ວິທະຍຸກະຈາຍສຽງຫວຽດນາມລາຍງານວ່າ: ບັນດາປະເທດພັດທະນາຄວນສະໜັບສະໜູນດ້ານການເງິນ ຢ່າງແຂງແຮງໃຫ້ແກ່ບັນດາປະເທດຢູ່ຊີກໂລກໃຕ້. ວັນທີ 6 ທັນວາ ຜ່ານມາ, ທ່ານ ອັນໂຕນີໂອ ກູເຕີເຣສ ເລຂາທິການໃຫຍ່ ສປຊ ໄດ້ຍົກອອກຄວາມຮຽກຮ້ອງດັ່ງກ່າວໃນບົດກ່າວປາໄສຢູ່ພິທີເປີດກອງປະຊຸມຄັ້ງທີ 15 ບັນດາຝ່າຍເຂົ້າຮ່ວມສົນທິສັນຍາ ສປຊ ກ່ຽວກັບຊີວະນາໆພັນ (COP15) ຢູ່ ປະເທດການາດາ.

ຂ່າວລະບຸວ່າ: ທ່ານ ອັນໂຕນີໂອ ກູເຕີເຣສ ໃຫ້ຮູ້ວ່າ: ບັນດາກົນໄກດ້ານການເງິນສາກົນ ແລະ ບັນດາທະນາຄານພັດທະນາຫຼາຍຝ່າຍຕ້ອງດັດປັບບັນຊີລາຍຊື່ລົງທຶນທີ່ເໝາະສົມກັບການອະນຸລັກຮັກສາ ແລະ ພັດທະນາຊີວະນາໆພັນແບບຍືນຍົງ. ທ່ານໄດ້ຮຽກຮ້ອງໃຫ້ປະຕິບັດບັນດາແຜນການແຫ່ງຊາດເພື່ອແນໃສ່ປ່ຽນແປງການໜູນຊ່ວຍ ແລະ ຍົກເວັ້ນຫຼຸດຜ່ອນພາສີສຳລັບບັນດາການເຄື່ອນໄຫວອາດຈະທຳລາຍທຳມະຊາດ, ກໍຄືຮັບຮອງ ແລະ ປົກປ້ອງບັນດາສິດຂອງປະຊາຊົນ ແລະ ປະຊາຄົມຢູ່ທ້ອງຖິ່ນ. ບັນດາຂົງເຂດເອກະຊົນຄວນຮັບຮູ້ວ່າຜົນປະໂຫຍດ ແລະ ການປົກປ້ອງທຳມະຊາດຕ້ອງໄປຄຽງຄູ່ນຳກັນ.