ກອງ​ປະຊຸມ​ໃຫ່​ຍ​ຜູ້​ແທນ​ອົງຄະ​ນະ​ພັກ​ເມືອງ​ສາມັກຄີ​ໄຊ ແຂວງ​ອັດ​ຕະ​ປື ຄັ້ງ​ທີ 6 ໄດ້​ສໍາ​ເລັດ​ລົງ​ຕາມ​ຄາດໝາຍ ພາຍຫຼັງ​ທີ່​ໄດ້​ດໍາ​ເນີນ​ມາ​ເປັນ​ເວລາ 2 ວັນ​ຄື: ແຕ່​ວັນ​ທີ 5-6 ມີນາ​ຜ່ານ​ມາ ທີ່​ສະໂມສອນ​ຂອງ​ເມືອງ ໂດຍ​ມີ​ການ​ນໍາ​ພັກ​ຂອງ​ແຂວງ, ຂອງ​ເມືອງ​ອ້ອມ​ຂ້າງ, ແຂກ​ຖືກ​ເຊີນ ພ້ອມ​ດ້ວຍ​ຜູ້​ແທນ​ສົມບູນ ເຂົ້າ​ຮ່ວມ .
   ກອງ​ປະຊຸມ​ບັນດາ​ຜູ້​ແທນ​ສົມບູນ 105 ສະຫາຍ ຍິງ 22 ສະຫາຍ ຊຶ່ງ​ເປັນ​ຕົວ​ແທນ​ໃຫ້​ສະມາຊິກ​ພັກ​ທັງ​ໝົດ 1.729 ສະຫາຍ​ ໃນ​ທົ່ວ​ເມືອງ​ສາມັກ ຄີ​ໄຊ, ໄດ້​ເປັນ​ເອກະ​ພາບ​ກັນ​ເລືອກ​ຕັ້ງ​ເອົາ​ຄະນະ​ບໍລິຫານ​ງານ​ພັກ​ເມືອງ​ຊຸດ​ໃໝ່ ຈໍາ​ນວນ 25 ສະຫາຍ ຍິງ 6 ສະຫາຍ, ພ້ອມ​ທັງ​ໄດ້​ເລືອກ​ເອົາ​ສະຫາຍ ບຸນ​ທະ​ມະ​ລີ ໝັ້ນ​ອາ​ນົງ ເປັນ​ເລຂາ​ຄະນະ​ບໍລິຫານ​ງານ​ພັກ​ເມືອງ​ສາມັກຄີ​ໄຊ ແລະ​ ໄດ້​ເລືອກ​ເອົາ​ສະຫາຍ ຄໍາ​ໝັ້ນ ສີ ສະ​ໝຸດ ແລະ ສະຫາຍ ນາງ ພຸດ​ ມະ​ໄລ​ພອນ ແກ້ວ​ວົງສາ ເປັນ​ຮອງ​ເລຂາ​ຄະນະ​ບໍລິ ຫານ ​ງານ​ພັກ​ເມືອງ, ທັງ​ນີ້​ກໍເພື່ອ ຮັບໜ້າທີ່​ໃນ​ການ​ຊີ້​ນໍາ-ນໍາ ພາ ​ຮອບດ້ານ 5 ປີ​ຕໍ່ໜ້າ​ແຕ່ 2020-2024, ຊຶ່ງ​ແຕ່ນີ້​ຮອດ​ປີ 2024 ແມ່ນ​ຮັບປະກັນ​ໃຫ້​ເມືອງ​ສາມັກຄີ​ໄຊ ມີ​ສະຖຽນ​ລະ​ພາບ​ທາງ​ດ້ານ​ການເມືອງ ສັງຄົມ​ມີ​ຄວາມ​ເປັນ​ລະບຽບ​ຮຽບຮ້ອຍ ພາຍ​ໃຕ້​ການ​ນໍາພາຂອງ​ພັກ​ເດັດຂາດ​ໂດຍ​ກົງ​ຮອບດ້ານ, ພ້ອມ​ນີ້​ຜູ້​ແທນ​ກອງ​ປະ ຊຸມ​ຍັງ​ໄດ້​ຮັບຮອງ​ເອົາ​ວຽກ​ສໍາຄັນ​ຫຼາຍ​ຢ່າງ​ເປັນຕົ້ນ ໄດ້​ຮັບຮອງ​ເອົາ​ຄາດໝາຍສູ້​ ຊົນ​ເຮັດ​ໃຫ້​ຈັງຫວະ​ການ​ຂະ ຫຍາຍຕົວ​ທາງ​ດ້ານ​ເສດຖະກິດ​ບໍ່​ໃຫ້​ຫຼຸດ 7,94% ຕໍ່​ປີ ແລະ​ຮອດ​ປີ 2024 ຈະ​ເຮັດ​ໃຫ້​ເສດ ຖະກິດຂະຫຍາຍຕົວຢູ່​ໃນ ລະດັບ 7,98%, ສ້າງ​ມູນ​ຄ່າ ເພີ່ມ​ປະມານ 1.198 ຕື້ກວ່າ ກີບ, ສະເລ່ຍ​ລາຍ​ຮັບ​ໃສ່​ຫົວ ຄົນ ​ໃຫ້​ໄດ້​ປະມານ 27 ລ້ານ​ກີບ, ສູ້​ຊົນ​ແກ້​ໄຂ​ຄວາມທຸກ​ຍາກ​ໃຫ້​ຍັງ​ເຫຼືອ 5% ຂອງ​ຄອບຄົວ​ທຸກ​ຍາກ​ທັງ​ໝົດ​ໃນ​ທົ່ວ​ເມືອງ ແລະ​ ລຶບລ້າງ​ບ້ານ​ທຸກ​ຍາກ​ໃຫ້​ໄດ້ 100%, ລະດັບ​ການ​ເຂົ້າ​ເຖິງ​ວຽກ​ງານ​ການສຶກ ສາ, ສາທາລະນະ​ສຸກ​ຂອງ​ພົນ ລະເມືອງ​ໄດ້​ຮັບ​ການ​ພັດທະນາ​ດີ​ຂື້ນ, ບັນລຸ​ເປົ້າ​ໝາຍ​ສະຫັດ​ສະ​ວັດ​ດ້ານ​ການ​ພັດທະນາ, ວັດ​ທະ​ນະ​ທໍາ ແລະ ​ຮີດຄອງ​ປະເພນີ​ອັນ​ດີງາມ​ໄດ້​ຮັບ​ການ​ສືບ​ທອດ ແລະ​ເສີມ​ຂະ​ຫຍາ​ຍ. (ຂ່າວ: ວັດທະນາ ຫຼວງ​ອາ​ໄພ)