນອກນີ້ໄດ້ເຂົ້າຮ່ວມກອງປະຊຸມຕົກລົງບັນຫາເຂດແດນເຊື່ອມຕໍ່ລະຫວ່າງເມືອງຕື່ມອີກ. ສ່ວນທິດທາງແຜນການຕໍ່ໜ້າຈະຍົກສູງຄຸນນະພາບໃນການຈັດຕັ້ງປະຕິບັດຕາມພາລະບົດບາດ, ສິດ ແລະ ໜ້າທີ່ ແນໃສ່ເຮັດໃຫ້ການເຄື່ອນໄຫວວຽກງານແຕ່ລະດ້ານໄດ້ຮັບຜົນສໍາເລັດ. ຈາກນັ້ນ ໄດ້ມີການຜ່ານມະຕິຂອງຄະນະປະຈໍາ ສພຂ ວ່າດ້ວຍການເຄື່ອນໄຫວ, ພາລະບົດບາດ, ສິດໜ້າທີ່ ຂອງ ສພຂ, ເມືອງ ແລະ ນະຄອນ ເພື່ອໃຫ້ຜູ້ເຂົ້າຮ່ວມໄດ້ປະກອບຄໍາເຫັນ ຕໍ່ດ້ານດີ, ດ້ານອ່ອນ ເພື່ອນໍາໄປຈັດຕັ້ງປະຕິບັດໃຫ້ໄດ້ຮັບຜົນດີ.

ຕອນທ້າຍ ທ່ານ ສິງຕັນ ໄຊລືຊົ່ງ ໄດ້ມີຄໍາເຫັນຊີ້ນໍາ ຕໍ່ ສສຂ ປະຈໍາເມືອງ ໃຫ້ສືບຕໍ່ນໍາເອົາພາລະບົດບາດ-ໜ້າທີ່ ຂອງສະພາ, ລວມທັງບັນດານິຕິກໍາ ແນວທາງນະໂຍບາຍຂອງພັກ-ກົດໝາຍຂອງລັດ ເຄື່ອນໄຫວໂຄສະນາເຜີຍແຜ່ ໃຫ້ປະຊາຊົນໄດ້ເຂົ້າໃຈ, ຕິດພັນກັບການຕິດຕາມ, ຊຸກຍູ້ການຜະລິດ, ການປະຕິບັດ 2 ວາລະແຫ່ງຊາດ ແນໃສ່ເຮັດໃຫ້ສັງຄົມມີຄວາມສະຫງົບ, ປະຊາຊົນຫຼຸດພົ້ນອອກຈາກຄວາມທຸກຍາກໄດ້ເທື່ອລະກ້າວ.

(ຂ່າວ-ພາບ: ບຸນທັນ ໄຊຍະວົງ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com