ວັນທີ 25 ມັງກອນ ນີ້, ທ່ານນາງແກ້ວລາມະນີຈິດຄະນະປະຈຳເລຂາທິການສະພາປະຊາຊົນແຂວງ(ສພຂ)ຫຼວງພະບາງໄດ້ຖະແຫຼງຂ່າວກ່ຽວກັບການກະກຽມດຳເນີນກອງປະຊຸມສະໄໝສາມັນເທື່ອທີ4ຂອງ ສພຂ ຫຼວງພະບາງຊຸດທີII ວ່າ: ກອງປະຊຸມສະໄໝສາມັນເທື່ອທີ4ຂອງ ສພຂ ຫຼວງພະບາງຊຸດທີII ຈະໄດ້ເປີດຂຶ້ນໃນລະຫວ່າງວັນທີ1-3ກຸມພາ2023 ຊຶ່ງຈະໄດ້ຄົ້ນຄວ້າ, ພິຈາລະນາແລະຮັບຮອງເອົາບັນຫາສຳຄັນພື້ນຖານຂອງແຂວງດັ່ງນີ້: ວຽກງານຂອງອົງການປົກຄອງແຂວງ: 1. ຮັບຟັງລາຍງານກ່ຽວກັບການຈັດຕັ້ງປະຕິບັດວຽກງານຮອບດ້ານຂອງອົງການປົກຄອງແຂວງປະຈໍາປີ2022ແລະທິດທາງແຜນການປະຈໍາປີ2023;2. ຮັບຟັງລາຍງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມປະຈໍາປີ2022ແລະທິດທາງແຜນການປະຈໍາປີ2023ຂອງແຂວງ;3. ຮັບຟັງລາຍງານກ່ຽວກັບການຈັດຕັ້ງປະຕິບັດແຜນງົບປະມານປະຈໍາປີ2022ແລະທິດທາງແຜນການປະຈໍາປີ2023ຂອງແຂວງ;4. ຮັບຟັງການລາຍງານການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນປະຈໍາປີ2022ແລະທິດທາງແຜນການປະຈໍາປີ2023ຂອງແຂວງ;5. ຮັບຟັງລາຍງານກ່ຽວກັບການເຄື່ອນໄຫວວຽກງານກວດສອບປະຈໍາປີ2022ແລະທິດທາງແຜນການປະຈໍາປີ2023ແລະຜົນການກວດສອບຄືນການສະຫຼຸບງົບປະມານຂາດຕົວປະຈໍາປີ2021ຂອງແຂວງຫຼວງພະບາງ;6. ຮັບຟັງລາຍງານກ່ຽວກັບຜົນການກວດກາການຕ້ານການສໍ້ລາດບັງຫຼວງແລະການແກ້ໄຂຜົນຂອງການກວດສອບປະຈໍາປີ2021ແລະທິດທາງແຜນການປະຈໍາປີ2022;7. ຮັບຟັງລາຍງານກ່ຽວກັບຜົນການຄວບຄຸມລາຄາສິນຄ້າປະເພດສະບຽງອາຫານແລະສິນຄ້າປະເພດອື່ນທີ່ຈໍາເປັນ;8. ຮັບຟັງລາຍງານກ່ຽວກັບຜົນການຜະລິດເປັນສິນຄ້າຕາມແລວທາງລົດໄຟແລະການຈັດຕັ້ງປະຕິບັດຂໍ້ຕົກລົງວ່າດ້ວຍການປູກຫຍ້າ-ລ້ຽງສັດ;9. ຮັບຟັງລາຍງານກ່ຽວກັບຜົນການແກ້ໄຂຜົນກະທົບໃນການສ້າງທາງເວັ້ນຕົວເມືອງແລະທາງລົດໄຟລາວ-ຈີນ;10. ຮັບຟັງລາຍງານກ່ຽວກັບການຈັດຕັ້ງປະຕິບັດບັນດາຄາດໝາຍທີ່ ສພຂ ອອກມະຕິຮັບຮອງແລະສະພາບການແກ້ໄຂບັນຫາຄູສອນທີ່ເຫຼືອບໍ່ພໍພາຍໃນແຂວງຫຼວງພະບາງປະຈໍາປີ2022ແລະທິດທາງແຜນການປະຈໍາປີ2023;11. ຮັບຟັງລາຍງານກ່ຽວກັບຜົນການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດປະຈໍາປີ2022ແລະທິດທາງແຜນການ6ເດືອນຕົ້ນປີ2023.

ວຽກງານອົງການໄອຍະການປະຊາຊົນແຂວງແລະສານປະຊາຊົນແຂວງ:1. ຮັບຟັງລາຍງານກ່ຽວກັບການຈັດຕັ້ງປະຕິບັດວຽກງານປະຈໍາປີ2022ແລະທິດທາງແຜນການປະຈໍາປີ2023ຂອງອົງການໄອຍະການປະຊາຊົນແຂວງ;2. ຮັບຟັງລາຍງານກ່ຽວກັບການຈັດຕັ້ງປະຕິບັດວຽກງານປະຈໍາປີ2022ແລະທິດທາງແຜນການປະຈໍາປີ2023ຂອງສານປະຊາຊົນແຂວງ.

ວຽກງານ ສພຂ: 1. ຮັບຟັງກລາຍງານກ່ຽວກັບການຈັດຕັ້ງປະຕິບັດວຽກງານປະຈໍາປີ2022ແລະທິດທາງແຜນການປະຈໍາປີ2023ຂອງ ສພຂ; 2. ບົດປະກອບຄໍາເຫັນຄະນະປະຈໍາ ສພຂ ຕໍ່ບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານຂອງແຂວງປະຈໍາປີ2022ແລະທິດທາງແຜນການປະຈໍາປີ2023ແລະຕໍ່ບົດລາຍງານວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນປະຈໍາປີ2022ແລະທິດທາງແຜນການປະຈໍາປີ2023; 3. ບົດປະກອບຄໍາເຫັນຄະນະປະຈໍາ ສພຂ ຕໍ່ບົດລາຍງານການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດປະຈໍາປີ2022ແລະທິດທາງ6ເດືອນຕົ້ນປີ2023ແລະຕໍ່ບົດລາຍງານການຈັດຕັ້ງປະຕິບັດວຽກງານປະຈໍາປີ2022ແລະທິດທາງແຜນການປະຈໍາປີ2023ຂອງອົງການໄອຍະການປະຊາຊົນແຂວງແລະສານປະຊາຊົນແຂວງ; 4. ບົດປະກອບຄໍາເຫັນຂອງແນວລາວສ້າງຊາດຕໍ່ບົດລາຍງານການຈັດຕັ້ງປະຕິບັດວຽກງານປະຈໍາປີ2022ແລະທິດທາງແຜນການປະຈໍາປີ2023ຂອງ ສພຂ.

ມະຕິກອງປະຊຸມ ສພຂ:1. ມະຕິກອງປະຊຸມ ສພຂ ວ່າດ້ວຍການຮັບຮອງເອົາບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານປະຈໍາປີ2022ແລະທິດທາງແຜນການປະຈໍາປີ2023ຂອງແຂວງ;2. ມະຕິກອງປະຊຸມ ສພຂ ວ່າດ້ວຍການຮັບຮອງເອົາບົດລາຍງານການເຄື່ອນໄຫວວຽກງານກວດສອບປະຈໍາປີ2022ແລະທິດທາງແຜນການປະຈໍາປີ2023ແລະຜົນການກວດສອບຄືນການສະຫຼຸບງົບປະມານຂາດຕົວປະຈໍາປີ2021ຂອງແຂວງຫຼວງພະບາງ; 3. ມະຕິກອງປະຊຸມ ສພຂ ວ່າດ້ວຍການຮັບຮອງເອົາບົດລາຍງານຜົນການກວດກາການຕ້ານການສໍ້ລາດບັງຫຼວງແລະຜົນການແກ້ໄຂຜົນການກວດສອບປະຈໍາປີ2021ແລະທິດທາງແຜນການປະຈໍາປີ2023ຂອງແຂວງຫຼວງພະບາງ; 4. ມະຕິກອງປະຊຸມ ສພຂ ວ່າດ້ວຍການຮັບຮອງເອົາບົດລາຍງານການຈັດຕັ້ງປະຕິບັດວຽກງານປະຈໍາປີ2022ແລະທິດທາງແຜນການປະຈໍາປີ2023ຂອງອົງການໄອຍະການປະຊາຊົນແຂວງ; 5. ມະຕິກອງປະຊຸມ ສພຂ ວ່າດ້ວຍການຮັບຮອງເອົາບົດລາຍງານການຈັດຕັ້ງປະຕິບັດວຽກງານປະຈໍາປີ2022ແລະທິດທາງແຜນການປະຈໍາປີ2023ຂອງສານປະຊາຊົນແຂວງ;6. ມະຕິກອງປະຊຸມ ສພຂ ວ່າດ້ວຍການຮັບຮອງເອົາບົດລາຍງານການຈັດຕັ້ງປະຕິບັດວຽກງານປະຈໍາປີ2022ແລະທິດທາງແຜນການປະຈໍາປີ2023ຂອງ ສພຂ; ທ່ານນາງແກ້ວລາມະນີຈິດໃນນາມຕາງໜ້າໃຫ້ຄະນະປະຈຳ ສພຂ, ເຊີນຊວນບັນດາທ່ານພະນັກງານ, ທະຫານ, ຕຳຫຼວດ, ນັກສຶກສາ, ປັນຍາຊົນ, ກຳມະກອນ, ຊາວຜູ້ອອກແຮງງານ, ພໍ່ແມ່ພີ່ນ້ອງປະຊາຊົນລາວບັນດາເຜົ່າທຸກຊັ້ນຄົນໃນທົ່ວແຂວງຫຼວງພະບາງໄດ້ໃຊ້ສິດປະຊາທິປະໄຕເພື່ອສະເໜີບັນດາຄໍາເຫັນຄໍາເຫັນອັນເປັນປະໂຫຍດຕໍ່ກອງປະຊຸມສະໄໝສາມັນເທື່ອທີ4 ຂອງ ສພຂ ຫຼວງພະບາງໃນໄລຍະດຳເນີນກອງປະຊຸມໂດຍຜ່ານໂທລະສັບສາຍດ່ວນ071 156 (ບໍ່ເສຍຄ່າ). (ຂ່າວ: ຫຼວງພະບາງ)