Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສຳເລັດກອງປະຊຸມໃຫຍ່ຜູ້ແທນອົງຄະນະພັກເມືອງຍອດອູ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 06/03/2020 09:11:45 ຈຳ​ນວນ​​ຢ້ຽມ​ຊົມ 2334 ຄັ້ງ

   ກອງ​ປະຊຸມ​ໃຫຍ່​ຜູ້​ແທນ​ອົງຄະ​ນະ​ພັກ​ເມືອງ​ຍອດ​ອູ ແຂວງ​ຜົ້ງ​ສາລີ ຄັ້ງ​ທີ IX ໄດ້​ປິດ​ລົງ​ໃນ​ທ້າຍ​ເດືອນ​ກຸມພາ​ຜ່ານ​ມາ​ນີ້ ທີ່​ສະໂມສອນ​ໃຫຍ່​ຂອງ​ເມືອງ ໂດຍ​ການ​ເປັນ​ປະທານ​ຂອງ​ສະຫາຍ  ສົມ​ຫວັງ ສຸມ​ວິໄລ ກຳມະການ​ພັກ​ແຂວງ ເລຂາ​ຄະນະ​ບໍລິຫານ​ງານ​ພັກ​ເມືອງ ເຈົ້າເມືອງໆ​ຍອດ​ອູ, ເປັນ​ກຽດ​ເຂົ້າ​ຮ່ວມ​ຂອງ​ສະຫາຍ ຄຳ​ຜອຍ ວັນນະ​ສານ ຮັກສາ​ການ​ເລຂາ​ພັກ​ແຂວງ  ເຈົ້າແຂວງໆ​ຜົ້ງ​ສາລີ ມີ​ສະຫາຍ  ທອງ​ສະຫວັນ ທຳ​ມະ​ວົງ ກຳມະການ​ປະຈຳ​ພັກ​ແຂວງ ປະທານ​ແນວ​ລາວ​ສ້າງ​ຊາດ​ແຂວງ ທັງ​ເປັນ​ຜູ້​ຊີ້​ນຳ​ວຽກ​ງານ​ຮອບດ້ານ​ຂອງ​ເມືອງ​ຍອດ​ອູ, ມີ​ບັນດາ​ທ່ານ​ຈາກ​ພາກ ສ່ວນ​ທີ່​ກ່ຽວຂ້ອງ, ແຂກ​ຖືກເຊີນ ແລະ ຜູ້​ແທນ​ສົມບູນ​ເຂົ້າ​ຮ່ວມ.
   ໃນ​ກອງ​ປະຊຸມ​ໄດ້​ສະ​ຫຼູບ ​ຕີລາຄາ​ຄືນ​ການຈັດຕັ້ງປະຕິ ບັດມະຕິ​ກອງ​ປະຊຸມ​ໃຫຍ່ຄັ້ງທີ  VIII ຂອງ​ອົງຄະ​ນະ​ພັກ​ເມືອງ​ ຍອດ​ອູ ຕະຫຼອດ​ໄລຍະ 5 ປີ ຜ່ານມາ​ເຫັນ​ວ່າ​ມີ​ຜົນ​ສໍາ​ເລັດ​ຫຼາຍ​ດ້ານ​ເປັນຕົ້ນ​ທົ່ວ​ເມືອງ ຍອດ​ອູ ແມ່ນ​ມີ​ສະຖຽນ​ລະ​ພາບ​ທາງ​ດ້ານ​ການເມືອງ​ອັນ​ໜັກ​ແໜ້ນ, ທົ່ວ​ສັງຄົມ​ມີ​ຄວາມ​ສະຫງົບ ແລະ ມີ​ຄວາມ​ເປັນ​ລະບຽບ​ຮຽບຮ້ອຍ, ເສດຖະກິດ - ສັງຄົມ ມີ​ການ​ຂະຫຍາຍຕົວ​ດ້ວຍ​ຈັງຫວະ​ຕໍ່​ເນື່ອງ ແລະ ມີ​ທ່ວງ​ທ່າ​ໃໝ່​ທີ່​ດີ, ປະຊາຊົນ​ບັນດາເຜົ່າ​ມີ​ຄວາມ​ສາມັກຄີ​ປອງ​ດອງ, ພື້ນຖານ​ໂຄງ​ລ່າງ​ຂອງ​ເມືອງ​ກໍໄດ້​ຮັບ​ການ​ປັບປຸງ, ຊີວິດ​ການ​ເປັນ​ຢູ່​ຂອງ​ປະຊາຊົນ​ກໍໄດ້​ຮັບ​ການ​ແກ້​ໄຂ​ດີ​ຂຶ້ນ​ເປັນ​ກ້າວໆ, ອັດຕາ​ສ່ວນ​ຄວາມທຸກ​ຍາກ​ໄດ້​ຫຼຸດ​ໜ້ອຍ​ຖອຍ​ລົງ​ເທື່ອ​ລະ​ກ້າວ. ໃນ​ກອງ​ປະຊຸມ​ໄດ້​ຮັບ​ຟັງ​ການ​ປະກອບ​ຄຳ​ຄິດ​ຄໍາ​ເຫັນ​ຈາກ​ຜູ້ຕາງໜ້າ​ຈາກ​ຫຼາຍ​ພາກສ່ວນ ຊຶ່ງສ່ວນ​ຫຼາຍ​ໄດ້​ລົງ​ເລິກ​ລາຍ​ງານ​ຜົນ​ສໍາ​ເລັດ​​ການ​ຜັນ​ຂະຫຍາຍ ແລະ ຈັດ​ຕັ້ງ​ປະ ຕິບັດ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ VIII ເຂົ້າ​ໃນ​ແຕ່​ລະ​ຂົງເຂດ​ວຽກ​ງານ​ກົມ​ກອງ, ຂະແໜງ ການ​ຂອງ​ຕົນ​ເອງ, ອັນ​ໄດ້​ເຮັດ​ ໃຫ້​ກອງ​ປະຊຸມ​ມີ​ເນື້ອ​ໃນ​ສົມ ບູນ​ຄົບ​ຖ້ວນ ພ້ອມ​ນັ້ນ​ກໍ​ໄດ້​ເຫັນ​ພ້ອມ ແລະ ເປັນ​ເອກະສັນ​ກັນ​ຮັບຮອງ​ແຜນ​ພັດທະນາ​ເສດຖະກິດ - ສັງຄົມ 5 ປີ ຕໍ່ ໜ້າ ແຕ່​ປີ 2020 - 2024. ຊຶ່ງ​ຈະ​ສູ້​ຊົນ​ໃຫ້​ເສດຖະກິດ​ເຕີບ​ໂຕ​ໃນ​ລະດັບ 8,09 % ຕໍ່​ປີ, ໃນ​ນັ້ນ​ຂົງເຂດ​ກະ​ສິກຳ - ປ່າໄມ້ ເພີ່ມ​ຂຶ້ນ 8,78%, ອຸດ​ສາຫະ​ກຳ ແລະ ຫັດຖະກຳ ເພີ່ມ​ຂຶ້ນ 8,31% ແລະ ການ​ບໍລິການ​ເພີ່ມຂຶ້ນ 10,26% ເຮັດ​ໃຫ້​ໂຄງ​ ປະກອບ​ເສດຖະກິດ​ມີ​ການ​ປ່ຽນແປງ​ເຊັ່ນ: ດ້ານ​ກະສິກຳ-ປ່າໄມ້ກວມ  80,39 %, ອຸດ​ສາ ຫະ​ກຳ ແລະ ຫັດຖະກຳ ກວມ 4,31% ແລະ ການ​ບໍລິການ​ກວມ 15,30%, ລວມຍອດ ​ມູນ​ຄ່າ​ລາຍ​ຮັບ​ຮອດ​ປີ 2024 ໃຫ້​ບັນລຸ 477,39 ຕື້​ກີບ, ສະເລ່ຍ​ໃສ່​ຫົວ​ຄົນ​ໝຶ່ງ​ໃຫ້​ໄດ້ 12,85 ລ້ານ​ກີບ ຫຼື ເທົ່າ​ກັບ 1.477 ໂດ​ລາ​ຕໍ່​ຄົນ​ຕໍ່​ປີ. ຮອດ​ປີ 2024 ສູ້​ຊົນ​ເຮັດ​ໃຫ້​ຄອບຄົວ​ທຸກ​ຍາກ​ຫຼຸດ​ລົງ​ໃຫ້​ຍັງ​ເຫຼືອ 41,79%, ບ້ານ​ທຸກ​ຍາກ​ໃຫ້​ຍັງ​ເຫຼືອ 53,94 %, ສ້າງ​ບ້ານ​ພັດທະນາ​ໃຫ້​ໄດ້ 7 ບ້ານ, ສ້າງ​ບ້ານ​ໃຫຍ່​ໃຫ້​ກາຍເປັນ​ຕົວ​ເມືອງ​ນ້ອຍ​ໃນ​ຊົນນະບົດ​ໃຫ້​ໄດ້ 1 ບ້ານ  ( ຕາມ​ການ​ປະ​ເມີນ​ດຳລັດ 348/ລບ).
   ໃນ​ກອງ​ປະຊຸມ​ໄດ້​ສຳ ຫຼວດ​ຕີ​ລາຄາ​ການເຄື່ອນໄຫວ ຊີ້​ນຳໆ​ພາ ຂອງ​ຄະນະ​ບໍລິຫານ​ງານ​ພັກ​ເມືອງ ຊຸດ​ທີ VIII ຊຶ່ງ ໄດ້​ເສີມ​ຂະຫຍາຍ​ມູນ​ເຊຶື້ອ​ຄວາມ​ສາມັກຄີ​ເປັນ​ປຶກ​ແຜ່ນ​ແໜ້ນໜາ ມີ​ຄວາມ​ເດັດດ່ຽວ​ໜຽວ​ແໜ້ນ ມີ​ຄວາມ​ຕັດສິນ​ໃຈ​ສູງ​ຜ່ານ​ຜ່າ​ຄວາມ​ຫຍຸ້ງຍາກ​ນາໆ​ປະ​ການ​ນໍາ​ພາ​ປະຊາຊົນ​ບັນດາເຜົ່າ​ພາຍ​ໃນ​ເມືອງ​ຍອດ​ອູ ເດີນ​ຕາມ​ແນວທາງ​ນະ​ໂຍ ບາຍ ຂອງ​ພັກ ແລະ ບັນລຸ​ຜົນ​ສໍາ​ເລັດ​ຫຼາຍ​ດ້ານ.
    ກອງ​ປະຊຸມ​ໃຫຍ່ຄັ້ງ​ນີ້, ຍັງ​ໄດ້​ປ່ອນ​ບັດ​ເລືອກ​ເອົາ​ຄະນະ​ບໍລິຫານ​ງານ​ພັກ​ເມືອງ​ຊຸດ​ທີ IX ຊຶ່ງ​ມີ​ຜູ້​ສະໝັກ​ເລືອກ​ຕັ້ງ 29 ສະຫາຍ, ຍິງ 6 ສະຫາຍ, ເລືອກ​ເອົາ 25 ສະຫາຍ ໂດຍ​ເລືອກ​ເອົາ​ຄະນະ​ປະຈຳ​ພັກ​ເມືອງ​ຈຳນວນ 7 ສະຫາຍ, ຍິງ 2 ສະຫາຍ, ໃນ​ນັ້ນ​ໄດ້​ເລືອກ​ເອົາ​ສະຫາຍ ສົມ​ຫວັງ ສຸມ​ວິໄລ ເປັນ​ເລຂາ​ຄະນະ​ບໍລິຫານ​ງານ​ພັກ​ເມືອງ​ຍອດ​ອູ​ສະໄໝ​ທີ IX, ເລືອກ​ເອົາ​ສະຫາຍ ມື​ກ່ຽງ ລາວ​ທາງ ແລະ ສະຫາຍ ທອງ​ສີ ອິນ​ຈັກ ເປັນ​ຮອງ​ເລຂາ ແລະ ເລືອກ​ເອົາ​ສະຫາຍ ທອງ​ສີ ອິນ​ຈັກ ເປັນ​ປະທານ​ກວດກາ, ສະຫາຍ ພູ​ວີ ແສງ​ເມືອງ ແລະ ສະຫາຍ ນາງ ອ່ອນ​ສີ ໃຈ​ພົມ ເປັນ​ຮອງ​ປະທານ​ກວດ​ກາ. ກອງ​ປະຊຸມ​ຍັງ​ໄດ້​ປ່ອນ​ບັດ​ເລືອກ​ເອົາ​ຜູ້​ແທນ​ສົມບູນ​ເຂົ້າ​ຮ່ວມ​ກອງ​ປະຊຸມ​ໃຫຍ​່ຂອງ​ອົງຄະ​ນະ​ພັກ​ແຂວງ​ຈຳນວນ 25 ສະຫາຍ ຍິງ 5 ສະ​ຫາຍ.
   ກອງ​ປະຊຸມ​ໃຫຍ່​ຄັ້ງ​ນີ້​ໄດ້​ຮັບ​ຟັງ​ການ​ໂອ້​ລົມ, ຊີ້​ນຳ​ຂອງ ສະຫາຍ ຄຳ​ຜອຍ ວັນນະ​ສານ ຮັກສາ​ການ​ເລຂາ​ພັກ​ແຂວງ ເຈົ້າແຂວງໆ​ຜົ້ງ​ສາລີ ຊຶ່ງ​ທ່ານ​ໄດ້​ສະແດງ​ຄວາມ​ຍ້ອງຍໍ​ຊົມເຊີຍ​ຕໍ່ຜົນງານ​ຂອງ​ການ​ຊີ້​ນຳ ນຳພາ​ຂອງ​ຄະນະ​ບໍລິຫານ​ງານ​ພັກ​ເມືອງ​ສະໄໝ​ທີ VIII ແລະ ຊົມເຊີຍ​ຕໍ່​ຜົນສຳເລັດ​ຂອງ​ການ​ດຳເນີນ​ກອງ​ປະຊຸມ​ໃຫຍ່​ຄັ້ງ​ທີ IX ຂອງ​ຜູ້​ແທນ​ອົງຄະ​ນະ​ພັກ​ເມືອງ​ຍອດ​ອູ ພ້ອມ​ດຽວ​ກັນ​ນີ້​ກໍ​ໄດ້​ໃຫ້​ທິດ​ຊີ້​ນຳ​ໃນ​ການ​ສຸມ​ໃສ່​ການຈັດຕັ້ງ​ປະຕິບັດ​ໜ້າທີ່​ໃນຕໍ່ໜ້າ ໂດຍ​ສະເພາະ​ແມ່ນ​ການຈັດຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ IX ຂອງ​ຜູ້​ແທນ​ອົງຄະ​ນະ​ພັກ​ເມືອງ​ຍອດ​ອູ​ໃຫ້​ໄດ້​ຮັບ​ຜົນສຳເລັດ​ຕາມ​ຄາດໝາຍ​ທີ່​ວາງ​ໄວ້.
(ພາບ-ຂ່າວ: ແສງ​ຄຳ ສາລີ​ວັນ)

 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com