ຂ່າວສານຫວຽດນາມລາຍງານວ່າ: ຕາມການຄາດຄະເນຫຼ້າສຸດກ່ຽວກັບພື້ນຖານເສດຖະກິດຂອງອັງກິດ ໂດຍກອງທຶນເງິນຕາສາກົນ (IMF) ເປີດເຜີຍໃນວັນທີ 23 ພຶດສະພາ ຜ່ານມາ ໃຫ້ຮູ້ວ່າ: ເສດຖະກິດຂອງອັງກິດ ສາມາດເຕີບໂຕປະມານ 0,4% ໃນປີ 2023, ສ່ວນໜຶ່ງແມ່ນຍ້ອນລາຄາພະລັງງານຫຼຸດລົງ.

ໃນເດືອນເມສາ 2023, IMF ຄາດຄະເນວ່າ ພື້ນຖານເສດຖະກິດ ອັງກິດ ຈະຫຼຸດລົງປະມານ 0,3%.

ທ່ານນາງ ຄຣິສຕາລິນາ ຈໍເຈຍວາ ຜູ້ອຳນວຍການໃຫຍ່ IMF ໄດ້ອະທິບາຍວ່າ: ການຄາດຄະເນການປ່ຽນແປງດັ່ງກ່າວແມ່ນຍ້ອນລາຄາພະລັງງານຫຼຸດລົງ, ຄວາມຕ້ອງການທີ່ໝັ້ນທ່ຽງ ແລະ ບັນດາຄວາມກັງວົນກ່ຽວກັບຜົນກະທົບ Brexit ໄດ້ຮັບການຜ່ອນຄາຍລົງ, ໃນຂະນະທີ່ອຸດສາຫະກຳການເງິນຄ່ອຍໆມີສະຖຽນລະພາບ ພາຍຫຼັງຄວາມວຸ້ນວາຍດ້ານການເມືອງ ແລະ ບັນຫາກ່ຽວກັບການລົ້ມລະລາຍຂອງທະນາຄານ ອາເມຣິກາ.

ທ່ານນາງ ຄຣິສຕາລິນາ ຈໍເຈຍວາ ຍັງໃຫ້ຮູ້ວ່າ: ໃນຊຸມເດືອນມໍ່ໆມານີ້, ລັດຖະບານອັງກິດ ໄດ້ມີບັນດາການດຳເນີນມາດຕະການຕັດສິນໃຈ ແລະ ມີຄວາມຮັບຜິດຊອບສູງ, ເຊັ່ນການກວດກາເບິ່ງສັນຍາຂໍ້ຕົກລົງຂອງ ທະນາຄານ HSBC ໃນການເຂົ້າຊື້ SVB (ທະນາຄານຂອງ ອາເມຣິກາ) ສາຂາຢູ່ອັງກິດ.