ຫົວ​ຂໍ້ : ສານອວຍພອນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 25/03/2020 08:28:38 ຈຳ​ນວນ​ຜູ້​ເຂົ້າ​ຢ້ຽມ​ຊົມ 657 ຄັ້ງ

  ພະນະ​ທ່ານ ທອງ​ລຸນ ສີ​ສຸ​ລິດ ໄດ້​ສົ່ງ​ສານ​ອວຍພອນ​ເຖິງ ພະນະ​ທ່ານ ຄິ​ສ​ຕຽນ ນິ​ສ​ເຊ ນາຍົກລັດຖະມົນຕີ ແຫ່ງ ສາທາລະນະ​ລັດ ມາດາ​ກັສ​ກາ  ຊຶ່ງ​ມີ​ເນື້ອ​ໃນ​ວ່າ: ຂ້າພະເຈົ້າມີ​ຄວາມ​ປິ​ຕິ​ຍິນດີ​ເປັນ​ຢ່າງ​ຍິ່ງ ສົ່ງ​ຄຳ​ຊົມເຊີຍ​ອັນ​ອົບ​ອຸ່ນ ແລະ ຈິງ​ໃຈ ມາ​ຍັງ​ພະນະ​ທ່ານ ໃນ​ໂອກາດ​ທີ່​ໄດ້​ຖືກ​ແຕ່ງຕັ້ງ​ດຳລົງຕຳແໜ່ງນາຍົກລັດຖະມົນຕີ ແຫ່ງ ສາທາລະນະ​ລັດ ມາດາ​ກັສ​ກາ. ຂ້າພະເຈົ້າ ເຊື່ອ​ໝັ້ນ​ວ່າ ພາຍ​ໃຕ້​ການ​ນຳພາ​ຂອງພະນະ​ທ່ານ ປະເທດ ມາດາ​ກັສ​ກາ ຈະ​ສືບຕໍ່​ໄດ້​ຮັບ​ການ​ພັດທະນາ ແລະ ວັດທະນາ​ຖາວອນ​ໃນ​ຊຸມ​ປີ​ຕໍ່ໜ້າ ແລະ ຂ້າພະເຈົ້າ ຫວັງ​ວ່າຈະໄດ້​ ເຮັດ​ວຽກ​ຮ່ວມ​ກັບ​ພະນະ​ທ່ານ  ເພື່ອ​ເສີມ​ຂະຫຍາຍສາຍພົວພັນ​ມິດຕະພາບ ແລະ ການ​ຮ່ວມ​ມືລະຫວ່າງ​ສອງ​ປະເທດ ເພື່ອ​ຜົນ​ປະໂຫຍດ​ຮ່ວມ​ກັນ​ຂອງ​ປະຊາຊົນ​ສອງ​ຊາດ​ພວກ​ເຮົາ.  ຂ້າພະເຈົ້າຂໍ​ຖື​ໂອກາດ​ອັນ​ສະຫງ່າ​ລາສີ​ນີ້ ອວຍພອນໄຊ​ອັນ​ປະເສີດມາ​ຍັງ​ພະນະ​ທ່ານ  ຈົ່ງ​ມີ​ພະ​ລາ​ນາ​ໄມ​ສົມບູນ,  ມີ​ຄວາມສຸກ ແລະ ປະສົບ​ຜົນສຳເລັດໃນ​ໜ້າທີ່​ອັນ​ມີ​ກຽດ​ສູງ​ສົ່ງຂອງພະນະ​ທ່ານ  ໃນ​ໂອກາດ​ດຽວ​ກັນ, ພະນະ​ທ່ານ ສະເຫຼີມໄຊ ກົມ​ມະສິດ  ລັດຖະມົນຕີ​ກະຊວງ​ການ​ຕ່າງປະເທດ​ເຮົາ​ກໍ​ໄດ້​ສົ່ງ​ສານ​ອວຍພອນ​ເຖິງ​ຄູ່​ຮ່ວມ​ຕຳແໜ່ງ​ ແຫ່ງ ສາທາລະນະ​ລັດ ມາດາ​ກັສ​ກາ ເຊັ່ນ​ດຽວ​ກັນ.                                                        

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110