ຊົມເຊີຍຜົນສຳເລັດກອງປະຊຸມໃຫຍ່ ຄັ້ງທີ X ຂອງພັກ ປປ ລາວ ຢ່າງສຸດໃຈ ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປະເທດປວງຊົນທັງຊາດ, ຢືດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກຮັກສາ ແລະ ພັດທະນາຊາດຕາມທິດຍືນຍົງ ສູ່ຈຸດໝາຍສັງຄົມນິຍົມຢ່າງໜັກແໜ້ນ

ລາຍການຂ່າວປະຈຳວັນ

ຂ່າວເດັ່ນມື້ນີ້
ຂ່າວພາຍໃນປະເທດ
ຂ່າວຕ່າງປະເທດ
ຂ່າວກິລາ
ຂ່າວມື້ຜ່ານມາ

         ລົງທະບຽນເປັນສະມາຊິກ

ໜັງສືພິມ ປະຊາຊົນ ເອເລັກໂຕຼນິກ ແບບອອນໄລເຕັມສະບັບ ມີສີທູກຫນ້າ

 

ພະຍາກອນອາກາດ

Weather Vientiane

ຈຳນວນຜູ້ເຂົ້າຢ້ຽມຊົມເວັບໄຊ

Flag Counter
  ຄລິກຮູບເບິ່ງລະອຽດຜູ້ເຂົ້າຊົມເວັບໄຊ

ເລກໂທ ສຸກເສີນ

+ ແຈ້ງໄຟໄໝ້                      212707
+ ຕຳຫຼວດ                              1191
+ ລົດໂຮງໝໍ                            1195
+ ໄຟຟ້າ                                1199
+ ນ້ຳປະປາ                             1169
 

ພິທີເປີດງານແຂ່ງຂັນກິລາຊາວໜຸ່ມ 11 ສະຖາບັນ ນັກສຶກສາທົ່ວແຂວງຈຳປາສັກຄັ້ງທີ VIII

   ຄະນະບໍລິຫານງານ ຊາວໜຸ່ມແຂວງຈຳປາສັກຮ່ວມ ກັບຊາວໜຸ່ມວິທະຍາໄລການ ເງິນພອນສະຫວັນ ໄດ້ເປີດງານ ແຂ່ງຂັນກິລາຊາວໜຸ່ມ 11 ສະ ຖາບັນການສຶກສາວິຊາຊີບທົ່ວ ແຂວງຈຳປາສັກ ຄັ້ງທີ VIII ຂຶ້ນຢ່າງເປັນທາງການຢູ່ທີ່ສະ ໜາມກິລາຂອງວິທະຍາໄລຄູ ປາກເຊ ເມື່ອວັນທີ 2 ມີນາ ຜ່ານມານີ້ ໃຫ້ກຽດເຂົ້າຮ່ວມ ເປັນປະທານກ່າວເປີດຂອງ ທ່ານ ສຸລິວັນ ສະຫວັດທະສິນ ຄະນະປະຈຳພັກແຂວງ ເລຂາ ພັກເມືອງ ເຈົ້າເມືອງໆ ປາກເຊ, ທ່ານ ຄຳແຝງ ພອນສະຫວັນ ເລຂາໜ່ວຍພັກ ຜູ້ອຳນວຍການ ວິທະຍາໄລພອນສະຫວັນ, ນອກ ນັ້ນຍັງມີອຳນວຍການວິທະຍາ ໄລຈາກສະ ຖາບັນຕ່າງໆ, ສະ ມາຊິກຊາວໜຸ່ມຈາກວິທະຍາໄລ 11 ສະຖາບັນຄື: ວິທະຍາໄລ ພອນສະຫວັນ, ວິທະຍາໄລການ ເງິນພາກໃຕ້, ວິທະຍາໄລກະສິ ກຳ ແລະ ປ່າໄມ້ຈຳປາສັກ, ມະ ຫາ ວິທະຍາໄລຈຳປາ ສັກ, ວິທະ ຍາໄລວິທະຍາສາດສຸຂະພາບ ຈຳປາສັກ, ວິທະຍາໄລຄູປາກ ເຊ, ວິທະຍາໄລເຕັກນິກ - ວິ ຊາຊີບຈຳປາສັກ, ວິທະຍາໄລ ໄອທີໄຊຈຳປາ, ວິທະຍາໄລ ສຸດວິໄລ, ວິທະຍາໄລສົງ ແລະ ວິທະຍາໄລເຕັກໂນໂລຊີຫົວ ສຽວ ຕະຫຼອດຮອດ ນ້ອງນ້ອຍ ເຍົາວະຊົນເຂົ້າຮ່ວມທັງໝົດ 2.000 ກວ່າຄົນ.
ທ່ານ ອຸດົມສັກ ດີວິໄຊ ກຳມະການພັກແຂວງ ເລຂາ ຄະນະບໍລິຫານງານຊາວໜຸ່ມ ແຂວງກ່າວວ່າ: ຈຸດປະສົງໃນ ການຈັດງານການແຂ່ງຂັນໃນ ຄັ້ງນີ້ ກໍເພື່ອເປັນການສ້າງຂະ ບວນການຂ່ຳນັບຮັບຕ້ອນບັ້ນ ເລືອກຕັ້ງສະມາຊິກສະພາ ແຫ່ງຊາດຊຸດທີ VIII ແລະ ສະ ມາຊິກສະພາປະຊາຊົນຂັ້ນ ແຂວງ ທັງເປັນການສືບຕໍ່ສ້າງ ຂະບວນການແຂ່ງຂັນກິລາຊາວ ໜຸ່ມນັກສຶກສາວິຊາຊີບທົ່ວ ແຂວງຈຳປາສັກທີ່ເຄີຍຈັດຕັ້ງ ປະຕິບັດມາແລ້ວ ຊຶ່ງທັງໝົດ ນັ້ນແມ່ນແນໃສ່ການຮັດແໜ້ນ ຄວາມສາມັກຄີລະຫວ່າງຄະ ນະຊາວໜຸ່ມ, ສະມາຊິກຊາວ ໜຸ່ມໃຫ້ມີຄວາມສະໜິດສະ ໜົມຊ່ວຍເຫຼືອຊຶ່ງກັນ ແລະ ກັນ ພ້ອມກັນນັ້ນກໍຍັງເປັນການ ແລກປ່ຽນຖອດຖອນບົດຮຽນ ຮ່ວມກັນທາງດ້ານການສຶກສາ ດ້ານສິລະປະກິລາຊຶ່ງກັນ ແລະ ກັນ, ກໍຄືການຈັດຕັ້ງຜັນຂະ ຫຍາຍເນື້ອໃນຂໍ້ແຂ່ງຂັນ 4 ບຸກ ໃຫ້ໄດ້ຮັບຜົນສຳເລັດຢ່າງສູງ. ຊຶ່ງກິລາທີ່ຈະໄດ້ແຂ່ງຂັນຄັ້ງນີ້ ປະກອບມີ 5 ປະເພດຄື: ກິລາ ເຕະບານຍິງ - ຊາຍ, ບານສົ່ງ ຍິງ - ຊາຍ, ກະຕໍ້ຫວາຍຊາຍ, ດອກປີກໄກ່ປະສົມ ແລະ ກິລາ ເປຕັງ ຊຶ່ງມີທັງທິມປະສົມ ແລະ ທິມຄະນະນຳຊາວໜຸ່ມ ຈາກ 11 ສະຖາບັນ) ການແຂ່ງຂັນ ຈະເລີ່ມແຕ່ວັນທີ 2-15 ມີນາ 2016 ຊຶ່ງລວມທັງໝົດ 14 ວັນຈຶ່ງສຳເລັດ.
ໃນໂອກາດດັ່ງກ່າວທ່ານ ໄຊຍະສິດ ວິລະພັດ ຄະນະປະ ຈຳຊາວໜຸ່ມແຂວງ, ເລຂາຊາວ ໜຸ່ມຮາກຖານພະແນກຊັບພະ ຍາກອນທຳມະຊາດ ແລະ ສິ່ງ ແວດລ້ອມແຂວງ ໃນນາມປະ ທານ ບໍລິສັດ ວິລະພັດ ອອກ ແບບຄົບວົງຈອນກໍໄດ້ມອບຊຸດ ກິລາເຕະບານຈຳນວນ 30ຊຸດ ໃຫ້ແກ່ຄະນະ ບໍລິຫານງານຊາວ ໜຸ່ມແຂວງຈຳປາສັກ ຊຶ່ງລວມ ມູນຄ່າທັງໝົດ 2.500.000 ກີບ.

 (ຂ່າວ: ພອນທິດ ໄຊບັນດິດ)
EditRegion3

 

 

 

 



ວີດີໂອຂ່າວໜັງສີພິມປະຊາຊົນ


ລາຍການວີດີໂອເພີ່ມ

ບົດນຳ

ເຊື່ອມໂຍງເວັບໄຊທີ່ໜ້າສົນໃຈ

 

ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ຫນັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonn@yahoo.com, ຕູ້ ປ.ນ 1110