ພິທີມອບ - ຮັບເຄື່ອງກິລາຈາກ ສ.ເກົາຫຼີ


...

     ເມື່ອບໍ່ດົນຜ່ານມາສະ ຖານເອກອັກຄະລັດຖະທູດ ລາວປະຈຳ ສ.ເກົາຫຼີ ໄດ້ມີ ການມອບ - ຮັບເຄື່ອງຊ່ວຍ ເຫຼືອເປັນປະເພດເກີບກິລາຈຳ ນວນ 1.000 ຄູ່, ມູນຄ່າປະ ມານ 30.000 ໂດລາສະຫະ ລັດ, ຈາກ 4 ອົງການຈັດຕັ້ງມະ ຫາຊົນຂອງ ສ.ເກົາຫຼີ ຄື: ໂຮງ ໝໍແບັກ ຂອງມະຫາວິທະຍາ ໄລອິນເຈ ແຫ່ງ ນະຄອນຫຼວງ ເຊອູນ (Inje University Seoul Paik Hospital), Bluecross Medical Volunteers, Community Chest of Korea ແລະ Unique Union ຂອງ ສ.ເກົາຫຼີ ໃຫ້ແກ່ ສປປ ລາວ, ກ່າວຮັບໂດຍທ່ານ ຄຳສວຍ ແກ້ວດາລາວົງ ເອກ ອັກຄະລັດຖະທູດລາວປະຈຳ ສ.ເກົາຫຼີ ແລະ ບັນດາປະທານ ຈາກ 4 ອົງການດັ່ງກ່າວ, ກ່າວ ມອບໂດຍທ່ານ ໂອ ມຽງວັນ ປະທານສະມາຄົມມິດຕະ ພາບເກົາຫຼີ - ລາວ. ຈຸດປະສົງຂອງການຊ່ວຍ ເຫຼືອຄັ້ງນີ້ແມ່ນເພື່ອແນໃສ່ ເພື່ອຊ່ວຍເຫຼືອປະຊາຊົນຜູ້ທີ່ ຂາດເຂີນ ແລະ ດ້ອຍໂອກາດ ຢູ່ເຂດຫ່າງໄກສອກຫຼີກ. ຜ່ານ ມາອົງການຈັດຕັ້ງດັ່ງກ່າວເຄີຍ ໃຫ້ການຊ່ວຍເຫຼືອໃນລັກສະ ນະນີ້ຫຼາຍຄັ້ງມາແລ້ວ ເຊິ່ງກໍ ລວມມີທັງບໍລິຈາກເຄື່ອງນຸ່ງ ແລະ ເກີບ ໃຫ້ແກ່ເຂດຫ່າງໄກ ສອກຫຼີກຂອງ ສປປ ລາວ. ໃນໂອກາດດຽວກັນ, ສະ ຖານທູດລາວປະຈຳ ສ.ເກົາຫຼີ ແລະ ໂຮງໝໍແບັກ ກໍໄດ້ຮ່ວມ ລົງນາມໃນບົດບັນທຶກຊ່ວຍຈຳ ເພື່ອຊ່ວຍເຫຼືອປິ່ນປົວສຸຂະ ພາບຂອງພະນັກງານສະຖານ ທູດ ແລະ ຄົນລາວທີ່ອາໄສຢູ່ ສ.ເກົາຫຼີ ລວມທັງຄົນລາວ ອື່ນໆທີ່ສະເໜີຜ່ານທາງສະ ຖານທູດໃນລາຄານະໂຍບາຍ ເປັນພິເສດ. ໂຮງໝໍດັ່ງກ່າວເປັນ ໂຮງໝໍທ່ີມີເຄືອຂ່າຍກວ້າງຂວາງ ມີສາຂາຈຳນວນ 35 ແຫ່ງໃນ ທົ່ວປະເທດ ສ.ເກົາຫຼີ. ໃນຕອນທ້າຍ, ທ່ານເອກ ອັກຄະລັດຖະທູດລາວໄດ້ ມອບໃບກຽດຕິຄຸນໃນນາມສະ ຖານທູດໃຫ້ແກ່ 4 ອົງການຈັດ ຕັ້ງດັ່ງກ່າວ ເພື່ອເປັນການຮູ້ບຸນ ຄຸນ ແລະ ຂອບໃຈຕໍ່ການຊ່ວຍ ເຫຼືອໃນຄັ້ງນີ້.