ເຍົາວະຊົນລາວເຂົ້າຮ່ວມແຂ່ງຂັນເທັນນິສ ທີ່ປະເທດໄທ


...

     ອີງຕາມຂໍ້ມູນຈາກທ່ານ ພູເຂົາທອງ ພົມມະວົງ ຜູ້ຈັດ ການສະໂມສອນເທັນນິສ ນະ ຄອນຫຼວງວຽງຈັນໃຫ້ຮູ້ວ່າ: ສປປ ລາວ ກໍຄືສະຫະພັນກິລາ ເທັນນິສແຫ່ງຊາດລາວ ໄດ້ສົ່ງ ຄະນະນຳ, ຄູຝຶກ ແລະ ນັກກິ ລາ ເຂົ້າຮ່ວມການແຂ່ງຂັນເທັນ ນິສລາຍການ ITF TEAM CHAMPIONSHIP 12 & UNDER SOUTH EAST ASIA REGIONALLY QUALIFICATION ເຊິ່ງຈັດ ຂຶ້ນໂດຍສະຫະພັນກິລາເທັນ ນິສສາກົນ ITF) ທີ່ສູນຝຶກເທັນ ນິສແຫ່ງປະເທດໄທ ນະຄອນ ຫຼວງບາງກອກ ໃນລະຫວ່າງວັນ ທີ 10-14 ກໍລະກົດ 2017 ເພື່ອ ເປັນການຄັດເລືອກເອົາ 3 ທິມ ສຸດທ້າຍຈາກໂຊນອາຊຽນໄປ ເຂົ້າຮ່ວມແຂ່ງຂັນຮອບສຸດທ້າຍ ຊີງແຊັມເອເຊຍ 2017 ທີ່ປະເທດ ກາຊັກສະຖານຮັບກຽດເປັນເຈົ້າ ພາບໃນກາງເດືອນພະຈິກນີ້. ຢ່າງໃດກໍຕາມ, ສຳລັບ ການແຂ່ງຂັນເທັນນິສລາຍ ການ ITF TEAM CHAMPIONSHIP 12 & UNDER SOUTH EAST ASIA REGIONALLY QUALIFICATIONS ແມ່ນມີທັງໝົດ 5 ປະເທດເຂົ້າຮ່ວມແຂ່ງຂັນປະ ກອບມີ: ອິນໂດເນເຊຍ, ມາເລ ເຊຍ, ສປປ ລາວ, ມຽນມາ ແລະ ໄທ ເຈົ້າພາບ. ໃນນີ້ສະ ເພາະ ສປປ ລາວ ເຮົາແມ່ນສົ່ງ ນັກກິລາເຂົ້າຮ່ວມທັງໝົດ 4 ຄົນ, ຍິງ 2 ຄົນ ລົງແຂ່ງຂັນໃນ 2 ລາຍການຄື: ປະເພດທິມ ຊາຍ ທ້າວ ເພັດນະຄອນ ໄຊ ຍະເດດ ແລະ ທ້າວ ພູລິພັດ ວັນນະລາດ, ສ່ວນປະເພດທິມ ຍິງນາງ ອາລີຍາ ວົງດາລາ ຫຼື ປູເປ້ ແລະ ນາງ ມາໄລລັກ ກູ ໂລເນັນ. ຄະນະທີ່ຄູຝຶກແມ່ນ ທ່ານ ວົງສະຫວັດ ຈັນຊົມພູ.