ທ່ານ ຈັນສະໝອນ ຜ່ອງຈັນທາ ຮັບໜ້າທີ່ເປັນປະທານ ສະຫະພັນບານສົ່ງແຫ່ງຊາດຜູ້ໃໝ່


...

     ອີງຕາມຂໍ້ຕົກລົງຂອງ ລັດຖະມົນຕີວ່າດ້ວຍການແຕ່ງ ຕັ້ງຮັບຮອງການຈັດຕັ້ງຄະນະ ບໍລິຫານງານສະຫະພັນກິລາ ບານສົ່ງແຫ່ງຊາດລາວຊຸດໃໝ່ ດັ່ງນັ້ນເມື່ອວັນທີ 24 ກຸມພາ ຜ່ານມານີ້ທີ່ນະຄອນຫຼວງວຽງ ຈັນ ສະຫະພັນກິລາບານສົ່ງ ແຫ່ງຊາດລາວ (ສບລ) ຈຶ່ງໄດ້ ຈັດພິທີປະກາດແຕ່ງຕັ້ງຄະນະ ບໍລິຫານງານສະຫະພັນກິລາ ບານສົ່ງແຫ່ງຊາດລາວຊຸດໃໝ່ ໂດຍທ່ານ ຈັນສະໝອນ ຜ່ອງ ຈັນທາ ຮອງປະທານ ສບລ ຜູ້ ເກົ່າ ໄດ້ຮັບການແຕ່ງຕັ້ງເລື່ອນ ຂຶ້ນເປັນປະທານ ສບລ ຜູ້ໃໝ່ ໂດຍການເຂົ້າຮ່ວມເປັນສັກຂີ ພິຍານຂອງທ່ານ ບົວລານ ສິລິ ປັນຍາ ຮອງລັດຖະມົນຕີກະຊວງ ສຶກສາທິການ ແລະ ກິລາ, ທ່ານ ແສງພອນ ພົນອາມາດ ຫົວໜ້າ ກົມກິລາລະດັບສູງເຂົ້າຮ່ວມ. ໃນການແຕ່ງຄັ້ງຄະນະ ສບລ ຊຸດໃໝ່ກໍເພື່ອແນໃສ່ປັບ ປຸງຍົກລະດັບວຽກງານດັ່ງກ່າວ ມີການພັດທະນາດີຂຶ້ນກ້າວ ໃຫ້ທັນກັບບັນດາປະເທດໃນ ຂົງເຂດອາຊຽນ ແລະ ສາກົນ ໂດຍສະເພາະເພື່ອຮັບປະກັນ ໃນການນຳພານັກກິລາບານ ສົ່ງທີມຊາດລາວ ທັງປະເພດ ໃນຮົ່ມ ແລະ ຫາດຊາຍ ເຂົ້າ ຮ່ວມສ້າງຜົນງານໃໝ່ຍາດໃຫ້ ໄດ້ຫຼຽນໃນງານມະຫະກຳລາຊີ ເກມ ຄັ້ງທີ 29 ທີ່ປະເທດມາ ເລເຊຍ ເປັນເຈົ້າພາບລະຫວ່າງ ວັນທີ 19-31 ສິງຫາ 2017 ຈະມາເຖິງນີ້. ທ່ານ ຈັນສະໝອນ ຜ່ອງ ຈັນທາ ກ່າວວ່າ ແຜນການ ເຄື່ອນໄຫວພາຍໃນປະເທດ ປະຈຳປີ 2017 ມີດັ່ງນີ້: ລະ ຫວ່າງວັນທີ 6-9/4/2017 ຈະ ຈັດການແຂ່ງຂັນບານສົ່ງຫາດ ຊາຍ ຮຸ່ນອາຍຸ 12 ປີ ແລະ ຮຸ່ນ ທົ່ວໄປ; ວັນທີ 2-6/5/2017 ຈະຈັດຝຶກອົບຮົມກຳມະການ ຕັດສິນກິລາບານສົ່ງທົ່ວປະ ເທດ ປະຈຳປີ 2017 ຢູ່ນະ ຄອນຫຼວງວຽງຈັນ; ວັນທີ 20-21/6/2017 ເປັນເຈົ້າພາບຈັດ ການແຂ່ງຂັນກິລາບານສົ່ງ ຫາດຊາຍຊີງແຊັມອາຊຽນ; ວັນທີ 25-30/9/2017 ຈັດ ການແຂ່ງຂັນບານສົ່ງໃນຮົ່ມ - ຍິງ-ຊາຍ ນັກຮຽນມັດທະຍົມສຶກ ສາຄັ້ງທີ I ປະຈຳປີ 2017; ວັນ ທີ 20-30/11/2017 ຈັດການ ແຂ່ງຂັນບານສົ່ງຊີງຂັນລັດຖະ ມົນຕີກະຊວງສຶກສາທິການ ແລະ ກິລາ ຄັ້ງທີ V; ສະເພາະ ການເຄື່ອນໄຫວຢູ່ຕ່າງປະເທດ ວັນທີ 17-20/7/2017 ເຂົ້າ ຮ່ວມກອງປະຊຸມຄົບຄະນະ ຂອງສະຫະພັນບານສົ່ງອາຊີທີ່ ປະເທດມາເລເຊຍ; ເດືອນ 3-11/2017 ສົ່ງນັກກິລາບານ ສົ່ງຫາດຊາຍເຂົ້າຮ່ວມແຂ່ງ ຂັນລາຍການອາຊຽນທົວ ປະ ຈຳປີ 2017 ແລະ ເດືອນ 11-12/2017 ສົ່ງກຳມະການຕັດ ສິນເຂົ້າຮ່ວມຝຶກອົບຮົມ ແລະ ເສັງກຳມະການລະດັບສາກົນ.