ຫົວ​ຂໍ້ : ສານຊົມເຊີຍ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 06/10/2020 08:58:21 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1081 ຄັ້ງ

ພະນະ​ທ່ານ ບຸນ​ຍັງ ວໍລະ​ຈິດ ປະທານ​ປະເທດ​ເຮົາ ໄດ້​ສົ່ງ​ສານ​ສະແດງ​ຄວາມ​ຊົມເຊີຍ​ເຖິງ ສົມເດັດ ເຊ​ກ  ນາວາ ອາ​ລ-​ອາ​ມັດ ອາ​ລ-​ຈາ​ເບີ ອາ​ລ-​ຊາ​ບາສ ກະສັດ​ອົງ​ທີ XVI ແຫ່ງ ລັດ​ກູ​ເວດ ທີ່ ກູ​ເວດ ຊຶ່ງ​ມີ​ເນື້ອ​ໃນ​ວ່າ: ສົມເດັດ, ໃນ​ນາມ​ປະຊາຊົນ​ລາວ​ທຸກ​ຖ້ວນ​ໜ້າ ແລະ ໃນ​ນາມ​ສ່ວນ​ຕົວ, ຂ້າພະເຈົ້າ​ຂໍ​ສະແດງ​ຄວາມ​ປິ​ຕິ​ຍິນດີ​ສົ່ງ​ຄຳ​ຊົມເຊີຍ​ອັນ​ອົບ​ອຸ່ນ ມາ​ຍັງ​ສົມເດັດ ທີ່​ຂຶ້ນ​ຄອງ​ລາດ​ເປັນ ກະສັດ​ອົງ​ທີ XVI ແຫ່ງ ລັດ​ກູ​ເວດ.
ຂ້າພະເຈົ້າ ມີ​ຄວາມ​ຮູ້ສຶກ​ຍິນດີ​ເປັນ​ຢ່າງ​ຍິ່ງ ຕໍ່​ການ​ຮ່ວມ​ມື​ທີ່​ມີ​ໝາກຜົນ ລະຫວ່າງ ສາທາລະນະ​ລັດ ປະຊາທິປະໄຕ ປະຊາຊົນ​ລາວ ແລະ ລັດ​ກູ​ເວດ ຕະຫຼອດ​ໄລຍະ​ຜ່ານ​ມາ ແລະ ເຊື່ອ​ໝັ້ນ​ວ່າ ສາຍ​ພົວພັນ ແລະ ການ​ຮ່ວມ​ມື​ອັນ​ດີງາມ​ດັ່ງກ່າວ ລະຫວ່າງ ສອງ​ປະເທດ​ພວກ​ເຮົາ ຈະ​ສືບຕໍ່​ໄດ້​ຮັບ​ການ​ຮັດ​ແໜ້ນ ແລະ ພັດທະນາ​ຍິ່ງໆ​ຂຶ້ນ ໃນ​ຊຸມ​ປີ​ຕໍ່ໜ້າ ເພື່ອ​ຜົນ​ປະໂຫຍດ​ຮ່ວມ​ກັນ ຂອງ​ປະຊາຊົນ​ສອງ​ຊາດ​ພວກ​ເຮົາ.
ຂ້າພະເຈົ້າ ຂໍ​ຖື​ໂອກາດ​ນີ້​ອວຍພອນ​ໄຊ​ອັນ​ປະເສີດ ມາ​ຍັງ​ສົມເດັດ ຈົ່ງ​ມີ​ພະ​ລາ​ນາ​ໄມ​ສົມບູນ, ມີ​ຄວາມ​ກະເສມ​ສຳລານ ແລະ ຂໍ​ໃຫ້​ປະຊາຊົນ​ກູ​ເວດ ພາຍ​ໃຕ້​ພະ​ບໍ​ຣົມ​ໂພທິສົມພານ ຂອງ   ພະ​ອົງ ຈົ່ງ​ສືບຕໍ່​ມີ​ຄວາມ​ກ້າວໜ້າ ແລະ ຈະເລີນ​ຮຸ່ງ​ເຮືອງ. 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110