ໜັງສືພິມ ປະຊາຊົນ

ຫົວຂໍ້ : ສານສະແດງຄວາມເສົ້າສະຫຼົດໃຈ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 29/10/2020 09:38:53 ຈຳນວນຜູ້ເຂົ້າຢ້ຽມຊົມ 3347 ຄັ້ງ

ພະນະທ່ານ ທອງລຸນ ສີສຸລິດ ນາຍົກລັດຖະມົນຕີເຮົາໄດ້ສົ່ງສານສະແດງຄວາມເສົ້າສະຫຼົດໃຈເຖິງສົມເດັດ ຊຸນຕານ ຮາຈິ ຮັດຊານານ ໂບນເກຍ ແຫ່ງ ບຣູໄນ ດາຣູຊາລາມ ທີ່ ບັນດາ ເສຣິເບກາວັນ ຊຶ່ງມີເນື້ອໃນວ່າ:
ຂ້າພະເຈົ້າຂໍສະແດງຄວາມເສົ້າສະຫຼົດໃຈຢ່າງຊຸດຊຶ້ງ ທີ່ໄດ້ຮັບຂ່າວການຈາກໄປຂອງ ເຈົ້າຊາຍ ຮາຈິ ອັບດູນ ອາຊິມ ແຫ່ງ ບຣູໄນ ດາຣູຊາລາມ ໃນວັນທີ 24 ຕຸລາຜ່ານມາ.
ຕາງໜ້າປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍຄື ໃນນາມສ່ວນຕົວ ພ້ອມຄອບຄົວ, ຂ້າພະເຈົ້າ ຂໍສົ່ງຄວາມໄວ້ອາໄລຢ່າງສຸດຊຶ້ງ ແລະ ແບ່ງປັນຄວາມໂສກເສົ້າມາຍັງ ສົມເດັດ ຊຸນຕານ ແຫ່ງບຣູໄນ ດາຣູຊາລາມ ແລະ ປະຊາຊົນບຣູໄນ ມານະໂອກາດນີ້ດ້ວຍ.
ຂໍໃຫ້ດວງວິນຍານຂອງ ເຈົ້າຊາຍ ຮາຈິ ອັບດູນ ອາຊິມ ຈົ່ງໄປສູ່ສຸຂະຕິ.
ໃນໂອກາດດຽວກັນ ພະນະ ທ່ານ ສະເຫຼີມໄຊ ກົມມະສິດ ລັດຖະມົນຕີຕ່າງປະເທດເຮົາກໍໄດ້ສົ່ງສານສະແດງຄວາມເສົ້າສະຫຼົດໃຈເຊັ່ນດຽວກັນ.