Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ລັດຖະບານ ສຸມໃສ່ 3 ແຜນງານ ເພື່ອພັດທະນາເສດຖະກິດດີຈີຕອນ

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 09/12/2022 14:09:01 ຈຳ​ນວນ​​ຢ້ຽມ​ຊົມ 1821 ຄັ້ງ

ມາຮອດປັດຈຸບັນ, ລັດຖະບານໄດ້ມີຄວາມຄືບໜ້າຫຼາຍດ້ານ ໃນການພັດທະນາເສດຖະກິດດີຈີຕອນ ໂດຍສະເພາະ 3 ແຜນງານ ຄື: ການສ້າງ ແລະ ປັບປຸງນະໂຍບາຍ, ກົດໝາຍ ແລະ ນິຕິກໍາ ຊຶ່ງໄດ້ມີກົດໝາຍແລ້ວ 10 ສະບັບ, ພ້ອມນີ້ ກໍມີດຳລັດຕ່າງໆ ອີກຈຳນວນໜຶ່ງ; ຂະນະດຽວກັນ ກໍໄດ້ສຸມໃສ່ພັດທະນາໂຄງລ່າງພື້ນຖານເຕັກໂນໂລຊີ ເປັນຕົ້ນ ລະບົບ 4G ຄວບຄຸມໄດ້ 75% ຂອງບັນດາບ້ານໃນທົ່ວປະເທດ ແລະ ໄດ້ທົດລອງ 5G ໃນເຂດຕົວເມືອງໃຫຍ່ ແລະ ເຂດທີ່ເປັນເສດຖະກິດ.

ທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງເຕັກໂນໂລຊີ ແລະ ການສື່ສານ (ຕສ) ໄດ້ຊີ້ແຈງຕໍ່ກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດຊຸດທີ IX ໃນວັນທີ 7 ທັນວາ ຜ່ານມາ ກ່ຽວກັບຄໍາຊັກຖາມເຖິງຄວາມຄືບໜ້າໃນການຈັດຕັ້ງປະຕິບັດວຽກງານ ການຜັນຂະຫຍາຍມະຕິວິໃສທັດການພັດທະນາເສດຖະກິດດີຈີຕອນ 20 ປີ (2021-2040), ຍຸດທະສາດການພັດທະນາເສດຖະກິດດີຈີຕອນ ໄລຍະ 10 ປີ (2021-2030) ແລະ ແຜນພັດທະນາເສດຖະກິດດີຈີຕອນ 5 ປີ ຄັ້ງທີ 1 (2021-2025) ໂດຍສະເພາະການສ້າງ ແລະ ປັບປຸງນະໂຍບາຍ, ກົດໝາຍ ແລະ ນິຕິກຳ; ແຜນປັບປຸງໂຄງລ່າງພື້ນຖານເຕັກໂນໂລຊີດີຈີຕອນ ແລະ ແຜນງານພັດທະນາຊັບພະຍາກອນມະນຸດທາງດ້ານດີຈີຕອນ ຊຶ່ງທ່ານໄດ້ກ່າວວ່າ:

ປັດຈຸບັນ, ກະຊວງ ຕສ ມີກົດໝາຍທັງໝົດ 10 ສະບັບ ແລະ ຍັງມີບັນດາດໍາລັດຕ່າງໆ; ພ້ອມນີ້, ກໍຍັງມີແຜນການສ້າງ ແລະ ປັບປຸງກົດໝາຍ 5 ສະບັບ ຊຶ່ງໃນນີ້ ເປັນກົດໝາຍສ້າງໃໝ່ 2 ສະບັບ ແລະ ປັບປຸງກົດໝາຍໃໝ່ 3 ສະບັບ, ສຳລັບກົດໝາຍສ້າງໃໝ່ປະກອບມີ: ກົດໝາຍ ວ່າດ້ວຍຄວາມປອດໄພທາງໄຊເບີ ແລະ ກົດໝາຍ ວ່າດ້ວຍນະວັດຕະກຳ.

ທ່ານລັດຖະມົນຕີກະຊວງ ຕສ ຍັງກ່າວວ່າ: ດ້ານໂຄງລ່າງພື້ນຖານເຕັກໂນໂລຊີດີຈີຕອນ ກໍໄດ້ມີການພັດທະນາຫຼາຍໆຢ່າງ ເປັນຕົ້ນວຽກງານໂທລະຄົມມະນາຄົມຢູ່ໃນ ສປປ ລາວ ປັດຈຸບັນນີ້ ມີ ບໍລິສັດຜູ້ໃຫ້ບໍລິການດ້ານໂທລະຄົມມະນາຄົມ ແລະ ອິນເຕີເນັດ ທັງໝົດ 7 ບໍລິສັດ ຊຶ່ງໄດ້ມີການຂະຫຍາຍເຄືອຂ່າຍການບໍລິການທາງດ້ານສຽງ ແລະ ຂໍ້ມູນ (ອິນເຕີເນັດ); ຮອດທ້າຍປີ 2021 ໄດ້ມີສັນຍານໂທລະສັບມືຖື ລະບົບ 2G ຄວບຄຸມໄດ້ 96% ຂອງເນື້ອທີ່ທົ່ວປະເທດ, ລະບົບ 3G ຄວບຄຸມໄດ້ 83%, ລະບົບ 4G ຄວບຄຸມໄດ້ 75% ຂອງບັນດາບ້ານໃນທົ່ວປະເທດ ແລະ ປັດຈຸບັນນີ້ ມີ 2 ບໍລິສັດ (ລາວໂທລະຄົມ ແລະ ຢູນີເທວ) ໄດ້ທົດລອງນຳໃຊ້ລະບົບ 5G ເຫັນວ່າ ພື້ນທີ່ໃຫ້ບໍລິການ ໃນເຂດຕົວເມືອງໃຫຍ່, ເຂດທີ່ເປັນເສດຖະກິດ ຊຶ່ງທັງໝົດໄດ້ສ້າງຄວາມພ້ອມໃນການນໍາໃຊ້ລະບົບເຄື່ອງມືທັນສະໄໝ ໃນການຈັດເກັບລາຍຮັບເຂົ້າລັດຖະບານ; ໃນນັ້ນ, ຕາໜ່າງສາຍໄຍແກ້ວ (Fiber Optic) ໂທລະຄົມມະນາຄົມ ແລະ ອິນເຕີເນັດ ຄວາມໄວສູງ ກວມເອົາທຸກເມືອງຂອງທົ່ວປະເທດ ແລະ ຫຼາຍກວ່າ 90% ແຈກຢາຍໄປບັນດາບ້ານ ໂດຍມີຄວາມຍາວທັງໝົດ 95.837 ກິໂລແມັດ. ບັນດາບໍລິສັດໂທລະຄົມມະນາຄົມ ມີຜະລິດຕະພັນການຊຳລະສະສາງແບບດີຈີຕອນ ຜ່ານລະບົບໂທລະສັບມືຖື ເປັນຕົ້ນ: ເອັມມັນນີ, ຢູມັນນີ, ອີທູເພ ຊຶ່ງມາຮອດປັດຈຸບັນນີ້ ມີຜູ້ລົງທະບຽນນຳໃຊ້ບໍລິການ ຫຼາຍກວ່າ 2.300.000 ບັນຊີ ໃນທົ່ວປະເທດ ແລະ ມີຜູ້ຊົມໃຊ້ຢ່າງເປັນປົກກະຕິຫຼາຍກວ່າ 500.000 ບັນຊີ ຕໍ່ວັນ. ນອກນີ້, ກໍໄດ້ປັບປຸງ ບໍລິສັດ ລັດວິສາຫະກິດໄປສະນີລາວ ໂດຍຮ່ວມທຶນກັບນັກລົງທຶນພາຍໃນປະເທດ, ກະຊວງການເງິນ ໄດ້ປັບປຸງ ແລະ ພັດທະນາ ລະບົບຄຸ້ມຄອງການເງິນແບບດີຈີຕອນ ເຮັດໃຫ້ລາຍຮັບເພີ່ມຂຶ້ນ 26% ນອກຈາກນັ້ນ, ກໍໄດ້ກຳນົດຄາດໝາຍສູ້ຊົນໃນແຜນພັດທະນາ 5 ປີ ຄັ້ງທີ III (2021-2025) ຂອງຂະແໜງ ຕສ ຊຸກຍູ້ສົ່ງເສີມໃຫ້ມີການຂະຫຍາຍສະຖານີຮັບ-ສົ່ງສັນຍານໂທລະສັບມືຖື ລະບົບເຕັກໂນໂລຊີ ລະບົບ 3G ຄວບຄຸມໃຫ້ໄດ້ 100%, ລະບົບ 4G ຄວບຄຸມໃຫ້ໄດ້ 90% ແລະ ລະບົບ 5G ຄວບຄຸມໃຫ້ໄດ້ 50% ຂອງພື້ນທີ່ບັນດາບ້ານໃນທົ່ວປະເທດ ຢ່າງມີຄຸນນະພາບ, ປະສິດທິພາບ ແລະ ໄດ້ມາດຕະຖານສາກົນ ພ້ອມທັງຂະຫຍາຍເຄືອຂ່າຍລະບົບສາຍສົ່ງດ້ວຍສາຍໃຍແກ້ວໃຫ້ເຂົ້າເຖິງບັນດາແຂວງ, ເທດສະບານເມືອງ ໃຫ້ໄດ້ຕື່ມ 10.000 ກິໂລແມັດ. ພ້ອມນັ້ນໄດ້ຂຶ້ນແຜນປັບປຸງ ແກ້ໄຂ ບັນດາສາຍໂທລະຄົມມະນາຄົມທີ່ເກາະຫ້ອຍນຳບັນດາເສົາໄຟຟ້າ ພາຍໃນເທດສະບານນະຄອນຫຼວງວຽງຈັນໃຫ້ມີຄວາມສວຍງາມ.

ສໍາລັບ, ດ້ານການພັດທະນາຊັບພະຍາກອນມະນຸດດີຈີຕອນ: ຕາມການເກັບກຳສະຖິຕິມາຮອດປັດຈຸບັນ ແຮງງານດ້ານໄອຊີທີ ໄດ້ກວມເອົາພຽງແຕ່ 0,3% ຂອງແຮງງານທັງໝົດໃນທົ່ວປະເທດ. ເຖິງຢ່າງໃດກໍຕາມ ຄວາມອາດສາມາດຂອງແຮງງານເຫຼົ່ານີ້ ຍັງມີຄວາມຈຳກັດທາງດ້ານປະລິມານ ແລະ ຄຸນນະພາບ, ມີພຽງຈໍານວນໜຶ່ງເທົ່ານັ້ນທີ່ມີຄວາມສາມາດໃນການແຂ່ງຂັນກັບສາກົນ ເຮັດໃຫ້ການພັດທະນາເຕັກໂນໂລຊີດີຈີຕອນ ຍັງຕ້ອງໄດ້ອາໄສຊ່ຽວຊານຕ່າງປະເທດ. ຂະນະທີ່ ຄວາມຈໍາເປັນຕ້ອງສ້າງບຸກຄະລາກອນຂອງຂະແໜງການນີ້ ໃຫ້ໄດ້ຢ່າງໜ້ອຍ 3% ຈຶ່ງຈະສາມາດຂັບເຄື່ອນເສດຖະກິດດີຈີຕອນຂອງປະເທດໄດ້ ຊຶ່ງກໍມີແຜນການສູ້ຊົນ ຮອດປີ 2025 ຈະສ້າງບຸກຄະລາກອນຂະແໜງດັ່ງກ່າວໃຫ້ໄດ້ 1%, ປີ 2030 ໃຫ້ໄດ້ 2% ແລະ ປີ 2040 ໃຫ້ໄດ້ 4% ຂອງແຮງງານທົ່ວປະເທດ. ນອກນີ້, ກໍຍັງມີວຽກງານອື່ນໆອີກຫຼາຍຢ່າງໄດ້ມີຄວາມຄືບໜ້າເປັນຢ່າງດີ.

(ຂ່າວ-ພາບ: ສຸກສະຫວັນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com