ທີມເຕະບານຄົນພິການຕາລາວໄດ້ອັນດັບ 3 ໃນລາຍການຊີງແຊັມປະເທດໄທ ຄັ້ງທີ 5


...

     ທີມເຕະບານຄົນພິ ການຕາລາວ ໃນນາມທີມສະ ໂມສອນ Tiger Star ສາມາດ ຊະນະທີມສະມາຄົມຄົນຕາ ບອດແຫ່ງປະເທດໄທ (ທີມ B) 2-1 ສາມາດຍາດໄດ້ອັນດັບ 3 ໃນການແຂ່ງຂັນເຕະບານຄົນ ພິການຕາຊີງແຊັມປະເທດໄທ ຄັ້ງທີ 5 ຫວ່າງບໍ່ດົນຜ່ານມາ ນີ້ທີ່ສະໜາມເຕະບານ 354 FOOTBALL CLUB ແຂວງ ປະທຸມທານີ ປະເທດໄທ. ອີງຕາມການເປີດເຜີຍ ຂອງທ່ານນາງ ໂດນ ພົມມະ ວົງ ຈາກອົງການຄົນພິການອາ ຊີ ເພື່ອການພັດທະນາວ່າ: ການແຂ່ງຂັນດັ່ງກ່າວຈັດຂຶ້ນທີ່ ປະເທດໄທ ເປັນເວລາ 3 ວັນ ລະຫວ່າງວັນທີ 21-23 ກຸມພາ ນີ້ ແລະ ທາງປະເທດໄທເຊີນ ທີມລາວເຂົ້າຮ່ວມແຂ່ງຂັນ ເພື່ອແລກປ່ຽນປະສົບການ ແລະ ໃຫ້ການສະໜັບສະໜູນ ຊ່ວຍເຫຼືອທີມລາວ, ຊຶ່ງການ ເດີນທາງໄປຄັ້ງນີ້ແມ່ນໄປໃນ ນາມສະໂມສອນ Tiger Star ໂດຍມີຄະນະນຳ ແລະ ຄະນະ ຄູຝຶກ 8 ທ່ານ ສ່ວນນັກກິລາ ແມ່ນມີ 7 ຄົນ ໄດ້ເດີນທາງໄປ ແຕ່ວັນທີ 19 ກຸມພາ 2017 "ສຳລັບການໄປຮ່ວມແຂ່ງຂັນ ໃນຄັ້ງນີ້ເປົ້າໝາຍຂອງພວກ ເຮົາເພື່ອສົ່ງເສີມ, ເກັບກ່ຽວປະ ສົບການ ແລະ ພັດທະນາໃຫ້ ແກ່ທີມເຕະບານຄົນພິການຕາ ໃຫ້ຫຼາຍຂຶ້ນ, ພ້ອມທັງໃຫ້ທີມ ເຕະບານຄົນພິການຕາລາວ ຍືນຍົງ, ເພີ່ມທັກສະໃນການ ຫຼິ້ນຂຶ້ນຕື່ມ ແລະ ກໍເປັນໂອ ກາດດີທີ່ໄດ້ທົດສອບຄວາມ ສາມາດຂອງຕົນເອງຜ່ານການ ແຂ່ງຂັນ ເພື່ອກະກຽມຄວາມ ພ້ອມເຂົ້າຮ່ວມງານກິລາອາ ຊຽນພາຣາເກມ ຄັ້ງທີ 9 ທີ່ປະ ເທດມາເລເຊຍ ໃນເດືອນກັນ ຍາປີ 2017 ເປັນເຈົ້າພາບ. ສຳລັບການແຂ່ງຂັນເຕະ ບານຄົນພິການຕາຊີງແຊັມປະ ເທດໄທ ຄັ້ງທີ 5 ຄັ້ງນີ້ມີ 5 ທີມ ເຂົ້າຮ່ວມໄດ້ແກ່ ທີມສະມາຄົມ ຄົນຕາບອດແຫ່ງປະເທດໄທ ທີມ A, ທີມສະມາຄົມສົ່ງເສີມ ແລະ ພັດທະນາອາຊີບຄົນຕາ ບອດນະຄອນຣາດຊະສີມາ, ທີມສະມາຄົມຄົນຕາບອດ ແຫ່ງປະເທດໄທ ທີມ B, ສະ ມາຄົມສິດເກົ່າໂຮງຮຽນສອນ ຄົນຕາບອດກຸງເທບ ແລະ Tiger Star (ທີມຈາກລາວ) ສ່ວນຮູບແບບການແຂ່ງຂັນ ແມ່ນແຂ່ງພົບກັນໝົດ ເພື່ອຄັດ ເອົາທີມທີ່ດີທີ່ສຸດອັນດັບ 1 ແລະ 2 ໄປຊີງຊະນະເລີດສ່ວນ ທີມອັນດັບ 3 ແລະ 4 ແມ່ນໄປ ຊີງທີ 3. ຜ່ານການແຂ່ງຂັນຕະ ຫຼອດ 3 ວັນດັ່ງກ່າວ: ທີມຈາກ ລາວ Tiger Star ສາມາດຜ່ານ ເຂົ້າໄປຊີງອັນດັບ 3 ກັບທີມ ສະມາຄົມຄົນຕາບອດແຫ່ງປະ ເທດໄທ ທີມ B ປະກົດວ່າທີມ ຈາກລາວ ສາມາດ ເອົາຊະນະ ໄປໄດ້ຫວຸດຫວິດ 2-1 ຄວ້າ ອັນດັບ 3 ກັບບ້ານ.