ໜັງສືພິມ ປະຊາຊົນ

ປະກາດກອງຮ້ອຍທະຫານຮາບ 19 ຂຶ້ນເປັນກອງພັນນ້ອຍ ທະຫານຮາບ ແຂວງຜົ້ງສາລີ

ເຜີຍແຜ່ໂດຍ: siththiphone rasphone ເວລາ: 03/03/2020 10:53:37 ຈຳນວນຢ້ຽມຊົມ 1961 ຄັ້ງ

   ກອງພັນນ້ອຍທະຫານຮາບ 19 ໄດ້ຈັດໃຫ້ມີພິທີປະກາດຍົກ ລະດັບກອງຮ້ອຍທະຫານຮາບ 19 ຂຶ້ນເປັນກອງພັນນ້ອຍທະ ຫານຮາບ 19 ທີ່ຂຶ້ນກັບກອງບັນ ຊາການທະຫານ ແຂວງຜົ້ງສາ ລີຂຶ້ນຫວ່າງແລ້ວນີ້ ຢູ່ກອງພັນນ້ອຍດັ່ງກ່າວ ໂດຍການໃຫ້ກຽດ ເຂົ້າຮ່ວມຂອງສະຫາຍ ພົນໂທ ສຸວອນ ເລືອງບຸນມີ ກຳມະການສູນກາງພັກ   ຮອງລັດຖະມົນຕີ   ຫົວໜ້າກົມໃຫຍ່ເສນາທິການ ກອງທັບກະຊວງປ້ອງກັນປະ ເທດ, ມີສະຫາຍ ຄຳຜອຍ ວັນນະສານ ຮັັກສາການເລຂາ ພັກແຂວງ   ຮັກສາການເຈົ້າ ແຂວງໆຜົ້ງສາລີ ປະທານປ້ອງ ກັນຊາດ-ປ້ອງກັນຄວາມສະຫງົບ ຂັ້ນແຂວງ, ມີນາຍ ແລະ ພົນທະ ຫານ ພ້ອມດ້ວຍແຂກຖືກເຊີນ ພາກສ່ວນທີ່ກ່ຽວຂ້ອງເຂົ້າຮ່ວມ.
   ໃນພິທີ ສະຫາຍ ພັນເອກ ສົມພອນ ມີດຕະພອນ ກຳມະ ການຄະນະພັກ ກົມໃຫຍ່ກຳລັງພົນ ຫົວໜ້າກົມໃຫຍ່ເສນາທິການກອງທັບ ກະຊວງປ້ອງກັນປະເທດໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດ ສະບັບ ເລກທີ 4170/ກປທ ລົງ ວັນທີ 18/9/2019 ວ່າດ້ວຍການ ຍົກລະດັບກອງຮ້ອຍທະຫານຮາບຂຶ້ນເປັນກອງພັນນ້ອຍທະ ຫານຮາບ (ລະຫັດໝາຍເລກ 19) ຂຶ້ນກັບກອງບັນຊາການທະ ຫານ. ຈາກນັ້ນ ສະຫາຍ ພັນເອກ ທີດແກ້ວ ພົມປັນຍາ ຫົວ ໜ້າການເມືອງກອງບັນຊາການ ທະຫານແຂວງຜົ້ງສາລີ ໄດ້ຂຶ້ນ ຜ່ານຂໍ້ຕົກລົງຊົ່ວຄາວຂອງ ກອງບັນຊາການທະຫານແຂວງ ສະ ບັບເລກທີ 47/ກບຊກ, ລົງວັນທີ 28 ມັງກອນ 2020 ວ່າດ້ວຍການແຕ່ງຕັ້ງສະຫາຍ ພັນໂທ ຈັນໄຊ ຄຳສະຫວັນ ເປັນຫົວ ໜ້າການທະຫານກອງພັນນ້ອຍທະຫານຮາບ 19, ສະຫາຍ ພັນໂທ ວີໄລ ແພງສົມເຮືອງ ເປັນຫົວໜ້າການເມືອງ.
   ໃນໂອກາດນີ້,   ສະຫາຍ ຄຳຜອຍ   ວັນນະສານ   ໄດ້ຕີລາ ຄາສູງຕໍ່ການປະກາດຍົກລະ ດັບກອງຮ້ອຍທະຫານຮາບ 19 ຂຶ້ນເປັນກອງພັນນ້ອຍທະຫານຮາບ 19   ຊຶ່ງເປັນເຫດການທາງ ດ້ານປະຫວັດສາດ ແລະ ມີຄວາມໝາຍສຳຄັນຍິ່ງ ເພາະເປັນການຜັນຂະຫຍາຍແນວ ທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບ ດ້ານ ໂດຍສະເພາະແມ່ນການ ຈັດຕັ້ງປະຕິບັດ 4 ແຜນງານໃຫຍ່ 26 ໂຄງການຂອງກະຊວງປ້ອງກັນປະເທດວາງອອກ ພ້ອມກັນນັ້ນສະຫາຍຍັງໄດ້ຮຽກຮ້ອງມາຍັງຄະນະພັກ,   ຄະນະບັນຊາກອງພັນນ້ອຍທະຫານຮາບ 19 ສືບຕໍ່ເອົາໃຈໃສ່ສຶກສາອົບຮົບ ນຳພາການເມືອງແນວຄິດໃຫ້ກຳລັງຂອງຕົນຢ່າງເປັນປົກກະ ຕິ, ປັບປຸງແບບແຜນນຳພາ, ແບບແຜນວີທີເຮັດວຽກຂອງຄະ ນະພັກ, ຄະນະບັນຊາໃຫ້ຖືກ ຕ້ອງຕາມລະບຽບຂອງພັກ ແລະ ລະບຽບການອື່ນໆຢ່າງເຂັ້ມງວດ.
ໃນໂອກາດເຂົ້າຮ່ວມພິທີ ດັ່ງກ່າວ, ສະຫາຍ ພົນໂທ ສຸວອນ ເລືອງບຸນມີ ໄດ້ນຳເອົາເງິນສົດຈຳນວນ 50 ລ້ານກີບ ແລະ ສະ ຫາຍ ຄຳຜອຍ ວັນນະສານ ນຳເອົາເງິນສົດ 10 ລ້ານກີບ ພ້ອມດ້ວຍໝາກບານ 5 ໜ່ວຍ, ກະຕໍ້ຫວາຍ 5 ໜ່ວຍ ແລະ ບານສົ່ງ 5 ໝ່ວຍ ມອບໃຫ້ກອງພັນນ້ອຍທະຫານຮາບ 19 ຕື່ມອີກ.
(ຂ່າວ-ພາບ: ແສງຄຳ ສາລິວັນ)

ຂ່າວທີ່ໄດ້ຮັບຄວາມນິຍົມ