ໂອກາດ​ເຂົ້າ​ຮ່ວມເປັນ ປະ ທານ​ພິທີ​ປະກາດການຈັດຕັ້ງ​ລະ​ຫວ່າງ​ຄະນະ​ຈັດ​ຕັ້ງ​ເມືອງ ແລະ ຄະນະ​ອົງການ​ກວດກາ​ພັກ​-​ລັດ ​ເມືອງ​ທ່າ​ແຕງ ແຂວງ​ເຊ​ກອງ ຫວ່າງ​ແລ້ວນີ້ ​ທີ່​ສະໂມ ສອນ​ຂອງ​ເມືອງ.  ທ່ານ  ສົມ​ເພັດ ເອີ​ດ​ລັດດາ  ເລຂາ​ພັກເມືອງ ທ່າ​ ແຕງ​ໄດ້ຮຽກຮ້ອງ​ໃຫ້​ພະນັກ​ງານ​ນໍາພາ​-​ພະນັກງານ​ຄຸ້ມ ຄອງສືບຕໍ່​ປະຕິບັດ​ໜ້າທີ່​ການ ເມືອງຂອງ​ຕົນ​ໃຫ້​ເຂັ້ມງວດ  ແລະ ມີ​ຄຸນ​ນະ​ພາບ​ສູງ​ຂຶ້ນ​ກວ່າ ​ເກົ່າ.
   ທ່ານ ສົມ​ເພັດ ເອີ​ດ​ລັດດາ ກ່າວ​ວ່າ:  ການ​ປັບປຸງ, ບັນຈຸສັບ ​ຊ້ອນ​ພະນັກງານ​ແມ່ນ​ກົດເກນ, ພາວະ​ວິ​ໄສ ແລະ ຄວາມຮຽກ ຮ້ອງ​ຕ້ອງການຂອງ​ໜ້າທີ່​ການ ເມືອງໃນ​ໄລຍະ​ໃໝ່ ໂດຍສະ ເພາະ​ພະນັກ​ງານນໍາ​ພາ-ພະ ນັກງານ​ຄຸ້ມ​ຄອງ​  ຊຶ່ງ​ມີຄວາມ​ ຈຳເປັນ​ຕ້ອງ​ໄດ້​ສືບຕໍ່​ປະຕິບັດ​ໜ້າທີ່​ການເມືອງ​ຂອງ​ຕົນ​ໃຫ້​ສອດຄ່ອງ​ບົນພື້ນຖານ​ກົດລະ ບຽບ​ຂອງ​ພັກ  ​ໂດຍ​ມີ​ຄວາມ​ເປັນ​ເອກະ​ພາບ​ຕໍ່​ທັດສະນະ​ຄຸນສົມບັດ​ສິນ​ທຳ​ປະຕິວັດ ໃນ ​ຂະນະ​ດຽວ​ກັນກໍຕ້ອງເອົາໃຈ ໃສ່​ຕ້ານ ແລະ ສະກັດ​ກັ້ນບັນຫາ​ປະກົດ​ການ​ຫຍໍ້​ທໍ້​ໃນ​ຖັນແຖວ​ພະນັກງານ, ສະມາຊິກ​ພັກ​ຢ່າງ​ເຂັ້ມ​ງວດ​ເຊັ່ນ: ການ​ປະຕິບັດ​ກົດໝາຍ​ລັດຖະກອນ, ກົດ​ລະ ບຽບ​ຂອງ​ພັກ ...ເຫຼົ່ານີ້ ເປັນ​ຕົ້ນ.
   ເລຂາ​ພັກ​ເມືອງ​ທ່າ​ແຕງ​ກ່າວ​ຢໍ້າ​ວ່າ:  ໃນ​ຂະນະ​ທີ່​ມີ​ການ​ໂຍກ​ຍ້າຍ ແລະ ແຕ່ງຕັ້ງ​ພະນັກ​ງານ​ນໍາ​ພາ ແລະ ພະນັກງານ​ຄຸ້ມ​ຄອງ​ໄປ​ຮັບ​ໜ້າທີ່​ໃໝ່​ນັ້ນ​ຕ້ອງ​ໄດ້​ເອົາໃຈໃສ່​ຢ່າງ​ຈິງຈັງ ແລະ ໜັກ​ແໜ້ນ​ຕໍ່​ພາລະບົດ ບາດ,  ໜ້າທີ່​ການເມືອງ ​ໂດຍສະ ເພາະການ​ກໍ່ສ້າງ​ພັກ​-​ພະນັກ ງານ​ຕ້ອງ​ຕິດ​ພັນ​ກັບ​ຄຸນ​ນະ​ພາບ​ຢ່າງ​ແທ້​ຈິງ, ນອກຈາກ​ນີ້​ກໍ​ຕ້ອງ​ສ້າງ​ໃຫ້​ໄດ້​ພະນັກງານ​ສືບ​ທອດ​ປ່ຽນ​ແທນ ​ໂດຍ​ຫັນ​ພະນັກງານ​ລົງ​ກໍ່ສ້າງ​ຮາກ​ຖານ​ການເມືອງ​ຕາມ​ເປົ້າ​ໝາຍ​ພ້ອມ​ເຮັດ​ສຳເລັດ​ໜ້າທີ່​ຕາມ​ການ​ມອບ​ໝາຍ​ໃຫ້​ໄດ້​ຮັບ​ໝາກ​ຮັບ​ຜົນ​ສູງ​ຂຶ້ນ​ຢ່າງ​ບໍ່​ຢຸດ​ຢັ້ງ.
(ຂ່າວ-ພາບ:  ສະຫຍາມ ຈັນທະ​ສອນ)