ຫົວ​ຂໍ້ : ສານອວຍພອນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 13/10/2020 09:23:37 ຈຳ​ນວນ​ຜູ້​ເຂົ້າ​ຢ້ຽມ​ຊົມ 2567 ຄັ້ງ

ວັນ​ທີ 12 ຕຸລາ, ພະນະ​ທ່ານ ບຸນ​ຍັງ ວໍລະ​ຈິດ ປະທານ​ປະເທດ ແຫ່ງ ສາທາລະນະ​ລັດ ປະຊາທິປະໄຕ ປະຊາຊົນ​ລາວ ໄດ້​ສົ່ງ​ສານ​ອວຍພອນ​ເຖິງ ສົມເດັດ​ພະ​ຣາ​ຊາ ເຟ​ລິບ​ເປ ທີ 6 ແຫ່ງ​ ລາ​ຊະ​ອານາຈັກ ແອັ​ສປາຍ ທີ່ ມາດ​ຣິດ ຊຶ່ງ​ມີ​ເນື້ອ​ໃນ​ວ່າ: ສົມເດັດ​ພະ​ຣາ​ຊາ ທີ່​ນັບຖື, ເນື່ອງ​ໃນ​ໂອກາດວັນຊາດ​ແຫ່ງ​ ລາ​ຊະ​ອານາຈັກ​ ແອັ​ສ​ປາຍ, ໃນ​ນາມ​ປະຊາຊົນ​ລາວ ແລະ ໃນ​ນາມ​ສ່ວນ​ຕົວ, ຂ້າພະເຈົ້າ​ຂໍ​ສົ່ງ​ຄວາມ​ຊົມເຊີຍ​ອັນ​ອົບ​ອຸ່ນ ແລະ ພອນ​ໄຊ​ອັນ​ປະເສີດ​ມາ​ຍັງສົມເດັດ​ພະ​ຣາ​ຊາ ແລະ ຜ່ານ​ສົມເດັດ​ພະ​ຣາ​ຊາ​ໄປ​ຍັງ​ປະຊາຊົນ​ແອັສປາຍ​ທຸກ​ຖ້ວນ​ໜ້າ ຈົ່ງ​ມີ​ສຸຂະພາບ​ເຂັ້ມແຂງ, ພະ​ລາ​ນາ​ໄມ​ສົມບູນ ແລະ ປະຊາຊົນ​ແອັສ​ປາຍ​ມີ​ຄວາມ​ຜາ​ສຸກ ແລະ ຈະເລີນ​ຮຸ່ງເຮືອງ​ຍິ່ງ​ຍືນ​ນານ.

ຂ້າພະເຈົ້າ​ເຊື່ອ​ໝັ້ນ​ວ່າ ສາຍ​ພົວພັນ​ມິດຕະພາບ ແລະ ການ​ຮ່ວມ​ມື​ອັນ​ດີ​ລະຫວ່າງ​ສອງ​ປະເທດ​ພວກ​ເຮົາ​ຈະ​ໄດ້​ຮັບ​ການ​ເສີມ​ຂະຫຍາຍ​ໃຫ້​ເຂັ້ມແຂງ​ຍິ່ງ​ຂຶ້ນ​ໃນ​ຊຸມ​ປີ​ຕໍ່ໜ້າ ເພື່ອ​ຜົນ​ປະໂຫຍດ​ຂອງ​ປະຊາຊົນ ທັງ​ສອງ​ຊາດ​ພວກ​ເຮົາ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ

ສະ​ແດງ​ຄວາມ​ຄິດ​ເຫັນ

ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ