ເຊີນຮ່ວມແລ່ນວຽງຈັນຮາບມາລາທອນນາໆຊາດ


...

     ເມື່ອມໍ່ໆຜ່ານມາທີ່ ຮ້ານອາຫານຂອບໃຈເດີ ໄດ້ມີ ພິທີຖະແຫຼງຂ່າວຈັດການແຂ່ງ ຂັນແລ່ນວຽງຈັນຮາບ ມາຣາ ທອນນາໆຊາດ 2017 ໂດຍ ພາຍໃຕ້ການປະທານຂອງ ທ່ານ ແສງພອນ ພົນອາມາດ ຫົວໜ້າກົມກິລາລະດັບສູງ ກະ ຊວງສຶກສາທິການ ແລະ ກິລາ, ທ່ານພັນເອກ ພິມພາ ສີໂພໄຊ ຮອງປະທານສະຫະພັນກິລາ ແລ່ນ - ລານແຫ່ງຊາດ, ມີຕາງ ໜ້າຄະນະກຳມະການໂອ ແລັມປິກແຫ່ງຊາດ, ບໍລິສັດ ເບຍລາວ ຈຳກັດ, ຜູ້ສະໜັບ ສະໜູນ, ນັກກິລາ ແລະ ສື່ມວນ ຊົນເຂົ້າຮ່ວມ. ທ່ານນາງ ກັນຍາ ແກ້ວ ມະນີ ຄະນະກຳມະການຈັດ ງານ ໄດ້ກ່າວວ່າ: ສຳລັບການ ຈັດງານດັ່ງກ່າວແມ່ນເພື່ອສືບ ເນື່ອງຈາກຜົນສຳເລັດໃນການ ຈັດການແຂ່ງຂັນແລ່ນວຽງຈັນ ຮາບ ມາຣາທອນນາໆຊາດ 1 ໃນເດືອນມີນາປີ 2016 ຜ່ານ ມາທີ່ມີນັກແລ່ນເຂົ້າຮ່ວມເຖິງ 1.600 ຄົນ ທັງພາຍໃນ ແລະ ຕ່າງປະເທດ. ສະນັ້ນ, ໃນປີນີ້ ສະຫະພັນແລ່ນ - ລານແຫ່ງ ຊາດ, ກະຊວງສຶກສາທິການ ແລະ ກິລາ ແລະ ວິສາຫະກິດ ສ່ວນບຸກຄົນອີເວັ້ນ ຟໍກູດ ຈຶ່ງ ໄດ້ຈັດການແຂ່ງຂັນລາຍການ ນີ້ເປັນຄັ້ງທີ 2 ໃນວັນທີ 12 ມີນາຈະເຖິງນີ້, ຊຶ່ງຈຸດປ່ອຍ ແລະ ເສັ້ນໄຊແມ່ນຢູ່ປະຕູໂຂງ ເດີ່ນທາດຫຼວງ. ທ່ານພັນເອກ ພິມພາ ສີ ໂພໄຊ ກໍໄດ້ກ່າວວ່າ: ຈຸດປະ ສົງຂອງການຈັດງານຄັ້ງນີ້ແມ່ນ ເພື່ອສະເຫຼີມສະຫຼອງວັນສຳ ຄັນຕ່າງໆ ພ້ອມທັງເປັນການ ສ້າງຂະບວນການແລ່ນ, ສົ່ງ ເສີມການອອກກຳລັງກາຍ ເພື່ອສຸຂະພາບ ແລະ ມິດຕະ ພາບລະຫວ່າງນັກແລ່ນດ້ວຍ ກັນ. ພ້ອມກັນນັ້ນກໍເພື່ອເຮັດ ໃຫ້ນະຄອນຫຼວງວຽງຈັນກາຍ ເປັນນະຄອນຫຼວງທີ່ມີການຈັດ ການແຂ່ງຂັນກິລາມວນຊົນໃນ ລະດັບນາໆຊາດ. ນອກນັ້ນຍັງ ເປັນການສົ່ງເສີມການທ່ອງ ທ່ຽວລາວໃຫ້ມີຄວາມຄຶກຄື້ນ ຜ່ານກິດຈະກຳນີ້. ສຳລັບການ ເລືອກເສັ້ນທາງແລ່ນໃນນະ ຄອນຫຼວງວຽງຈັນນີ້, ເນື່ອງ ຈາກວ່ານະຄອນຫຼວງວຽງຈັນ ແມ່ນມີຄວາມໜ້າສົນໃຈຫຼາຍ ເພາະແລ່ນຜ່ານຈຸດທ່ອງທ່ຽວ ວັດທະນະທຳ ແລະ ເສັ້ນທາງ ແຄມຂອງທີ່ມີທີວທັດອັນສວຍ ງາມ. ສ່ວນປະເພດການແຂ່ງ ຂັນລວມມີປະເພດຮາບມາຣາ ທອນ 21 ກິໂລແມັດ, ປະເພດ ມິນິມາຣາທອນ 10,5 ກິໂລ ແມັດ ແລະ ແລ່ນເພື່ອສຸຂະ ພາບ 5 ກິໂລແມັດ. ການແຂ່ງ ຂັນຄັ້ງນີ້ແມ່ນມີລາງວັນໃຫ້ອັນ ດັບ 1-5 ທັງປະເພດຍິງ ແລະ ຊາຍເປັນເງິນສົດ ແລະ ຂັນ ລາງວັນ. ສຳລັບຄ່າລົງທະບຽນສະ ເພາະຄົນລາວ ແລ່ນ 21 ກິໂລ ແມັດ ແມ່ນ 120.000 ກີບຕໍ່ ຄົນ, ແລ່ນ 10,5 ກິໂລແມັດ ແມ່ນ 100.000 ກີບຕໍ່ຄົນ ແລະ ແລ່ນ 5 ກິໂລແມັດແມ່ນ 50.000 ກີບຕໍ່ຄົນ. ສ່ວນຄົນ ຕ່າງປະເທດ ຄ່າສະໝັກແລ່ນ 21 ກິໂລແມັດ ແມ່ນ 40 ໂດ ລາສະຫະລັດຕໍ່ຄົນ, ແລ່ນ 10,5 ກິໂລແມັດແມ່ນ 30 ໂດ ລາສະຫະລັດຕໍ່ຄົນ ແລະ ແລ່ນ 5 ກິໂລແມັດແມ່ນ 10 ໂດລາ ສະຫະລັດຕໍ່ຄົນ. ຖ້າຫາກທ່ານ ໃດສົນໃຈສາມາດພົວພັນໄດ້ ທີ່ເບີໂທ 020 99862688, 020 55888688 ແລະ 020 91448858.