Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສອງສະມາຄົມມິດຕະພາບລາວ-ຣັດເຊຍ ຮັດແໜ້ນສາຍພົວພັນຮ່ວມມື

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 07/12/2022 19:53:54 ຈຳ​ນວນ​​ຢ້ຽມ​ຊົມ 1176 ຄັ້ງ

ສອງສະມາຄົມມິດຕະພາບ ລາວ-ຣັດເຊຍ, ຣັດເຊຍ-ລາວ ໄດ້ພົບປະສອງຝ່າຍ ໃນວັນທີ 6 ທັນວາ ນີ້ ທີ່ໂຮງແຮມແລນມາກ ນະຄອນຫຼວງວຽງຈັນ, ຝ່າຍລາວ ນໍາໂດຍ ທ່ານ ບໍ່ແສງຄຳ ວົງດາລາ ປະທານສະມາຄົມມິດຕະພາບລາວ-ຣັດເຊຍ ພ້ອມດ້ວຍຄະນະ, ຝ່າຍຣັດເຊຍ ນໍາໂດຍ ທ່ານ ໂຊໂກລິນ ວາລາດີມີຣ ປະທານສະມາຄົມມິດຕະພາບ ຣັດເຊຍ-ລາວ ພ້ອມດ້ວຍຄະນະ.

ການມາຢ້ຽມຢາມ ແລະ ພົບປະກັນໃນເທື່ອນີ້ ຈະເປັນໂອກາດອັນດີ ໃຫ້ແກ່ສອງຝ່າຍ ໄດ້ແລກປ່ຽນຄຳຄິດຄຳເຫັນ ແລະ ປຶກສາຫາລືກ່ຽວກັບການພົວພັນຮ່ວມມືຂອງສອງສະມາຄົມໃນຕໍ່ໜ້າ ເພື່ອປະກອບສ່ວນເສີມຂະຫຍາຍສາຍພົວພັນ ມິດຕະພາບອັນເປັນມູນເຊື້ອ ແລະ ການຮ່ວມມືອັນດີງາມທີ່ມີມາແຕ່ຍາວນານ, ບົນພື້ນຖານຄວາມໄວ້ເນື້ອເຊື່ອໃຈ ແລະ ຊ່ວຍເຫຼືອຊຶ່ງກັນ ແລະ ກັນ, ຕ່າງຝ່າຍຕ່າງໄດ້ຮັບຜົນປະໂຫຍດ ແລະ ກາຍເປັນຄູ່ຮ່ວມມືຍຸດທະສາດນຳກັນ ລະຫວ່າງ ສອງປະເທດ.

ໃນໂອກາດດັ່ງກ່າວ, ສອງຝ່າຍ ໄດ້ລາຍງານສະພາບການເຄື່ອນໄຫວວຽກງານຕ່າງໆໂດຍຫຍໍ້ໃຫ້ກັນຊາບ, ທ່ານ ບໍ່ແສງຄໍາ ວົງດາລາ ກ່າວວ່າ: ຂ້າພະເຈົ້າຕີລາຄາສູງ ແລະ ຊົມເຊີຍບັນດາຜົນສຳ ເລັດ ຂອງ ປະຊາຊົນຣັດເຊຍ ຍາດມາໄດ້ໃນພາລະກິດປົກປັກຮັກສາ ແລະ ສ້າງສາປະເທດຊາດ, ເຮັດໃຫ້ ຣັດເຊຍ ນັບມື້ເຕີບໃຫຍ່ ເຂັ້ມແຂງຮອບດ້ານ, ບົດບາດ ແລະ ອິດທິພົນ ຂອງ ຣັດເຊຍ ໄດ້ຮັບການຍົກສູງຂຶ້ນໃນເວທີພາກພື້ນ ແລະ ສາກົນ. ຂໍອວຍພອນໄຊອັນປະເສີດມາຍັງປະຊາຊົນຣັດເຊຍ ຈົ່ງສືບຕໍ່ໄດ້ຮັບຜົນສຳເລັດ ອັນໃໝ່ໃຫຍ່ຫຼວງກວ່າເກົ່າໃນການສ້າງສາພັດທະນາປະເທດຊາດ ໃຫ້ຈະເລີນຮຸ່ງເຮືອງຂຶ້ນເລື້ອຍໆ. ໃນປັດຈຸບັນ, ສປປ ລາວ ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍ, ເສດຖະກິດແຫ່ງຊາດ ມີການຂະຫຍາຍຕົວຢ່າງຕໍ່ເນື່ອງ ເຖິງແມ່ນວ່າຈະເຕີບໂຕດ້ວຍຈັງຫວະທີ່ຊ້າລົງຍ້ອນຜົນກະທົບຈາກການລະບາດຂອງພະຍາດໂຄວິດ-19, ແຕ່ລັດຖະບານລາວໄດ້ຖືເອົາການພັດທະນາໄປຕາມທິດຍືນຍົງ ສົມທົບກັບການພັດທະນາທາງດ້ານເສດຖະກິດ-ສັງຄົມ, ວັດທະນະທຳ ໄປຄຽງຄູ່ກັບການຮັກສາສິ່ງແວດລ້ອມ, ດຳເນີນຍຸດທະສາດຫັນເປັນອຸດສາຫະກຳ ແລະ ທັນສະໄໝ. ສປປ ລາວ ກຳລັງສຸມໃສ່ 2 ວາລະແຫ່ງຊາດ ຄື: ແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ການແກ້ໄຂບັນຫາຢາເສບຕິດເປັນບຸລິມະສິດ. ພ້ອມທັງໄດ້ສຸມໃສ່ ປ້ອງກັນ, ຄວບຄຸມ ແລະ ສະກັດກັ້ນການແຜ່ລະບາດ ຂອງພະຍາດໂຄວິດ-19 ຢ່າງຕັ້ງໜ້າ ເພື່ອຮັບປະກັນຊີວິດ ແລະ ສຸຂະພາບ ຂອງ ປະຊາຊົນ ກໍຄືການແກ້ໄຂຜົນກະທົບຕໍ່ການພັດທະນາເສດຖະກິດ-ສັງຄົມ.

ຂ້າພະເຈົ້າຮູ້ສຶກດີໃຈ ທີ່ເຫັນສາຍພົວພັນມິດຕະພາບອັນເປັນມູນເຊື້ອ ແລະ ການຮ່ວມມື ອັນດີງາມ ຂອງສອງປະເທດ ລາວ ແລະ ຣັດເຊຍ ຍັງສືບຕໍ່ໄດ້ຮັບການເສີມຂະຫຍາຍ ແລະ ພັດທະນາຢ່າງບໍ່ຢຸດຢັ້ງ, ການນຳຂັ້ນສູງໃນທຸກຂົງເຂດ, ທຸກຂະແໜງການ ຂອງສອງປະເທດ ໄດ້ມີການແລກປ່ຽນການຢ້ຽມຢາມຊຶ່ງກັນ ແລະ ກັນ ຢ່າງເປັນປົກກະຕິ ປະກອບສ່ວນສຳຄັນເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືມາແຕ່ຍາວນານໃຫ້ນັບມື້ໄດ້ຮັບການເສີມຂະຫຍາຍ ແລະ ເພີ່ມພູນຄູນສ້າງ. ການພົວພັນຮ່ວມມື ລະຫວ່າງ ສອງປະເທດ ລາວ ແລະ ຣັດເຊຍ ແມ່ນມີບາດກ້າວຂະຫຍາຍ ຕົວຢ່າງຕໍ່ເນື່ອງເປັນຕົ້ນແມ່ນ ດ້ານການເມືອງສອງປະເທດມີຄວາມເຊື່ອໝັ້ນ, ໄວ້ວາງໃຈ ແລະ ສືບຕໍ່ ສະໜັບສະໜູນຊຶ່ງກັນ ແລະ ກັນ ໃນເວທີພາກພື້ນ ແລະ ສາກົນ. ການພົວພັນຮ່ວມມືດ້ານການທະຫານ, ການສຶກສາ, ທະນາຄານ (ການພິມເງິນ), ໂທລະຄົມມະນາຄົມ ແລະ ການບໍລິການ ແມ່ນມີ ລັກສະນະຕັ້ງໜ້າ ແລະ ຂະຫຍາຍຕົວດີ.

ສະມາຄົມມິດຕະພາບ ລາວ-ຣັດເຊຍ ແລະ ຣັດເຊຍ-ລາວ ໄດ້ພົວພັນຮ່ວມມືກັນມາແຕ່ ດົນນານ ແລະ ໄດ້ຮັບການເສີມຂະຫຍາຍ ໃນແຕ່ລະໄລຍະ, ສອງສະມາຄົມໄດ້ມີການແລກປ່ຽນຂໍ້ມູນຂ່າວສານ ແລະ ຈັດກິດຈະກຳໃນວັນສຳຄັນ ຂອງ ສອງປະເທດຢ່າງເປັນປົກກະຕິ. ສ່ວນການແລກປ່ຽນຢ້ຽມຢາມ, ໄປມາຫາສູ່ຊຶ່ງກັນ ແລະ ກັນ ເຫັນວ່າຍັງບໍ່ທັນໄດ້ປະຕິບັດຢ່າງເປັນປົກກະຕິ ຍ້ອນສະພາບເງື່ອນໄຂ ແລະ ສິ່ງອຳນວຍຄວາມສະດວກ, ສະພາບຈຸດທີ່ຕັ້ງຂອງປະເທດຢູ່ຫ່າງໄກກັນ. ແຕ່ແນວໃດກໍຕາມ, ຂ້າພະເຈົ້າເຫັນວ່າ ຄວນຕິດຕໍ່ພົວພັນຢ່າງເປັນປົກກະຕິ ໂດຍຜ່ານທາງສື່ຕ່າງໆ ຫຼື ຖ້າມີບັນຫາສຳຄັນ, ວຽກດ່ວນ ກໍ່ອາດໂທຫາໂດຍກົງ.

ສ່ວນການພົວພັນຮ່ວມມືໃນຕໍ່ໜ້າ ສອງສະມາຄົມຄວນເພີ່ມທະວີການພົວພັນຮ່ວມມືທີ່ມີມາແລ້ວນັ້ນ ໃຫ້ແໜ້ນແຟ້ນຍິ່ງຂຶ້ນ ແລະ ມີໝາກຜົນຂຶ້ນຕື່ມ, ຄວນສະໜັບສະໜູນ ແລະ ຊ່ວຍຊຸກຍູ້ການຮ່ວມມືໃນຂົງເຂດເສດຖະກິດ-ການຄ້າ, ການລົງທຶນ, ພະລັງງານ, ການສຶກສາ, ວິທະຍາສາດ-ເຕັກໂນໂລຊີ, ການທ່ອງທ່ຽວ, ໂທລະຄົມມະນາຄົມ ແລະ ຂະແໜງການອື່ນໆ ເປັນຕົ້ນແມ່ນບັນດາໂຄງການລົງທຶນ ຂອງຣັດເຊຍ ທີ່ກຳລັງດຳເນີນການ ຢູ່ ສປປ ລາວ ໃຫ້ປະຕິບັດສຳເລັດຕາມຄາດໝາຍທີ່ໄດ້ຕົກລົງກັນໄວ້ ເພື່ອນຳເອົາຜົນປະໂຫຍດອັນແທ້ຈິງ ມາສູ່ປະຊາຊົນສອງຊາດ ລາວ-ຣັດເຊຍ ແລະ ໃນຕໍ່ໜ້າ ສອງສະມາຄົມພວກເຮົາຄວນສືບຕໍ່ແລກປ່ຽນການປະສານງານນຳກັນຕື່ມ ໂດຍຜ່ານສະຖານທູດລາວ ທີ່ ມົດສະກູ ເພື່ອເຮັດໃຫ້ການປະຕິບັດວຽກງານໃນຕໍ່ໜ້າ ເຮັດໃຫ້ມີຜົນສຳເລັດໄປດ້ວຍດີ.

(ຂ່າວ: ແສງຈັນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com