ຫົວ​ຂໍ້ : ທູດອີຢູ ປະຈຳ ສປປ ລາວ ລົງເຄື່ອນໄຫວເຮັດວຽກ ຢູ່ແຂວງອັດຕະປື

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 19/03/2020 08:34:52 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1104 ຄັ້ງ

  ໃນ​ໂອກາດ​ການ​ລົງ​ເຄື່ອນ​ໄຫວ​ຢ້ຽມຢາມ ແລະ ເຮັດ​ວຽກ​ຢູ່​ແຂວງ​ອັດ​ຕະ​ປື, ທ່ານ  ລີ​ໂອ ພາ​ເບີ (Leo Faber) ທູດອີຢູ (ສະຫະພາບ​ເອີ​ຣົບ)  ປະ​ຈໍາ ສປປ ລາວ ພ້ອມ​ຄະນະ ໄດ້​ເຂົ້າ​ຢ້ຽມ​​ຂາໍ່ນັບ​ການ​ນໍາ​ແຂວງ​ອັດ​ຕະ​ປື ໂດຍ​ການ​ຕ້ອນຮັບ​ຂອງ ທ່ານ  ເລັດ  ໄຊ​ຍະ​ພອນ   ເລຂາ​ພັກ​ແຂວງ​  ເຈົ້າແຂວງໆອັດຕະ​ປື ພ້ອມ​ດ້ວຍ​ພາກສ່ວນ​ກ່ຽວຂ້ອງ​ຂອງ​ແຂວງ ເມື່ອບໍ່ດົນ​ຜ່ານ​ມາທີ່​ຫ້ອງ​ຮັບແຂກສໍາ​ນັກ​ງານ​ອົງການ​ປົກຄອງ​ແຂວງ, ໂອກາດ​ນີ້  ທ່ານ  ເລັດ  ໄຊ​ຍະ​ພອນ ໄດ້​ສະແດງ​ຄວາມ​ຍິນດີ​ຕ້ອນຮັບ ແລະ ຕີ​ລາຄາ​ສູງຕໍ່​ການ​ມາ​ຢ້ຽມຢາມ  ແລະ  ເຮັດ​ວຽກ​ຢູ່​ແຂວງ​ອັດ​ຕະ​ປື  ຊຶ່ງ​ເປັນ​ບາດກ້າວ​ສຳຄັນ ໃນ​ການ​ຮັດ​ແໜ້ນ ແລະ ເສີມ​ຂະຫຍາຍສາຍ ​ພົວພັນ ແລະ ການ​ຮ່ວມມືລະ ຫວ່າງ ສປປ ລາວ ກັບ​ ອີ​ຢູ ແລະ  ໄດ້​ລາຍ​ງານ​ສະພາບການ​ ພັດທະນາ​ເສດ​ຖະ​ກິດ​-​ສັງຄົມ​ຂອງ​ແຂວງ​ໂດຍ​ຫຍໍ້, ລາຍ​ງານ​ ການໄດ້​ຮັບ​ທຶນ​ຊ່ວຍເຫຼືອຈາກ ອີ​ຢູ ໃນ​ໄລຍະ​ຜ່ານ​ມາ  ພ້ອມປຶກ ສາ​ຫາລື​ຮ່ວມ​ມື​ກັນ​ໃນ​ການ​ພັດ ທະນາ​ດ້ານ​ເສດ​ຖະ​ກິດ​-​ສັງຄົມ​ຢູ່​ແຂວງ​ອັດ​ຕະ​ປື ໂດຍ​ສະເພາະ​ການ​ຜະລິດ​ສິນຄ້າ, ຜະລິດ​ຕະ​ພັນ​ໄມ້​ສໍາ​ເລັດ​ຮູບ ແລະ ຜະລິດ​ຕະ​ພັນ​ສິນຄ້າ​ອື່ນໆ​ຂອງ​ແຂວງ ເພື່ອ​ສົ່ງເສີມການ​ສົ່ງ​ອອກ​ໄປ​ອີ​ຢູ​ໃຫ້​ຫຼາຍ​ຂຶ້ນ ຊຶ່ງ​ຜ່ານ​ມາ​ສິນຄ້າ​ຂອງ​ແຂວງ​ອັດ​ຕະ​ປື​ທີ່​ໂດດ​ເດັ່ນ​ໄດ້​ສົ່ງ​ອອກ ​ໄປ​​ອີ​ຢູ​ກໍມີ​ແຕ່​ສິນຄ້າ​ປະ​ເພດ​ນໍ້າ​ຕານອໍ​ການິກ ຂອງ​ບໍລິສັດ TTC ນໍ້າ​ຕານອ້ອຍ  ແຂວງ​ອັດ​ຕະ​ປື. ນອກນັ້ນຍັງ​ ປຶກສາ​ຫາລື​ແຜນທີ່​ອີ​ຢູຈະໄດ້ ​ໃຫ້ການ​ຊ່ວຍເຫຼືອແຂວງໃນຕໍ່ ໜ້າ ​ເປັນຕົ້ນເສັ້ນທາງ, ຕາໜ່າງ​ດ້ານ​ສຶກສາ ແລະ ສາທາລະນະ​ສຸກ ໃນ​ເຂດ​ຊົນນະບົດ ເພື່ອໃຫ້​ ຊີວິດ​ການ​ເປັນ​ຢູ່​ຂອງ​ປະຊາ ຊົນ​ ໃນ​ເຂດ​ດັ່ງກ່າວ​ມີ​ການ​ປ່ຽນ ແປງ​ທີ່​ດີ​ຂຶ້ນ​ກວ່າ​ເກົ່າ.  
  ການເຄື່ອນໄຫວ​ຢ້ຽມຢາມ ແລະ ເຮັດ​ວຽກຢູ່ແຂວງອັດຕະ ປື​ ຄັ້ງ​ນີ້  ທ່ານ   ລີ​ໂອ  ພາ​ເບີ   ພ້ອມຄະ ນະຍັງໄດ້ລົງພາກສະໜາມ ​ເພື່ອ ເບິ່ງ​ໂຄງການ​ທີ່ອີຢູໃຫ້ການຊ່ວຍ ເຫຼືອ ໃນໄລຍະ​ຜ່ານມາອີກ​ດ້ວຍ.
 (​ຂ່າວ-ພາບ:   ຫ້ອງ​ວ່າ ການ​ແຂວງອັດ​ຕະ​ປື)
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110