Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.


ຫົວ​ຂໍ້ : ທົ່ວປະເທດມີສູນຈໍາກັດບໍລິເວນທີ່ຍັງເປີດນຳໃຊ້ຢູ່ທັງໝົດ 32 ສູນ, ມີຜູ້ຖືກຈຳກັດບໍລິເວນຢູ່ສູນ 2.460 ຄົນ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 04/02/2021 16:26:46 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1869 ຄັ້ງ

     ທ່ານ  ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະ ນະສຸກ ຕາງໜ້າໃຫ້ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ໄດ້​ລາຍງານສະພາບການລະບາດຂອງພະຍາດ COVID-19 ຢູ່ ສປປ ລາວ ແລະ ໃນໂລກ ໃນ​ວັນ​ທີ 4 ກຸມ​ພາວ່າ: ນັບແຕ່ມີການລະບາດຂອງພະຍາດ COVID-19 ມາຮອດປັດຈຸບັນ ສປປ ລາວ  ມີຜູ້ຕິດເຊື້ອພະຍາດ COVID-19  ທັງໝົດ 45 ຄົນ; ບໍ່ມີຜູ້ເສຍຊີວິດ; ໄດ້ຮັບການປິ່ນປົວຫາຍດີ  41ຄົນ; ຍັງນອນຕິດຕາມປິ່ນປົວຢູ່ໂຮງໝໍຈຳນວນ 4 ຄົນ. ລາຍລະອຽດການຕິດເຊື້ອໃນບັນດາປະເທດທີ່ມີຊາຍແດນຕິດກັບ ສປປ ລາວ, ໄທຕິດເຊື້ອສະສົມ 21.249 ຄົນ (ໃໝ່ 795 ຄົນ) ເສຍຊີວິດ: 79 ຄົນ (ໃໝ່ 0 ຄົນ), ຫວຽດນາມ ຕິດເຊື້ອສະສົມ 1.911 ຄົນ (ໃໝ່ 29 ຄົນ) ເສຍຊີວິດ 35 ຄົນ (ໃໝ່ 0 ຄົນ), ຈີນ ຕິດເຊື້ອສະສົມ 89.619 ຄົນ (ໃໝ່ 25 ຄົນ) ເສຍຊີວິດ 4.636 ຄົນ (ໃໝ່ 0 ຄົນ), ມຽນ​ມາ ຕິດເຊື້ອສະສົມ 140.927 ຄົນ (ໃໝ່ 263 ໃໝ່) ເສຍຊີວິດ 3.160 ຄົນ (ໃໝ່ 22 ຄົນ), ກຳປູເຈຍ ຕິດເຊື້ອສະສົມ 466 ຄົນ (ໃໝ່ 0 ຄົນ) ເສຍຊີວິດ 0 ຄົນ; ບັນດາກຸ່ມປະເທດອາຊຽນ ມາຮອດວັນທີ 4 ກຸມພາ 2021 ມີການຢັ້ງຢືນຜູ້ຕິດເຊື້ອພະຍາດ COVID-19 ແມ່ນ 2.093.081 ຄົນ ແລະ ເສຍຊີວິດ 45.827 ຄົນ. ສຳລັບສະພາບໃນທົ່ວໂລກ ມີການລາຍງານຜູ້ຕິດເຊື້ອພະຍາດ COVID-19 ທັງໝົດ 104.855.842 ຄົນ; ເສຍຊິວິດ 2.275.731 ຄົນ; ປິ່ນປົວຫາຍດີ 76.720.782 ຄົນ; ປະເທດທີ່ມີການລາຍງານຜູ້ຕິດເຊື້ອ ແລະ ເສຍຊີວິດສູງເປັນອັນດັບໜຶ່ງແມ່ນ ສະຫະລັດອາເມຣິກາ ຊຶ່ງມີຜູ້ຕິດເຊື້ອສະສົມ 27.137.134 ຄົນ ແລະ ເສຍຊີວິດສະສົມ 461.359 ຄົນ; ອັນດັບ ສອງ ແມ່ນປະເທດ ອິນເດຍ, ຊຶ່ງມີຜູ້ຕິດເຊື້ອສະສົມ 10.790.909 ຄົນ (ໃໝ່ 12.703 ຄົນ).  ວຽກງານການເຝົ້າລະວັງ COVID-19 ຢູ່ ສປປ ລາວ ຕິດຕາມຜູ້ເດີນທາງຈາກຈຸດຜ່ານແດນຕ່າງໆວັນທີ 4 ກຸມພາ ທົ່ວປະເທດມີຜູ້ເດີນທາງເຂົ້າ ມີທັງໝົດ 3.010 ຄົນ: ໃນນັ້ນຈຸດຜ່ານດ່ານ ລາວ - ໄທ ທັງໝົດ 1.899 ຄົນ; ຈຸດຜ່ານດ່ານ ລາວ - ຈີນ ທັງໝົດ 61 ຄົນ; ​ຈຸດຜ່ານດ່ານ ລາວ - ຫວຽດນາມ ທັງໝົດ 1.050 ຄົນ; ທຸກຄົນທີ່ເຂົ້າມາທາງຈຸດຜ່ານແດນໃນມື້ວານນີ້ແມ່ນໄດ້ຜ່ານການວັດແທກອຸນຫະພູມຮ່າງກາຍ, ແຕ່ບໍ່ພົບຜູ້ມີອາການເປັນໄຂ້ ໄດ້ເກັບຕົວຢ່າງທຸກຄົນມາກວດນຳສົ່ງໄປຫາສະຖານທີ່ຈຳກັດບໍລິເວນທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

      ການຕິດຕາມຜູ້ຈຳກັດບໍລິເວນໃນຂອບເຂດທົ່ວປະເທດ, ປັດຈຸບັນທົ່ວປະເທດມີສູນຈໍາກັດບໍລິເວນທີ່ຍັງເປີດນຳໃຊ້ຢູ່ທັງໝົດ 32 ສູນ, ມີຜູ້ຖືກຈຳກັດບໍລິເວນຢູ່ສູນ 2.460 ຄົນ, ການເກັບຕົວຢ່າງມາກວດເພື່ອຊອກຫາຜູ້ຕິດເຊື້ອພະຍາດ COVID-19 ໃນວັນທີ 3 ກຸມພາ 2021, ໄດ້ເກັບຕົວຢ່າງມາກວດວິເຄາະທັງໝົດ 291 ຄົນ; ຜົນກວດວິເຄາະທັງໝົດແມ່ນບໍ່ພົບເຊື້ອ, ໝາຍຄວາມວ່າ ວັນທີ 3 ກຸມພາ 2021 ບໍ່ພົບຜູ້ຕິດເຊື້ອໃໝ່; ການກວດວິເຄາະນັບແຕ່ເດືອນມັງກອນ 2021 ຮອດ ວັນທີ  4 ກຸມພາ 2021 ໄດ້ເກັບຕົວຢ່າງມາກວດທັງໝົດ 104.833 ຕົວຢ່າງ ແລະ ໃຫ້ຜົນບວກ 45 ຕົວຢ່າ.

ມາຮອດປັດຈຸບັນ ຍັງມີຄົນເຈັບຕິດເຊື້ອພະຍາດ COVID-19 ຈຳນວນ 4 ຄົນ ທີ່ຍັງສືບຕໍ່ນອນປິ່ນປົວຢູ່ໂຮງໝໍທີ່ຖືກກຳນົດໄວ້ 2 ຄົນຄື ຜູ້ຕິດເຊື້ອ ອັນດັບ 42 ແລະ 45 ຕິດຕາມປິ່ນປົວ ຢູ່ທີ່ແຂວງຈຳປາສັກ ຜູ້ຕິດເຊື້ອ ອັນດັບ 43 ຕິດຕາມປິ່ນປົວ ຢູ່ທີ່ແຂວງຫຼວງນໍ້າທາ ຜູ້ຕິດເຊື້ອອັນດັບ 44 ຕິດຕາມປິ່ນປົວ ຢູ່ທີ່ນະຄອນຫຼວງວຽຈັນທັງ 4 ຄົນ ແມ່ນມີສຸຂະພາບແຂງແຮງດີ , ບໍ່ມີອາການສົນຫຍັງ.

ໂດຍອີງໃສ່ສະພາບການເກີດພະຍາດ COVID-19 ທີ່ກ່າວມານັ້ນ ເຫັນວ່າບັນດາປະເທດທີ່ຢູ່ໃກ້ຄຽງກັບ ສປປ ລາວ ຍັງມີສະພາບການເກີດລະບາດໃນຊຸມຊົນ ແລະ ມີການຕິດເຊື້ອພາຍໃນປະເທດຮອບໃໝ່ ຊຶ່ງຖືວ່າເປັນຄວາມສ່ຽງສູງທີ່ຈະມີການນຳເຊື້ອພະຍາດຈາກປະເທດທີ່ກຳລັງມີການລະບາດເຂົ້າມາໃນປະເທດຂອງພວກເຮົາ ຕໍ່ໜ້າສະພາບການດັ່ງກ່າວ ຄະນະສະເພາະກິດຂັ້ນສູນກາງ ແລະ ທ້ອງຖິ່ນ ກໍໄດ້ເອົາໃຈໃສ່ ຕິດຕາມເຝົ້າລະວັງສະພາບການຢ່າງໃກ້ຊິດ ແລະ ຄະນະຮັບຜິດຊອບແຕ່ລະພາກສ່ວນ ໄດ້ມີການເອົາໃຈໃສ່ຈັດຕັ້ງປະຕິບັດມາດຕະການຢ່າງເຂັ້ມງວດຕາມຈຸດຜ່ານແດນຊາຍແດນ ແລະ ສະຖານທີ່ຈຳກັດບໍລິເວນໃນຂອບເຂດທົ່ວປະເທດໂດຍສະເພາະໃນບັນດາແຂວງທີ່ມີຊາຍແດນຕິດກັບປະເທດທີ່ກຳລັງມີສະພາບການລະບາດໃນປະເທດ ເພື່ອສະກັດກັ້ນ ແລະ ປ້ອງກັນບໍ່ໃຫ້ເກີດມີການຕິດເຊື້ອພະຍາດ COVID-19 ໃນປະເທດເຮົາເປັນຮອບໃໝ່ ແລະ ໃນໂອກາດນີ້ ກໍຂໍການຮ່ວມມືຈາກ

ບັນດາທ່ານ ຜູ້ເດີນທາງເຂົ້າມາ ສປປ ລາວ, ຜູ້ທີ່ຢູ່ໃນສະຖານທີ່ຈຳກັດບໍລິເວນ ແລະ ຍາດຕິພີ່ນ້ອງຈົ່ງໄດ້ປະຕິບັດມາດຕະການຕາມຄຳແນະນຳຂອງຄະນະສະເພາະກິດຢ່າງຖືກຕ້ອງ ແລະ ເຂັ້ມງວດ ເພື່ອຮັບປະກັນໃຫ້ທຸກຄົນທີ່ເດີນທາງເຂົ້າມາ ໄດ້ຮັບການເກັບຕົວຢ່າງກວດຊອກຫາເຊື້ອພະຍາດ COVID-19  ແລະ ໄດ້ຈໍາກັດບໍລິເວນ ຄົບ 14 ວັນ ຕາມມາດຕະການກຳນົດໄວ້; ໃນບັນດາກຸ່ມປະເທດອາຊຽນ ສປປ ລາວ ຖືວ່າ ເປັນປະເທດທີ່ມີການຕິດເຊື້ອພະຍາດ COVID-19   ໜ້ອຍທີ່ສຸດ ແລະ ບໍ່ມີຜູ້ເສຍຊີວິດຍ້ອນພະຍາດດັ່ງກ່າວ ແລະ ເລີ່ມແຕ່ກາງເດືອນ ເມສາ 2020 ເປັນຕົ້ນມາ ແມ່ນບໍ່ມີການຕິດເຊື້ອພະຍາດ COVID-19  ພາຍໃນປະເທດ, ກໍລະນີຕິດເຊື້ອເພີ່ມໃໝ່ ກໍແມ່ນ ກໍລະນີນຳເຂົ້າ ພະຍາດມາຈາກຕ່າງປະເທດ. ດັ່ງນັ້ນ, ເພື່ອຫຼຸດຜ່ອນຜົນກະທົບດ້ານເສດຖະກິດ ແລະ ສັງຄົມ ລັດຖະບານ ສປປ ລາວ ຈຶ່ງມີການວາງມາດຕະການຜ່ອນຜັນອອກມາເປັນແຕ່ລະໄລຍະ ຊຶ່ງ​ປັດຈຸບັນກໍແມ່ນ ປະຕິບັດຕາມແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ, ສະບັບເລກທີ 111/ຫສນຍ, ລົງວັນທີ 01 ກຸມພາ 2021 ​ຊຶ່ງມີໄລຍະນຳໃຊ້ ຮອດເດືອນມີນາ 2021 ຈຶ່ງຈະມີມາດຕະການຜ່ອນຜັນເພີ່ມເຕີມໃໝ່.​ ບົນພື້ນຖານການເອົາໃຈໃສ່ຂອງທຸກຄົນໃນສັງຄົມໃນການປະ ຕິບັດມາດຕະການສະກັດກັ້ນ ແລະ ຄວບຄຸມພະຍາດ ຢ່າງເຂັ້ມງວດ ແລະ ຮັດກຸມ ທຸກຂັ້ນຕອນ ກໍຈະສາມາດຮັບປະກັນບໍ່ໃຫ້ມີການຕິດເຊື້ອໃນປະເທດຂອງພວກເຮົາໃນຮອບໃໝ່ຄືກັບຫຼາຍປະເທດໃນ ໂລກ ແລະ ບັນດາປະເທດທີ່ຢູ່ໃກ້ຄຽງ.

   ສະພາບຂອງພະຍາດໄຂ້ຍຸງລາຍໃນວັນທີ 3 ກຸມພາ 2021  ສປປ ລາວ ມີຜູ້ຕິດເຊື້ອທັງໝົດ 1 ກໍລະນີ ແລະ ມີຜູ້ເສຍຊີວິດ 0 ຄົນ; ໂຕເລກໄຂ້ຍຸງລາຍ ປີ 2021 ແມ່ນເລີ່ມເອົາຂໍ້ມູນນັບແຕ່ວັນທີ 26/12/2020 ເປັນຕົ້ນມາ ຮອດວັນທີ 3/2/2021 ມີຜູ້ຕິດເຊື້ອກໍລະນີສະສົມທັງໝົດ 101 ຄົນ (ມີລາຍງານກໍລະນີໃນ 11 ແຂວງ, ແຂວງທີ່ມີການລາຍງານຫຼາຍກວ່າໝູ່ແມ່ນ ນະຄອນຫຼວງວຽງຈັນ ຊຶ່ງມີເຖິງ 26 ຄົນ, ອັດຕະປື 26 ຄົນ, ຖັດລົງມາແມ່ນ ຫຼວງພະບາງ 12​ ຄົນ) ແລະ ບໍ່ມີຜູ້ເສຍຊີວິດ ຍ້ອນພະຍາດໄຂ້ຍຸງລາຍ. (ຂ່າວ:ບຸນອຸ້ມ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com