“ບັ້ນ​ຮົບ​ຫຼວງ​ນ້ຳ​ທາ ພະ​ທາດ​ໃຫຍ່​ຊຽງ​ເປງ ຊາບ​ຊຶ້ງ​ກັບ​ວັດ​ທະ​ນະ​ທໍາ​​ຫຼາຍ​ເຜົ່າ ເຂົ້າ​ຊອຍ​ແຊບ​ເມືອງ​ສິງ ລິງ​ລາຍ​ແພໄ​ໝມ້ອນ​ເມືອງ​​ຫຼວງ​ນ້ຳ​ທາ ທ່ຽວ​ປ່າ​ສະຫງວນ​ແຫ່ງ​ຊາດ​ນ້ຳ​ຫ້າ ເຂດ​ພັດທະນາ​ເສດ ຖະກິດ​ພິເສດ​ບໍ່​ເຕ່ນ​ແດນ​ຄໍາ ຮ່ວມ​ເຕັ້ນແຊ​ນໍາ​ສາວ​ໄຕ​ດຳ​ງາມ​ແທ້​ລະ​ກໍາ” ແມ່ນ​ຄໍາ​ຂວັນ​ຂອງ​ແຂວງ​​ຫຼວງ​ນ້ຳທາ​ທີ່​ຕັ້ງ​ຢູ່​ທາງ​ທິດຕາເວັນຕົກ​ສ່ຽງ​ເ​ໜືອ​ຂອງ​ປະເທດລາວ, ມີ​ເນື້ອທີ່​ທັງ​​ໝົດ 90.000 ກວ່າ​ກິໂລ​ຕາ​ແມັດ, ທິດຕາເວັນຕົກ​ມີ​ຊາຍ​ແດນ​ຕິດ​ກັບ​ປະເທດ​ມຽນ​ມາ ແລະ ທິດເໜືອ​ຕິດກັບ​ປະເທດ​ຈີນ. ແຂວງ​ຫຼວງ​ນ້ຳ​ທາ ປະກອບ​ມີ 5 ເມືອງຄື: ເມືອງ​ຫຼວງ​ນໍ້າ​ທາ, ເມືອງ​ສິງ, ເມືອງ​ລອງ, ເມືອງ​ວຽງ​ພູ​ຄາ ແລະ ເມືອງ​ນາ​ແລ ຊຶ່ງ​ມີ​ປະຊາຊົນ​ບັນດາເຜົ່າ​ອາ​​ໄສ​ຢູ່​ປະມານ 2 ແສນ​ຄົນ. ແຂວງ​ຫຼວງ​ນ້ຳທາ​ເປັນ​ແຂວງ​ນ້ອຍ ແຕ່​ເຕັມ​ໄປ​ດ້ວຍ​ຊັບ​ພະຍາ​ກອນ​ທໍາ​ມະ​ຊາດ ແລະ ຊີວະ​ນາໆ​ພັນ​ອັນ​ອຸດົມສົມບູນ ໂດຍ​ສະເພາະ​ໃນ​ເຂດ​ປ່າ​ສະຫງວນແຫ່ງ​ຊາດ​ນ້ຳ​ຫ້າ ແລະ ເປັນ​ແຂວງ​ທໍາ​ອິດ​ທີ່ນໍາ​ເອົາ​ຕົ້ນ​ຢາງພາລາ​ມາ​ປູກ​ຢູ່​ໃນ​ປະເທດ​ລາວ ຊຶ່ງ​ເປັນ​ແຮງ​ຂັບ​ເຄື່ອນຫຼັກ​ທີ່​ຊ່ວຍ​ໃຫ້​ເສດຖະກິດ​ແຂວງ​ຂະຫຍາຍຕົວ​ຢ່າງ​ຕໍ່​ເນື່ອງ. ພ້ອມ​ດຽວ​ກັນ​ນີ້ ພາບ​ບັນຍາກາດ​ທີ່​ເຕັມ​ໄປ​ດ້ວຍ​ສວນ​ຢາງພາລາ​ອັນ​ກວ້າງ​ໃຫຍ່​ໄພສານ ຢັ່ງຢາຍ​ຂຽວ​ສົດ​ງົດ​ງາມ​ຢູ່​ຕາມ​ເປີ້ນພູ​ຈົນ​ສຸດ​ສາຍຕາ ໄດ້​ກາຍເປັນ​ສະເໜ່​ຢ່າງ​ໜຶ່​ງຂອງ​ການທ່ອງ​ທ່ຽວ​ພາຍ​ໃນ​ແຂວງ​ດັ່ງ​ກ່າວ.

ຂໍ້ມູນຈາກ: ກົມໂຄສະນາການທ່ອງທ່ຽວກະຊວງ ຖວທ