ຄຳມ່ວນ ຍ່າງເພື່ອສຸຂະພາບສະຫຼອງວັນສ້າງຕັ້ງກຳມະບານລາວ


...

     ແຂວງຄຳມ່ວນຈັດ ກິດຈະກຳຍ່າງເພື່ອສຸ ຂະພາບ ເພື່ອສະເຫຼີມສະຫຼອງວັນສ້າງຕັ້ງກຳມະ ບານລາວ ຄົບຮອບ 61 ປີ (1/2/1956 - 1/2/ 2017) ເມື່ອບໍ່ດົນຜ່ານມານີ້ ໂດຍເປັນກຽດເຂົ້າ ຮ່ວມມີ ທ່ານ ບຸນມີ ພິມມະສອນ ຮອງເຈົ້າແຂວງ ຄຳມ່ວນ, ມີບັນດາທ່ານການນຳຂັ້ນແຂວງ, ພະ ແນກການ, ອົງການຈັດຕັ້ງຕ່າງໆຕະຫຼອດເຖິງ ມວນຊົນກໍຄືສະມາຊິກກຳມະບານອ້ອມຂ້າງ ແຂວງເຂົ້າຮ່ວມ. ທ່ານ ໂຕເຊິນ ອຸດທັດສີ ປະທານສະຫະພັນ ກຳມະບານແຂວງຄຳມ່ວນ ໄດ້ເລົ່າເຖິງມູນເຊື້ອ, ປະຫວັດຄວາມເປັນມາ ແລະ ຄວາມໝາຍຄວາມສຳຄັນຂອງວັນດັ່ງກ່າວຄື: ໃນປີ 1945 ໄດ້ປະກາດເອກະລາດ ຂອງຊາດລາວຕໍ່ໂລກເປັນເທື່ອທຳອິດ. ຫຼັງຈາກນັ້ນພັກກໍໄດ້ສ້າງຕັ້ງບັນດາໜ່ວຍກຳມະບານລາວຂຶ້ນເປັນເທື່ອທຳອິດຢູ່ ຕາມສຳນັກງານ, ອົງການອ້ອມຂ້າງສູນກາງ, ປັບປຸງພະນັກ ງານ - ລັດຖະກອນ, ກຳມະ ກອນ, ບັນດາໂຮງຈັກໂຮງງານ ໃນເຂດປົດປ່ອຍ, ສັງລວມກຳລັງແຮງຂອງມະຫາຊົນປະຕິວັດເຂົ້າໃນການປົກປັກຮັກສາ 2 ແຂວງເຕົ້າໂຮມ ແລະ ຍູ້ແຮງ ການຕໍ່ສູ້ຂອງກຳມະກອນ ແລະ ປະຊາຊົນລາວບັນດາເຜົ່າຢູ່ໃນ 10 ແຂວງທົ່ວປະເທດ. ໃນວັນທີ 1 ກຸມພາ 1956 ກົມການເມືອງສູນກາງພັກ ກໍໄດ້ມີມະຕິຕົກລົງສ້າງຕັ້ງອົງການຈັດຕັ້ງກຳມະບານລາວຂຶ້ນຢ່າງເປັນທາງການ. ພາຍຫຼັງທີ່ໄດ້ຮັບຟັງການເລົ່າມູນເຊື້ອຂອງວັນດັ່ງກ່າວແລ້ວບັນດາການນຳ, ມວນຊົນກໍຄືສະມາຊິກກຳມະບານອ້ອມ ຂ້າງແຂວງທີ່ເຂົ້າຮ່ວມເກືອບ 2 ພັນຄົນກໍໄດ້ ເຄື່ອນຂະບວນຍ່າງເພື່ອສຸຂະພາບ ຊຶ່ງເລີ່ມແຕ່ຫ້ອງວ່າການປົກຄອງ ເມືອງທ່າແຂກໄປຕາມເສັ້ນທາງຖະໜົນວຽງຈັນ (ຈາກສີ່ແຍກທ່າດ່ານ ຫາ ຫ້ອງວ່າການປົກຄອງແຂວງ) ແລ້ວກ້ຽວ ໃສ່ຖະໜົນກຸວໍລະວົງ (ເສັ້ນທາງຫຼັກ 2 ຫາ ແຍກນ້ຳພຸແລ້ວ ກັບຄືນຫ້ອງວ່າການປົກຄອງເມືອງທ່າແຂກ ລວມໄລຍະ ທາງປະມານ 4 ກິໂລແມັດ)ຂ່າວ:ກອງຄຳ