ຊົມເຊີຍຜົນສຳເລັດກອງປະຊຸມໃຫຍ່ ຄັ້ງທີ X ຂອງພັກ ປປ ລາວ ຢ່າງສຸດໃຈ ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປະເທດປວງຊົນທັງຊາດ, ຢືດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກຮັກສາ ແລະ ພັດທະນາຊາດຕາມທິດຍືນຍົງ ສູ່ຈຸດໝາຍສັງຄົມນິຍົມຢ່າງໜັກແໜ້ນ

ລາຍການຂ່າວປະຈຳວັນ

ຂ່າວເດັ່ນມື້ນີ້
ຂ່າວພາຍໃນປະເທດ
ຂ່າວຕ່າງປະເທດ
ຂ່າວກິລາ
ຂ່າວມື້ຜ່ານມາ

         ລົງທະບຽນເປັນສະມາຊິກ

ໜັງສືພິມ ປະຊາຊົນ ເອເລັກໂຕຼນິກ ແບບອອນໄລເຕັມສະບັບ ມີສີທູກຫນ້າ

 

ພະຍາກອນອາກາດ

Weather Vientiane

ຈຳນວນຜູ້ເຂົ້າຢ້ຽມຊົມເວັບໄຊ

Flag Counter
  ຄລິກຮູບເບິ່ງລະອຽດຜູ້ເຂົ້າຊົມເວັບໄຊ

ເລກໂທ ສຸກເສີນ

+ ແຈ້ງໄຟໄໝ້                      212707
+ ຕຳຫຼວດ                              1191
+ ລົດໂຮງໝໍ                            1195
+ ໄຟຟ້າ                                1199
+ ນ້ຳປະປາ                             1169
 

ງານມະຫະກຳກິລາມະຫາວິທະຍາໄລຄັ້ງທີ I ຈະໄຂຂຶ້ນໃນລະຫວ່າງວັນທີ 5 - 15 ມີນານີ້

   ງານມະຫະກຳກິລາ ມະຫາວິທະຍາໄລລາວຄັ້ງທີ I ຈະໄຂຂຶ້ນໃນລະຫວ່າງວັນທີ 5-15 ມີນາ 2016 ນີ້. ພິທີຖະແຫຼງຂ່າວໄດ້ຈັດຂຶ້ນໃນວັນທີ 26 ກຸມພາຜ່ານມານີ້ ທີ່ມະຫາ ວິທະຍາໄລແຫ່ງຊາດ ໂດຍມີ ທ່ານ ສຈ.ດຣ. ສຸກກົງແສງ ໄຊຍະເລີດ ອະທິການບໍດີມະຫາວິ ທະຍາໄລແຫ່ງຊາດ ປະທານ ຮັບຜິດຊອບຈັດງານມະຫະກຳ ກິລາມະຫາວິທະຍາໄລຄັ້ງທີ I, ທ່ານ ສູນທອນ ສິຣິສັກ ຮອງອຳນວຍການ ບໍລິສັດ ເບຍລາວ ຈຳກັດ ພ້ອມດ້ວຍພາກ ສ່ວນ ກ່ຽວຂ້ອງເຂົ້າຮ່ວມ.
ທ່ານ ສຈ.ດຣ. ສົມສີ ຍໍ ພັນໄຊ ຮອງອະທິການບໍດີມະ ຫາວິທະຍາໄລແຫ່ງຊາດ, ຮອງ ປະທານຈັດການແຂ່ງຂັນໄດ້ ກ່າວຕໍ່ພິທີວ່າ: ຈຸດປະສົງຂອງ ການຈັດການແຂ່ງຂັນຄັ້ງນີ້ ແມ່ນເພື່ອເປັນການເສີມຂະ ຫຍາຍວຽກງານກິລາ - ກາຍະ ກຳເຂົ້າສູ່ມວນຊົນຖັນແຖວນັກ ສຶກສາບັນດາເຜົ່າຫັນໄປສູ່ ການຫຼິ້ນກິລາຢ່າງກວ້າງຂວາງ ແລະ ຕໍ່ເນື່ອງ, ເພື່ອຍົກສູງລະ ດັບສະມັດຖະພາບຮ່າງກາຍ ແລະ ມານະຈິດໃນການສຶກສາ ຮ່ຳຮຽນເພື່ອກຽມພ້ອມ ຮັບໃຊ້ ວຽກງານພັດທະນາເສດຖະກິດ - ສັງຄົມ, ການປົກປັກຮັກສາ ແລະ ກໍ່ສ້າງປະເທດຊາດ ແລະ ວິຊາພະລະສຶກສາແມ່ນ ໜຶ່ງໃນ 5 ຫຼັກມູນ ການສຶກສາ, ເປັນການເຄື່ອນໄຫວດ້ານວັດ ທະນະທຳ - ສັງຄົມ, ສ້າງນ້ຳ ໃຈສາມັກຄີ, ລະບຽບວິໄນຂອງ ຊາວໜຸ່ມ, ນັກສຶກສາ, ປັນຍາ ຊົນ ແລະ ປວງຊົນລາວບັນດາເຜົ່າ, ອັນຈະເປັນການປະກອບ ສ່ວນສຳຄັນໃນການພັດທະນາ ຊັບພະຍາກອນມະນຸດ ແລະ ສະກັດກັ້ນປະກົດການຫຍໍ້ທໍ້ ນາໆປະການໃນສັງຄົມ, ເປັນ  ການຍົກລະດັບທາງດ້ານເຕັກ ນິກ, ຍຸດທະວິທີໃນການຫຼິ້ນກິ ລາປະເພດຕ່າງໆໃຫ້ກ້າວຂຶ້ນ ສູ່ລະດັບສູງເປັນກ້າວໆ ແລະ ທຽມທັນກັບສາກົນ, ເປັນການ ຮັດແໜ້ນຄວາມສາມັກຄີພາຍ ໃນລະຫວ່າງບັນດານັກສຶກສາ ມະຫາວິທະຍາໄລ ແລະ ວິທະ ຍາໄລສູນກາງ, ທ້ອງຖິ່ນໃຫ້ນັບ ມື້ນັບກວ້າງຂວາງ ແລະ ເລິກເຊິ່ງ ແລະ ເປັນການພັດທະນາ  ແລະ ຍົກລະດັບຢ່າງຮອບດ້ານ ໃນການກະກຽມຄວາມພ້ອມ ເພື່ອເປັນ ເຈົ້າພາບ ຈັດງານ ແຂ່ງຂັນນາໆຊາດ ແລະ ເຂົ້າ ຮ່ວມແຂ່ງຂັນໃນລະດັບພາກ ພື້ນ ແລະ ສາກົນ. ຊຶ່ງມີ 9 ພາກ ສ່ວນເຂົ້າຮ່ວມຄື:  ມະຫາວິທະຍາ ໄລແຫ່ງຊາດ (ເຈົ້າພາບ), ມະ ຫາວິທະຍາໄລວິທະຍາສາດສຸ ຂະພາບ, ມະຫາວິທະ ຍາໄລ ຈຳປາສັກ, ມະຫາວິທະຍາ ໄລສະຫວັນນະເຂດ, ມະຫາວິທະຍາໄລສຸພານຸວົງ, ວິທະຍາ ຄານປ້ອງກັນຊາດ, ວິທະຍາຄານ ປ້ອງກັນຄວາມສະຫງົບ, ສະຖາ ບັນພາກລັດ (ວິທະຍາໄລພາກ ລັດ) ແລະ ສະຖາບັນການສຶກ ສາພາກເອກະຊົນ (ວິທະຍາ ໄລ) ແລະ ປະກອບມີ 11 ປະ ເພດກິລາຈັດເຂົ້າແຂ່ງຂັນຄື: ແລ່ນ - ລານ, ເຕະບານ, ຟຸດຊໍ, ບານສົ່ງໃນຮົ່ມ, ບານສົ່ງຊາຍ ຫາດ, ກະຕໍ້ຫວາຍ, ເປຕັງ, ເທ ຄວັນໂດ, ປິ່ງປ່ອງ, ດອກປີກ ໄກ່ ແລະ ບານບ້ວງ.
ບັນດາກິລາປະເພດຕ່າງໆ ນີ້ເກືອບທັງໝົດແມ່ນຈັດແຂ່ງ ຂັນຢູ່ວິທະຍາເຂດດົງໂດກຍົກ ເວັ້ນກິລາປິ່ງປ່ອງ ຊຶ່ງຈະຈັດ ແຂ່ງຂັນຢູ່ວຽງຈັນເຊັນເຕີ. ພ້ອມນັ້ນໃນພິທີຍັງໄດ້ມີການມອບ - ຮັບການອຸປະຖຳຈາກ ພາກສ່ວນຕ່າງໆເປັນຕົ້ນ ບໍລິສັດ ເບຍລາວ ຈຳກັດ ເປັນຜູ້ອຸປະຖຳຫຼັກເປັນຈຳນວນເງິນ 500 ລ້ານກີບ. ຊຶ່ງກ່າວມອບ ໂດຍທ່ານ ສູນທອນ ສິຣິສັກ  ແລະ ກ່າວຮັບໂດຍທ່ານ  ສຈ. ດຣ. ສຸກກົງແສງ ໄຊຍະເລີດ
(ຂ່າວ: ຕຸໄລເພັດ)

EditRegion3

 

 

 



ວີດີໂອຂ່າວໜັງສີພິມປະຊາຊົນ


ລາຍການວີດີໂອເພີ່ມ

ບົດນຳ

ເຊື່ອມໂຍງເວັບໄຊທີ່ໜ້າສົນໃຈ

 

ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ຫນັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonn@yahoo.com, ຕູ້ ປ.ນ 1110