ຂ່າວຕ່າງປະເທດລາຍງານ ເມື່ອບໍ່ດົນມານີ້, ກະຊວງການສົ່ງເສີມການລົງທຶນຂອງສີລັງກາ ໄດ້ຄາດຄະເນວ່າ ສີລັງກາຈະສ້າງລາຍໄດ້ຈາກການສົ່ງອອກສິນຄ້າ ແລະ ບໍລິການ 1,9 ໝື່ນລ້ານໂດລາ ໃນປີ 2023.

ໂຕເລກດັ່ງກ່າວແບ່ງເປັນລາຍໄດ້ຈາກການສົ່ງອອກສິນຄ້າຮູບແບບການຄ້າ 1,48 ໝື່ນລ້ານໂດລາ ແລະ ຈາກການບໍລິການສົ່ງອອກ 4,2 ພັນລ້ານໂດລາ. ກະຊວງການສົ່ງເສີມການລົງທຶນຂອງສີລັງກາລະບຸວ່າ ການດຳເນີນງານຕາມກົນລະຍຸດຫຼາຍປະການ ເພື່ອບັນລຸເປົ້າໝາຍຂ້າງເທິງ ຊຶ່ງລວມເຖິງການຊຸກຍູ້ຊື່ສຽງການສົ່ງອອກຂອງສີລັງກາ ການເພີ່ມມູນຄ່າ ແລະ ສ້າງພາບຈຳໃຫ້ກັບສິນຄ້າ ການເພີ່ມການເຂົ້າເຖິງຕະຫຼາດໃໝ່ໆ ການຂະຫຍາຍຈຳນວນຜູ້ສົ່ງອອກ ແລະ ການເພີ່ມປະສິດທິພາບຂອງການສົ່ງອອກ. ທັງນີ້, ລັດຖະບານສີລັງກາໄດ້ຈັດສັນງົບປະມານ 700.000 ໂດລາ ສຳລັບການເຮັດວຽກຕາມກົນລະຍຸດດັ່ງກ່າວໃນປີ 2023.