ວັນ​ທີ 10 ມີນາ​ນີ້ ສະພາ​ແຫ່ງ​ຊາດ (ສພຊ) ໄດ້​ຈັດ​ກອງ​ປະຊຸມ​ສະຫຼຸບ​ການຈັດຕັ້ງ​ປະຕິບັດ​ວຽກ​ງານ​ຈັດ​ຕັ້​ງ-​ພະ ນັກງານ, ວຽກ​ງານ​ກວດກາ ປະຈຳ​ປີ 2019 ແລະ ທິດ​ທາງ​ແຜນການເຄື່ອນໄຫວ​ປີ 2020 ແລະ ເຜີຍແຜ່​ຜົນສຳເລັດ​ກອງ​ປະຊຸມ​ວຽກ​ງານ​ຈັດ​ຕັ້ງ ແລະ ວຽກ​ງານ​ກວດກາ ທົ່ວ​ປະເທດ ປະຈຳ​ປີ 2019 ທີ່​ຫ້ອງ​ປະຊຸມ​ຄະນະ​ເລຂາທິການ​ສະພາ​ແຫ່ງ​ຊາດ ໂດຍ​ການ​ເປັນ​ປະທານ​ຂອງ​ທ່ານ ແສງ​ນວນ ໄຊ​ຍະ​ລາດ ຮອງ​ປະທານ ສພຊ.    
   ກອງ​ປະຊຸມ​ໄດ້​ຮັບ​ຟັງ​ການ​ຜ່ານ​ຮ່າງ​ບົດ​ສະຫຼຸບ​ຕີ​ລາຄາ​ການຈັດຕັ້ງ​ປະຕິບັດ ວຽກ​ງານ​ຈັດ​ຕັ້​ງ-​ພະນັກງານ​ພາຍ​ໃນ ສພຊ ປະຈຳ​ປີ 2019 ແລະ ທິດ​ທາງ​ແຜນການເຄື່ອນໄຫວ  ປີ 2020; ເຜີຍແຜ່​ຜົນສຳເລັດ​ກອງ​ປະຊຸມ​ວຽກ​ງານ​ຈັດ​ຕັ້ງ, ກໍ່ສ້າງ​ພັກ​-​ພະນັກງານ​ທົ່ວ​ປະເທດ ປະຈຳ​ປີ 2019. 
   ກອງ​ປະຊຸມ​ຍັງໄດ້​ຮັບ​ຟັງ​ການ​ໂອ້​ລົມ​ຈາກ​​ທ່ານ ແສງ​ນວນ ໄຊ​ຍະ​ລາດ ​ຮອງ​ປະ​ທານ ສ​ພ​ຊ ຕື່ມ​ອີກ.
(​ຂ່າວ: ນ. ສຸ​ມົນ​ທາ ງາ​ໄຊ)