ໂຮງຮຽນປະຖົມສົມບູນ ບ້ານດົງສ້າງຫີນ ໄດ້ຮັບອຸປະກອນການຝຶກແອບກິລາເທັນນິສ


...

     ເພື່ອເປັນການສ້າງ ນັກກິລາເຍົາວະຊົນຮຸ່ນສືບທອດຂອງ ວົງການກິລາເທັນນິສລາວ ແລະ ເພື່ອເປັນການຂະຫຍາຍ ແລະ ຍົກລະດັບໃຫ້ເຍົາວະຊົນລາວ ໂດຍສະເພາະເຍົາ ວະຊົນທີ່ຢູ່ໃກ້ກັບສະໜາມກິລາແຫ່ງຊາດຫຼັກ 16 ໃຫ້ມີໂອກາດໄດ້ຝຶກຝົນ ແລະ ສາມາດຫຼິ້ນກິ ລາເທັນນິສໃຫ້ນັບມື້ນັບກວ້າງຂວາງ ແລະ ທັງ ເປັນການເປີດໂອກາດໃຫ້ເຍົາວະຊົນໃຊ້ເວລາ ຫວ່າງໃຫ້ເປັນປະໂຫຍດຫ່າງໄກຈາກສິ່ງເສບຕິດ, ດັ່ງນັ້ນເມື່ອມໍ່ໆຜ່ານມານີ້ ສະຫະພັນເທັນນິສແຫ່ງ ຊາດ ໄດ້ມອບອຸປະກອນຝຶກແອບກິລາເທັນນິສ ໃຫ້ໂຮງຮຽນປະຖົມສົມບູນ ບ້ານດົງສ້າງຫີນ ເມືອງ ໄຊທານີ ນະຄອນຫຼວງວຽງຈັນ ໂດຍໄດ້ເນັ້ນໃສ່ ເຍົາວະຊົນອາຍຸລະຫວ່າງ 6 - 10 ປີ ແລະ ພາຍ ຫຼັງທີ່ເຂົາເຈົ້າໄດ້ຝຶກແອບມາໄດ້ປະມານ 1 - 2 ເດືອນແລ້ວ ທາງສະຫະພັນເທັນນິສແຫ່ງຊາດ ລາວຈະໄດ້ນຳພາເຍົາວະຊົນເຫຼົ່ານັ້ນໄປຝຶກຊ້ອມ ຢູ່ທີ່ເດີ່ນເທັນນິສ ໃນສະໜາມກິລາແຫ່ງຊາດຫຼັກ 16 ຕໍ່ໄປ.