ຫົວ​ຂໍ້ : ສານສະແດງຄວາມເສົ້າສະຫຼົດໃຈ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 16/12/2020 09:13:33 ຈຳ​ນວນ​ຜູ້​ເຂົ້າ​ຢ້ຽມ​ຊົມ 6978 ຄັ້ງ

ທ່ານ ບຸນ​ຍັງ ວໍລະ​ຈິດ ປະທານ​ປະເທດ ແຫ່ງ ສປປ ລາວ ໄດ້​ສົ່ງ​ສານ​ສະແດງ​ຄວາມ​ເສົ້າ​ສະຫຼົດ​ໃຈ​ເຖິງ ທ່ານ ນານາ ແອດ​ໂດ້ ດັ້ງ​ວາ ອາ​ຄຸ​ໂຟ​-​ແອ​ໂດ້ ປະທານາທິບໍດີ ແຫ່ງ ສາທາລະນະ​ລັດ ກາ​ນາ, ເມື່ອ​ບໍ່​ດົນ​ມາ​ນີ້, ເນື້ອ​ໃນ​ສານ​ລະບຸ​ວ່າ: 
ຂ້າພະເຈົ້າ ຂໍ​ສະແດງ​ຄວາມ​ເສົ້າ​ສະຫຼົດ​ໃຈ​ຢ່າງ​ສຸດ​ຊຶ້ງ ທີ່​ໄດ້​ຮັບ​ຂ່າວ​ການ​ຈາກ​ໄປ​ຂອງ ທ່ານ ເຈີ​ຣີ່ ຈອນ ຣໍ​ລິງ ອະດີດ​ປະທານາທິບໍດີ ແຫ່ງ ສາທາລະນະ​ລັດ ກາ​ນາ, ໃນ​ວັນ​ທີ 12 ພະຈິກ 2020.
ໃນ​ນາມ​ລັດຖະບານ ແລະ ປະຊາຊົນ ແຫ່ງ ສາທາລະນະ​ລັດ ປະຊາທິປະໄຕ ປະຊາຊົນ​ລາວ ກໍ​ຄື​ໃນ​ນາມ​ສ່ວນ​ຕົວ, ຂ້າພະເຈົ້າ ຂໍ​ສົ່ງ​ຄວາມ​ໄວ້​ອາໄລ​ຢ່າງ​ສຸດ​ຊຶ້ງ ແລະ ແບ່ງປັນ​ຄວາມ​ໂສກເສົ້າ​ມາ​ຍັງ ຄອບຄົວ​ຂອງ​ທ່ານ ເຈີ​ຣີ່ ຈອນ ຣໍ​ລິງ, ລັດຖະບານ ແລະ ປະຊາຊົນ​ກາ​ນາ ມານະ​ໂອກາດ​ນີ້​ດ້ວຍ.
ຂໍ​ໃຫ້​ດວງ​ວິນ​ຍານ​ຂອງ ທ່ານ ເຈີ​ຣີ່ ຈອນ ຣໍ​ລິງ ຈົ່ງ​ໄປ​ສູ່​ສຸ​ຂະ​ຕິ​ເທີ້ນ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ

ສະ​ແດງ​ຄວາມ​ຄິດ​ເຫັນ

ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ