ທ່ານໄລສວນມິດສຸວັນກຳມະການພັກແຂວງເລຂາພັກເມືອງເຈົ້າເມືອງດາກຈຶງໃຫ້ຮູ້ວ່າ: ໂສມທຳມະຊາດ ແລະ ເຫັດຣໍາທໍາມະຊາດເປັນວັດຖຸດິບທີ່ລ້ວນແລ້ວແຕ່ເປັນທ່າແຮງບົ່ມຊ້ອນທາງທຳມະຊາດຂອງເມືອງດາກຈຶງພືດດັ່ງກ່າວຈະມີເອກະລັກສະເພາະແລະບໍ່ຄືເຂດອື່ນ, ປັດຈຸບັນປະຊາຊົນກຳລັງຈະຫັນປູກເປັນສິນຄ້າຂອງບາງກຸ່ມບ້ານຊຶ່ງການປູກແມ່ນປູກແບບທຳມະຊາດ, ປູກຕາມປ່າດົງຕຶບໜາມັນຈຶ່ງງອກງາມດີ, ບໍ່ໄດ້ໃສ່ປຸ໋ຍເຄມີຊຶ່ງໄລຍະຜ່ານມາຍັງບໍ່ມີຕະຫຼາດເກັບຊື້ທີ່ຖາວອນ, ມີພຽງແຕ່ຈໍາໜ່າຍເປັນຂອງຝາກຂອງຕ້ອນແລະເປັນການແປຮູບເປັນສິນຄ້າຂະໜາດນ້ອຍແບບຄອບຄົວ.

ມາຮອດເດືອນ10ປີ2022. ຜ່ານການສໍາຫຼວດ, ວິໄຈໃນຫຼາຍດ້ານເຫັນວ່າຜະລິດຕະພັນດັ່ງກ່າວລ້ວນແລ້ວແຕ່ແມ່ນທ່າແຮງພື້ນຖານອັນໃໝ່ຂອງເມືອງຄະນະພັກຈຶ່ງໄດ້ຊຸກຍູ້, ຊີ້ນໍາໃຫ້ຂະແໜງການທີ່ກ່ຽວຂ້ອງຄົ້ນຄວ້າອອກໃບອະນຸຍາດສ້າງຕັ້ງເປັນໂຮງງານຜະລິດ-ປຸງແຕ່ງເຫຼົ້າບອງໂສມເພື່ອແປຮູບໂສມທຳມະຊາດແລະຣໍາທຳມະຊາດໃຫ້ຖືກຕ້ອງຕາມກົດໝາຍຊຶ່ງມາຮອດປັດຈຸບັນນີ້ສາມາດສ້າງມູນຄ່າເພີ່ມແລະບໍລິການຈຳໜ່າຍຜະລິດຕະພັນທັງໃນແລະຕ່າງປະເທດໄດ້ຫຼາຍກວ່າ100ລ້ານກີບຕໍ່ປີ; ເປັນຕົ້ນແປຮູບຈາກກາເຟໝາກຂາວໃນ1ໂຕນສາມາດແປຮູບແລະສ້າງມູນຄ່າເພີ່ມໄດ້160ລ້ານກິບ/ໂຕນ/ປີ(ຂອງຫົວໜ່ວຍກາເຟສະຕາດາກຈຶງ)

ການສົ່ງເສີມປູກໂສມທຳມະຊາດກາຍເປັນສິນຄ້າຂອງກຸ່ມບ້ານດາກປຣາໄດ້ມີການຊື້-ຂາຍແລກປ່ຽນສິນຄ້າໂສມທຳມະຊາດລະຫວ່າງບ້ານຕິດຈອດຊາຍແດນຂອງເມືອງກັບເມືອງດັກໄລແຂວງກອນຕູມສສຫວຽດນາມໄລຍະຜ່ານມາສາມາດສ້າງລາຍຮັບໃຫ້ປະຊາຊົນກຸ່ມບ້ານດາກປຣາເປັນຈຳນວນເງິນ8,6ຕື້ດົງແລະ200ລ້ານກີບສະເພາະເຂດກຸ່ມບ້ານດາກປຣາ. ນອກນີ້, ຍັງມີຫຼາຍເຂດບ້ານທີ່ເປັນທ່າແຮງເຮັດການຜະລິດປູກໂສມທຳມະຊາດ, ຣໍາທຳມະຊາດແລະກາເຟອີກຈຳນວນຫຼວງຫຼາຍ.

ທ່ານໄລສວນມິດສຸວັນໃຫ້ຮູ້ຕື່ມວ່າ: ມາຮອດປັດຈຸບັນອົງການປົກຄອງເມືອງດາກຈຶງໄດ້ເອົາໃຈໃສ່ທັງໃຫ້ການຊ່ວຍເຫຼືອຊຸກຍູ້-ຜັກດັນຜູ້ປະກອບການທັງພາຍໃນແລະຕ່າງປະເທດດ້ວຍຫຼາຍຮູບການຈົນສາມາດປະກາດຮັບຮອງເອົາຜະລິດຕະພັນຂອງຫົວໜ່ວຍການຜະລິດຂອງທ່ານສັນຕິເປັນຕົ້ນ: ກາເຟດາກຈຶງໃນນັ້ນມີທັງກາເຟຂົ້ວບົດ, ກາເຟຂົ້ວເມັດເປັນສິນຄ້າODOP ຂອງເມືອງດາກຈຶງຢ່າງເປັນທາງການ.

ນອກນັ້ນ. ຍັງມີສິນຄ້າກະສິກຳທີ່ເປັນທ່າແຮງເພື່ອແປຮູບເປັນສິນຄ້າODOP ຂອງເມືອງໃນຕໍ່ໜ້າຂອງຫົວໜ່ວຍລາວໄຕ້ເຮີໂບ (LAOTAI HERBALL) ມີຜະລິຕະພັນເຊັ່ນ: ຊາໂສມ, ຊາຣໍາ, ເຫຼົ້າບອງໂສມ, ເຫຼົ້າບອງຣຳ, ກາເຟໂສມ, ກາເຟຣໍາແລະຜະລິດຕະພັນອື່ນໆທີ່ຍັງເປັນຂອງບັນດາບ້ານແລະກຸ່ມຍັງມີຈຳນວນຫຼາຍ.

(ຂ່າວ-ພາບ: ດາກຈຶງ)