ຫຼວງພະບາງ ໄຂການແຂ່ງຂັນກິລາເຕະບານຊາຍ ຮຸ່ນທົ່ວໄປປະຈຳປີ 2017


...

     ເມື່ອບໍ່ດົນມານີ້ແຂວງ ຫຼວງພະບາງໄດ້ຈັດພິທີໄຂ ການແຂ່ງຂັນເຕະບານຊາຍ ຮຸ່ນທົ່ວໄປຂຶ້ນທີ່ເດີ່ນກິລາຂອງ ແຂວງ ບ້ານນາຫຼວງ ໂດຍມີ ທ່ານ ມອນໄຊ ລາມົວຊົງ ຫົວ ໜ້າຄະນະຈັດຕັ້ງແຂວງ ຮອງ ປະທານສະມາຄົມກິລາກາຍ ຍະກຳແຂວງຫຼວງພະບາງ. ທ່ານ ຊາຍສະຫວັນ ຈັນ ມານິດ ຮອງຫົວໜ້າພະແນກ ສຶກສາທິການ ແລະ ກິລາ ແຂວງໄດ້ລາຍງານສະພາບ ການກະກຽມການແຂ່ງຂັນວ່າ: ສຳລັບການແຂ່ງຂັນກິລາເຕະ ບານຊາຍຮຸ່ນທົ່ວໄປໄດ້ຈັດຂຶ້ນ ເປັນປະຈຳທຸກປີ ໂດຍພະແນກ ສຶກສາທິການ ແລະ ກິລາແຂວງ ໄດ້ສົມທົບກັບສະຫະພັນກິລາ ບານເຕະແຂວງໄດ້ຈັດການ ແຂ່ງຂັນຂຶ້ນທັງໝົດ 2 ຄັ້ງຄື: ຄັ້ງທີ 1 ປີ 2015 ມີ 19 ທີມ ເຂົ້າຮ່ວມແຂ່ງຂັນ, ຄັ້ງທີ 2 ປີ 2016 ມີ 11 ທີມເຂົ້າຮ່ວມ ແຂ່ງຂັນ ແລະ ປີ 2017 ນີ້ເປັນ ຄັ້ງທີ 3 ປະກອບມີ 10 ທີມເຂົ້າ ຮ່ວມແຂ່ງຂັນຄື: ທະນາຄານ ແຂວງຫຼວງພະບາງ, ກອງບັນ ຊາການປ້ອງກັນຄວາມສະ ຫງົບ, ປາມັງກອນ, ບໍລິສັດໄຟ ຟ້າລາວ ສາຂາແຂວງຫຼວງພະ ບາງ, ໂດມີນິກ, ສະພາທຸລະ ກິດລາວ - ໄທ, ມະຫາວິທະຍາ ໄລສຸພານຸວົງ, ເຈົ້າຊາຍ ເອັບຊີ, ພູທອງ ເອັບຊີ ແລະ ທີມນອກ ກອບ. ແບ່ງເປັນ 2 ສາຍທີມທີ່ ຊະນະເລີດຈະໄດ້ຮັບຂັນເງິນ 1 ໜ່ວຍ ແລະ ເງິນສົດ 12 ລ້ານ ກີບ, ຮອງຊະນະເລີດຈະໄດ້ ຮັບເງິນສົດ 8 ລ້ານກີບ, ອັນ ດັບທີ 3 ໄດ້ຮັບເງິນສົດ 6 ລ້ານ ກີບ ແລະ ອັນດັບ 4 ໄດ້ຮັບ ເງິນສົດ 4 ລ້ານກີບ. ເພື່ອເຮັດໃຫ້ການແຂ່ງ ຂັນຄັ້ງນີ້ດຳເນີນໄປດ້ວຍບັນ ຍາກາດ ແລະ ມີຄາມໝາຍ ຄວາມສຳຄັນນັ້ນ ທ່ານ ມອນ ໄຊ ລາມົວຊົງ ໄດ້ກ່າວໄຂ ການແຂ່ງຂັນຂຶ້ນຢ່າງເປັນທາງ ການ ບາງຕອນທ່ານກ່າວວ່າ: ການຈັດການແຂ່ງຂັນຄັ້ງນີ້ ເປັນການຊຸກຍູ້ຂະບວນການ ກິລາຢູ່ພາຍໃນແຂວງໃຫ້ມີ ຄວາມຟົດຟື້ນ, ທັງເປັນການ ປຸກລະດົມມະຫາຊົນຊາວໜຸ່ມ ເຍົາວະຊົນ, ນັກຮຽນ, ນັກສຶກ ສາ ເຂົ້າຮ່ວມວຽກງານກິລາໃຫ້ ນັບມື້ນັບຫຼາຍຂຶ້ນ ເພື່ອເສີມ ສ້າງສຸຂະພາບ, ໄມຕີຈິດມິດ ຕະພາບ ໃຫ້ຫ່າງໄກຈາກຢາ ເສບຕິດ ແລະ ເປັນການຄັດເລືອກ ເອົານັກກິລາຜູ້ທີ່ມີພອນສະ ຫວັນ ເຂົ້າຮ່ວມການແຂ່ງຂັນກິ ລາແຫ່ງຊາດ ຄັ້ງທີ 11 ທີ່ແຂວງ ຊຽງຂວາງເປັນເຈົ້າພາບ. ການແຂ່ງຂັນແມ່ນໄດ້ ເລີ່ມ ແຕ່ວັນທີ 23 ກຸມພາຜ່ານມານີ້ ໂດຍມີການແຂ່ງຂັນຄູ່ເປີດສະ ໜາມເປັນການພົບກັນລະ ຫວ່າງທະນາຄານແຂວງ ແຊັມ ເກົ່າ ພົບກັບ ປກສ ແຂວງ ຜົນ ປະກົດວ່າ ທະນາຄານແຂວງ ເອົາຊະນະ 1 ປະຕູຕໍ່ 0 ແລະ ການແຂ່ງຂັນຈະດຳເນີນໄປ ຈົນເຖິງວັນທີ 7 ເມສາ 2017 ຈຶ່ງສຳເລັດ.