ໜັງສືພິມ ປະຊາຊົນ

ຫົວຂໍ້ : ຄະນະບໍລິຫານງານສູນກາງພັກແຮງງານເກົາຫຼີ ອວຍພອນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ປປ ລາວ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 14/01/2021 18:29:56 ຈຳນວນຜູ້ເຂົ້າຢ້ຽມຊົມ 1671 ຄັ້ງ

ຄະນະບໍລິຫານງານສູນກາງພັກແຮງງານເກົາຫຼີ ໄດ້ສົ່ງສານອວຍພອນ ເຖິງ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນ ປະຕິວັດລາວ ທີ່ນະຄອນຫຼວງວຽງຈັນ ຊຶ່ງມີເນື້ອໃນດັ່ງນີ້:
ຄະນະບໍລິຫານງານສູນກາງພັກແຮງງານເກົາຫຼີ ຂໍຊົມເຊີຍກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນ ປະຕິວັດລາວ ຢ່າງສຸດອົກສຸດ ໃຈ ແລະ ໂດຍຜ່ານກອງປະຊຸມໃຫຍ່ ຂໍສົ່ງຄຳຊົມເຊີຍ ອັນອົບອຸ່ນຖານສະຫາຍ ໄປຍັງສະມາຊິກພັກ ປປ ລາວ ທຸກຖ້ວນໜ້າ.
ຕະຫຼອດໄລຍະ 5 ປີ ຜ່ານມາ, ພັກປະຊາຊົນ ປະຕິ ວັດລາວ ໄດ້ຈັດຕັ້ງນຳພາສະມາຊິກພັກ ແລະ ປະຊາ ຊົນໃນທົ່ວປະເທດ ຢ່າງສະຫຼາດສ່ອງໃສ ໃນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ ແລະ ບັນລຸຜົນສຳເລັດອັນໃຫຍ່ຫຼວງໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ.
ພວກຂ້າພະເຈົ້າເຊື່ອໝັ້ນຢ່າງໜັກແໜ້ນວ່າ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນ ປະຕິວັດລາວ ຈະເປັນໂອກາດແຫ່ງການສ້າງເຫດການສຳຄັນອັນໃໝ່ ໃນການຕໍ່ສູ້ຂອງພັກ ເພື່ອບັນລຸຄວາມຈະເລີນວັດທະນາຖາວອນຂອງປະເທດຊາດ ແລະ ຍົກສູງບົດບາດການນຳພາຂອງພັກ ຍິ່ງໆຂຶ້ນ.
ໃນໂອກາດນີ້, ພວກຂ້າພະເຈົ້າ ຂໍສະແດງຄວາມເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມື ອັນເປັນມູນເຊື້ອ ລະຫວ່າງ ສອງພັກ, ສອງປະເທດພວກເຮົາ ຈະໄດ້ຮັບການພັດທະນາສູ່ລະດັບສູງ. ພາຍໃຕ້ການເອົາໃຈໃສ່ອັນເລິກເຊິ່ງຂອງ ບັນດາຜູ້ນຳສູງສຸດຂອງສອງປະເທດ ການຕໍ່ສູ້ຮ່ວມກັນ ເພື່ອຜົນສຳເລັດຂອງພາລະກິດສັງຄົມນິຍົມ ຈະສືບຕໍ່ໄດ້ຮັບການເສີມຂະຫຍາຍຍິ່ງໆຂຶ້ນ. ຂໍອວຍພອນໄຊອັນປະເສີດໃຫ້ ກອງ ປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ປະຊາຊົນ ປະຕິວັດລາວ ຈົ່ງປະສົບຜົນສຳເລັດອັນໃຫຍ່ຫຼວງ.