ໜັງສືພິມ ປະຊາຊົນ

ປທສ ມອບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 17/03/2020 08:57:50 ຈຳນວນຢ້ຽມຊົມ 2576 ຄັ້ງ

   ກະຊວງ ໄປສະນີ, ໂທລະຄົມມະນາຄົມ ແລະ ການສືື່ສານ (ປທສ) ໄດ້ຈັດກອງປະຊຸມເຜີຍ ແຜ່ຄຳແນະນຳກ່ຽວກັບການ ຈັດຕັ້ງປະຕິບັດຄຳສັ່ງກົມການ ເມືອງສູນກາງພັກກ່ຽວກັບວຽກງານຂະຫຍາຍພັກ, ພິທີມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2019 ແລະ ພິທີສະຫຼຸບຜົນສໍາ ເລັດປະຈໍາປີມອບໃບຍ້ອງຍໍ ການປະຕິບັດວຽກງານຂອງພະ ນັກງານ ກະຊວງ ປທສ ປະຈຳປີ 2019ຂຶ້ນເມື່ອບໍ່ດົນຜ່ານມາ ທີ່ກະຊວງດັ່ງກ່າວ ໂດຍການເປັນປະ ທານຂອງ ສະຫາຍ ທັນສະໄໝ ກົມມະສິດ ຄະນະປະຈໍາ ພັກເລ ຂາຄະນະພັກ ລັດຖະມົນຕີກະ ຊວງ ປທສ, ມີບັນດາຄະນະພັກ, ຄະນະນຳ ກະຊວງ, ຄະນະໜ່ວຍພັກບັນ ດາກົມ/ທຽບເທົ່າ, ຄະນະພັກຮາກຖານ, ຄະນະອຳນວຍການ ບໍລິສັດລັດວິສາຫະກິດທີ່ໃຫ້ບໍ ລິການດ້ານໂທຄົມມະນາຄົມ ພ້ອມດ້ວຍສະມາຊິກພັກອ້ອມຂ້າງກະຊວງເຂົ້າຮ່ວມ.
   ໃນພິທີໄດ້ຜ່ານບົດສະຫຼຸບ ການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຂອງກະ ຊວງ ປທສ ໃນໄລຍະຜ່ານມາ ຊຶ່ງຄະນະໜ່ວຍພັກໄດ້ມີຄວາມເອົາໃຈໃສ່ ໃນການຊີ້ນຳ-ນຳພາ ຕໍ່ວຽກງານທີ່ພັກ-ລັດ ໄດ້ມອບໝາຍໃຫ້ ໂດຍຖືເອົາວຽກງານສຶກສາອົບຮົມການເມືອງ-ແນວຄິດເປັນຕົ້ນຕໍ ເຮັດໃຫ້ສະມາຊິກ ພັກສ່ວນຫຼາຍຍັງຮັກສາຄຸນ ທາດການເມືອງໄດ້ຢ່າງໜັກແໜ້ນ, ມີອຸດົມການ ແລະ ມີນ້ໍາ ໃຈການປະຕິວັດສູງ ໂດຍປະ ຕິບັດຕາມແນວທາງຂອງພັກ, ກົດໝາຍຂອງລັດໄດ້ດີ, ມີການ ເຄື່ອນໄຫວຕາມແບບແຜນທີ່ ໄດ້ກຳນົດໄວ້ ແລະ ສືບຕໍ່ປັບປຸງໜ່ວຍພັກຂອງຕົນໃຫ້ມີຄວາມໜັກແໜ້ນ-ເຂັ້ມແຂງເທື່ອລະກ້າວ ພ້ອມກັນຕັ້ງໜ້າປະຕິບັດວຽກງານການເມືອງ-ແນວຄິດ ຕິດພັນກັບວຽກງານວິຊາສະ ເພາະທີ່ໄດ້ຮັບມອບໝາຍຢ່າງມີຜົນສຳເລັດ, ຄະນະໜ່ວຍພັກ ແລະ ສະມາຊິກພັກແຕ່ລະ ສະຫາຍກໍໄດ້ສຸມໃສ່ວຽກງານ ກໍ່ສ້າງໜ່ວຍພັກປອດໃສ, ເຂັ້ມ ແຂງ, ໜັກແໜ້ນ ຕາມ 5 ດ້ານ: ນຳພາດ້ານການເມືອງ, ດ້ານແນວຄິດ, ດ້ານການຈັດຕັ້ງ, ດ້ານແບບແຜນວິທີນຳພາ ແລະ ປະຕິບັດໜ້າທີ່ການເມືອງ, ສາ ມາດເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຈຳນວນ 18 ໜ່ວຍພັກ. ພ້ອມດຽວກັນນີ້, ຍັງໄດ້ມີພິທີມອບໃບຢັ້ງຢືນໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ປະຈຳປີ 2019 ແລະ ພິທີສະຫຼຸບຜົນສໍາເລັດປະຈໍາປີມອບໃບຍ້ອງຍໍການປະຕິບັດວຽກງານຂອງພະນັກງານກະ ຊວງ ປທສ ປະຈຳປີ 2019.
   ໃນຕອນທ້າຍ   ສະຫາຍ    ທັນສະໄໝ ກົມມະສິດ ໄດ້ໃຫ້ກຽດໂອ້ລົມ ແລະ ໃຫ້ທິດຊີ້ນຳ ຊຶ່ງກ່ອນອຶ່ນໝົດ ທ່ານໄດ້ສະແດງຄວາມຍ້ອງຍໍ, ຊົມເຊີຍຕໍ່ຄະນະໜ່ວຍພັກບັນດາກົມ/ທຽບເທົ່າ, ຄະນະພັກຮາກຖານ, ຄະນະອຳນວຍການບໍລິສັດລັດວິສາຫະກິດທີ່ໃຫ້ບໍລິການດ້ານໂທຄົມມະນາຄົມຕໍ່ກັບຜົນງານທີ່ຍາດມາໄດ້ ແລະ ໃຫ້ສືບຕໍ່ເສີມຂະຫຍາຍມູນເຊື້ອອັນດີງາມ, ຜົນງານດ້ານດີ, ເດັດດ່ຽວປັບ ປຸງແກ້ໄຂຈຸດອ່ອນຂໍ້ຄົງຄ້າງ ແລະ ສິ່ງທີ່ທ້າທາຍເປັນໄພອັນ ຕະລາຍຕໍ່ພັກເຮົາ ແນໃສ່ເຊີດຊູບົດບາດຄວາມສາມາດນຳພາຂອງໜ່ວຍພັກ ແລະ ຍົກສູງຄວາມເປັນແບບຢ່າງນຳໜ້າ ຂອງຖັນແຖວສະມາຊິກພັກ, ເພີ່ມທະວີເຄື່ອນໄຫວວຽກງານ ວິຊາສະເພາະ, ສາມາດປະຕິ ບັດໜ້າວຽກທີ່ການຈັດຕັ້ງມອບໝາຍໃຫ້ສຳເລັດຜົນ, ມີແນວຄິດການເມືອງໜັກແໜ້ນເຂັ້ມແຂງຕໍ່ການຈັດຕັ້ງ, ເອົາໃຈໃສ່ຝຶກຝົນຫຼໍ່ຫຼອມຕົນເອງຕາມ 5 ດ້ານ ເພື່ອຮັບປະກັນໃຫ້ພັກເຮົາມີຄວາມປອດໃສ, ເຂັ້ມແຂງ, ໜັກແໜ້ນ ຂຶ້ນເລື້ອຍໆ.
(ຂ່າວ: ກົມຈັດຕັ້ງ-ພະນັກ ງານ, ປທສ)

ຂ່າວທີ່ໄດ້ຮັບຄວາມນິຍົມ