ທ່ານ ກາ​ສ​ປາ ກຼອດ​ເຊນ​ ເບັດ​ເຈີ (Kaspar Grossenbacher) ຫົວໜ້າ​ອົງການ​ເຮວ​ວີ​ຕັດ​ປະຈຳ ສປປ​ລາວ ຄົນ​ໃໝ່ ພ້ອມ​ດ້ວຍ​ຄະນະ ໄດ້​ເຂົ້າ​ຢ້ຽມຢາມ​ທ່ານ ບຸນ​ຕົ້ນ ຈັນທະພອນ ເຈົ້າແຂວງໆ​ຊຽງ​ຂວາງ  ພ້ອມ​ດ້ວຍ​ຄະນະໃນ​ວັນ​ທີ 17 ມີນາ​ຜ່ານ​ມາທີ່​ຫ້ອງ​ວ່າການ​ແຂວງ ຊຶ່ງ​ທ່ານ​ເຈົ້າແຂວງ​ ກໍໄດ້​ກ່າວ​ສະແດງ​ຄວາມ​ຂອບໃຈ​ຕໍ່​ອົງການເຮວວີ​ຕັດ​ພ້ອມທັງ​ລາຍ​ງານ 
  ການ​ຊ່ວຍເຫຼືອ​ຂອງ​ອົງການ​ເຮວ​ວີ​ຕັດ​ຕໍ່​ແຂວງ​ຊຽງ​ຂວາງ ໃນ​ໄລຍະ​ຜ່ານ​ມາ ໄດ້​ເຮັດ​ໃຫ້​ປະຊາຊົນ​ຈຳນວນ​ບໍ່​ໜ້ອຍ ຫຼຸດ​ພົ້ນ​ຈາກ​ຄວາມທຸກ​ຍາກ ຖ້າ​ເປັນ​ໄປ​ໄດ້ ຂໍ​ໃຫ້​ອົງການ​ເຮວ​ວີ​ຕັດ​ຊ່ວຍ​ປະຊາຊົນ​ດ້ານ​ການ​ຫຸ້ມ​ຫໍ່​ຊາ​ພູ​ສັນ ເພື່ອ​ເຮັດ​ໃຫ້​ລາຍ​ຮັບ​ຂອງ​ປະຊາຊົນ​ເພີ່ມ​ຂຶ້ນ​ໃນ​ການ​ຂາຍ​ຊາ ໂອກາດ​ນີ້​ທ່ານ ກາ​ສ​ປາ ກຼອດ​ເຊ​ນ​ເບັດ​ ເຈີ ກໍໄດ້​ແນະນຳ​ໂຕ​ໃນ​ໂອກາດ​ຮັບ​ໜ້າທີ່​ຫົວໜ້າ​ອົງການ​ເຮວ​ວີ​ຕັດ​ປະຈຳ ສປປ​ ລາວ ທ່ານ ​ຍັງ​ໄດ້​ກ່າວ​ວ່າ: ຈະ​ຊຸກຍູ້ໃຫ້​ຄວາມ​ຮູ້​ແກ່​ປະຊາຊົນ​ດ້ານ​ວຽກ​ງານ​ກະສິກຳ, ສືບຕໍ່​ຈັດ​ຕັ້ງ​ປະຕິບັດ​ບັນດາ​ໂຄງການ​ຕ່າງໆ ແລະ ສຳຫຼວດເກັບ​ກຳ​ຂໍ້​ມູນ​ເພື່ອ​ຈັດ​ຕັ້ງ​ໂຄງການ​ອຶ່ນໆ​ອີກ ໃນ​ການ​ຊ່ວຍເຫຼືອ​ຂອງ​ອົງການ​ເຮວ​ວີ​ຕັດ ເພື່ອ​ເຮັດ​ໃຫ້​ປະຊາຊົນ​ຫຼຸດ​ພົ້ນ​ຈາກ​ຄວາມທຸກ​ຍາກ ພັດທະນາ​ສີຂຽວ​ຍືນ​ຍົງ.
(ຂ່າວ: ບຸນ​ມີ ແສງ​ທຸມ​ມີ)