ເພື່ອຜັນຂະຫຍາຍ ແລະ ຈັດຕັ້ງປະຕິບັດ ຂໍ້ຕົກລົງຂອງ ທ່ານເຈົ້າແຂວງວຽງຈັນ ສະບັບເລກທີ 1059/ຈຂ.ວຈ ລົງວັນທີ 14 ກັນຍາ 2022 ວ່າດ້ວຍການອະນຸຍາດໃຫ້ ທ່ານ ຄໍາພັນ ສອນຫຸມດາລາ ສໍາປະທານດິນລັດຄຸ້ມຄອງໃນເນື້ອທີ່ 1,2 ເຮັກຕາ ເພື່ອດໍາເນີນກິດຈະການບໍລິການທ່ອງທ່ຽວທໍາມະຊາດ, ເຮືອນພັກ ແລະ ຮ້ານອາຫານ ຢູ່ແຄມອ່າງນໍ້າງື່ມ ບ້ານນາເພີຍ ເມືອງທຸລະຄົມ ແຂວງວຽງຈັນ ແລະ ເພື່ອເຮັດໃຫ້ຫົວໜ່ວຍທຸລະກິດດັ່ງກ່າວໄດ້ສືບຕໍ່ດໍາເນີນການດ້ານເອກະສານໃຫ້ຄົບຖ້ວນຖືກຕ້ອງ, ພ້ອມທັງກະກຽມເຂົ້າສູ່ການລົງມືຈັດຕັ້ງປະຕິ ບັດໂຄງການກໍ່ສ້າງຕາມຈຸດປະສົງທີ່ວາງໄວ້. ເມື່ອບໍ່ດົນມານີ້ ຢູ່ຫ້ອງການແຜນການ ແລະ ການລົງທຶນ ເມືອງ ໄດ້ມີພິທີເຊັນສັນຍາ ລະຫວ່າງອົງການປົກຄອງເມືອງທຸລະຄົມ ຕາງໜ້າໂດຍ ທ່ານ ຄໍາມະນີ ລາດຊະມີໄຊ ຫ້ອງການແຜນການ ແລະ ການລົງທຶນ ເມືອງ ກັບ ເຈົ້າຂອງຫົວໜ່ວຍທຸລະກິດ ຕາງໜ້າໂດຍ ທ່ານ ຄໍາພັນ ສອນຫຸມດາ ລາ, ໃນນັ້ນ ມີການເຊັນຢັ້ງຢືນຂອງ 2 ພາກສ່ວນ ຄື: ທ່ານ ຄໍາພອນ ຈັນທະວົງສັກ ຫົວໜ້າຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວເມືອງ ແລະ ທ່ານ ຊັບຈະເລີນ ພິມມະສານ ຫົວໜ້າຫ້ອງວ່າການເມືອງ ພ້ອມກັບລົງລາຍເຊັນຢັ້ງຢືນພະຍານ ຊຶ່ງເປັນກຽດເຂົ້າຮ່ວມຂອງ ທ່ານ ນາງ ຈັນທະບູນ ໂພສາລາດ ຫົວໜ້າຄະນະຈັດຕັ້ງແຂວງວຽງຈັນ ແລະ ທ່ານ ນາງ ວົງເດືອນ ວັດຕະໂສ ເຈົ້າເມືອງທຸລະຄົມ, ມີສະມາຊິກສະພາແຂວງປະຈໍາເມືອງ, ຫ້ອງການກ່ຽວຂ້ອງ, ພາກສ່ວນກ່ຽວຂ້ອງ ແລະ ນາຍບ້ານນາເພີຍ ເຂົ້າຮ່ວມເປັນສັກຂີພິຍານ.

ຂ່າວ-ພາບ: ເມືອງທຸລະຄົມ.