ຫົວ​ຂໍ້ : ສານຊົມເຊີຍຜົນສຳເລັດການພັດທະນາຢາວັກຊິນຕ້ານພະຍາດໂຄວິດ-19 ຂອງຣັດເຊຍ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 18/08/2020 09:11:39 ຈຳ​ນວນ​ຜູ້​ເຂົ້າ​ຢ້ຽມ​ຊົມ 2684 ຄັ້ງ

   ໃນ​ວັນ​ທີ 14 ສິງ​ຫາ 2020, ທ່ານ ບຸນ​ຍັງ ວໍ​ລະ​ຈິດ ປະ​ທານ​ປະ​ເທດ ແຫ່ງ ສ​ປ​ປ ລາວ ໄດ້​ສົ່ງ​ສານ​ຊົມ​ເຊີຍ​ເຖິງ ທ່ານ ວາ​ລາ​ດີ​ເມຍ ປູ​ຕິນ ປະ​ທາ​ນາ​ທິ​ບໍ​ດີ ແຫ່ງ ສະ​ຫະ​ພັນ ຣັດ​ເຊຍ ເພື່ອ​ສະ​ແດງ​ຄວາມ​ຍິນ​ດີ ແລະ ພາກ​ພູມ​ໃຈ​ທີ່ ສ.ຣັດ​ເຊຍ ປະ​ສົບ​ຜົນ​ສຳ​ເລັດ​ໃນ​ການ​ຄົ້ນ​ຄວ້າ-ພັດ​ທະ​ນາ​ຢາ​ວັກ​ຊິນ​ຕ້ານ​ພະ​ຍາດ ໂຄວິດ-19 ແລະ ໄດ້​ລົງ​ທະ​ບຽນ​ເປັນ​ປະ​ເທດ​ທຳ​ອິດ​ຂອງ​ໂລກ.
  ທ່ານ​ປະ​ທານ​ປະ​ເທດ ໄດ້​ຕີ​ລາ​ຄາ​ສູງ​ຕໍ່​ຜົນ​ສຳ​ເລັດ​ດັ່ງ​ກ່າວ ຊຶ່ງ​ໄດ້​ສະ​ແດງ​ໃຫ້​ເຫັນ​ເຖິງ​ຄວາມ​ກ້າວ​ໜ້າ ແລະ ຄວາມ​ທັນ​ສະ​ໄໝ​ທາງ​ດ້ານ​ເຕັກ​ໂນ​ໂລ​ຊີ ແ​ລະ ວິ​ທະ​ຍາ​ສາດ​ການ​ແພດ​ຂອງ​ຣັດ​ເຊຍ. ພ້ອມ​ກັນ​ນັ້ນ ທ່ານ​ປະ​ທານ​ປະ​ເທດ ຍັງ​ສະ​ແດງ​ຄວາມ​ຊົມ​ເຊີຍ​ໄປ​ຍັງ​ບັນ​ດາ​ແພດ​ໝໍ, ຊ່ຽວ​ຊານ​ການ​ແພດ, ນັກ​ຄົ້ນ​ຄວ້າ​ວິ​ໄຈ​ດ້ານ​ລະ​ບາດ​ວິ​ທະ​ຍາ ທີ່​ໄດ້​ສຸມ​ທຸກ​ເຫື່ອ​ແຮງ ແລະ ສະ​ຕິ​ປັນ​ຍາ ເຂົ້າ​ໃນ​ວຽກ​ງານ​ການ​ຄົ້ນ​ຄວ້າ​ຢາ​ວັກ​ຊິນ​ດັ່ງ​ກ່າວ ລວມ​ທັງ​ຄວາມ​ເອົາ​ໃຈ​ໃສ່​ຂອງ​ລັດ​ຖະ​ບານ ໂດຍ​ພາຍ​ໃຕ້​ການ​ຊີ້​ນຳ-ນຳ​ພາ​ຂອງ​ທ່ານ ວາ​ລາ​ດີ​ເມຍ ປູ​ຕິນ ປະ​ທາ​ນາ​ທິ​ບໍ​ດີ ແຫ່ງ ສະ​ຫະ​ພັນ ຣັດ​ເຊຍ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ

ສະ​ແດງ​ຄວາມ​ຄິດ​ເຫັນ

ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ