ສຳເລັດງານມະຫະກຳກິລານັກຮຽນມັດທະຍົມສຶກສາທົ່ວປະເທດຄັ້ງທີ 6 ທີ່ແຂວງບໍລິຄຳໄຊ


...

     ສຳເລັດແລ້ວງານມະ ຫະກຳກິລານັກຮຽນມັດທະຍົມ ສຶກສາທົ່ວປະເທດ ຄັ້ງທີ 6 ຫຼື ນົກກົກຄຳເກມ 2017 ທີ່ແຂວງ ບໍລິຄຳໄຊ ລະຫວ່າງວັນທີ 1- 9 ກຸມພາ ຜ່ານມາໂດຍນະຄອນ ຫຼວງວຽງຈັນ ເປັນເຈົ້າຄອງຫຼຽນ ຄຳເປັນສະໄໝທີ 5 ຕິດຕໍ່ກັນ ຍາດມາໄດ້ 26 ຫຼຽນຄຳ, 23 ຫຼຽນເງິນ ແລະ 29 ຫຼຽນທອງ ລວມ 78 ຫຼຽນ. ເມື່ອຕອນຄ່ຳຂອງວັນທີ 9 ກຸມພາຜ່ານມານີ້ທີ່ສະໜາມ ກິລາ ມສ ສີທ່ານາໄຊ ເມືອງ ປາກຊັນ ແຂວງບໍລິຄຳໄຊ ໄດ້ ມີພິທີອັດລົງຢ່າງເປັນທາງການ ງານມະຫະກຳກິລານັກຮຽນ ມັດທະຍົມສຶກສາທົ່ວປະເທດ ຄັ້ງທີ 6 ໂດຍໃຫ້ກຽດເຂົ້າຮ່ວມ ຂອງທ່ານ ພັນຄຳ ວິພາວັນ ກຳ ມະການກົມການເມືອງສູນ ກາງພັກ ຜູ້ປະຈຳການຄະນະ ເລຂາທິການສູນກາງພັກ ຮອງ ປະທານປະເທດ ແຫ່ງ ສປປ ລາວ, ມີທ່ານ ກອງແກ້ວ ໄຊ ສົງຄາມ ກຳມະການສູນກາງ ພັກ ເຈົ້າແຂວງບໍລິຄຳໄຊ ປະ ທານຈັດງານມະຫະກຳກິລາ ນັກຮຽນມັດທະຍົມສຶກສາທົ່ວ ປະເທດຄັ້ງທີ 6, ທ່ານນາງ ແສງເດືອນ ຫຼ້າຈັນທະບູນ ກຳ ມະການສູນກາງພັກ ລັດຖະ ມົນຕີກະຊວງສຶກສາທິການ ແລະ ກິລາ. ໃນໂອກາດດັ່ງກ່າວທ່ານ ກອງແກ້ວ ໄຊສົງຄາມ ໄດ້ ກ່າວລາຍງານສະຫຼຸຸບຜົນສຳ ເລັດຂອງການຈັດງານດັ່ງກ່າວ ວ່າ: ງານມະຫະກຳກິລານັກ ຮຽນມັດທະຍົມສຶກສາທົ່ວປະ ເທດຄັ້ງທີ 6 ໄດ້ເລີ່ມທຳການ ແຂ່ງຂັນກັນຢ່າງເປັນທາງການ ຕັ້ງແຕ່ວັນທີ 1-9 ກຸມພາຜ່ານ ມານີ້, ຊຶ່ງໄດ້ທຳການແຂ່ງຂັນ ໃນ 12 ປະເພດກິລາຄື: ກິລາ ແລ່ນ -ລານ, ເຕະບານ, ບານ ບ້ວງ, ບານສົ່ງ, ກະຕໍ້, ດອກ ປີກໄກ່, ປິ່ງປ່ອງ, ເປຕັງ, ໝາກ ຂ່າງ, ໜ້າເກັກ, ເທຄວັນໂດ ແລະ ກິລາໝາກເສິກ ໂດຍມີ ການຊີງໄຊກັນທັງໝົດ 126 ຫຼຽນຄຳ, 126 ຫຼຽນເງິນ ແລະ 176 ຫຼຽນທອງ ມີຄະນະນຳຄູ ຝຶກ ແລະ ນັກກິລາເຂົ້າຮ່ວມທັງ ໝົດ 3 ພັນກວ່າຄົນ ນຳໃຊ້ງົບປະ ມານທັງໝົດ 18 ຕື້ກວ່າກີບ. ທ່ານ ພັນຄຳ ວິພາວັນ ກໍ ໄດ້ໃຫ້ກຽດກ່າວອັດງານຢ່າງ ເປັນ ທາງການ ໂດຍທ່ານໄດ້ສະ ແດງຄວາມຍ້ອງຍໍຊົມເຊີຍຜົນ ງານ, ຜົນສຳເລັດຂອງຄະນະ ຮັບຜິດຊອບຈັດງານ, ຄະນະ ພັກ, ອຳນາດການປົກຄອງ, ພີ່ ນ້ອງປະຊາຊົນຊາວແຂວງບໍລິ ຄຳໄຊ, ບັນດາທ່ານຄະນະນຳ ນັກກິລາ, ຄູຝຶກ, ນັກກິລາ, ຜູ້ ປະກອບການ, ຜູ້ໃຫ້ການອຸປະ ຖຳ - ສະໜັບສະໜູນຕະຫຼອດ ຮອດຄູ - ອາຈານ ແລະ ພີ່ນ້ອງ ປະຊາຊົນບັນດາເຜົ່າທີ່ໄດ້ປະ ກອບສ່ວນເຂົ້າໃນງານຄັ້ງນີ້ຈົນ ມີຜົນສຳເລັດຕາມຈຸດປະສົງ ແລະ ລະດັບຄາດໝາຍຢ່າງ ຈົບງາມ. ນອກຈາກນີ້ໃນງານຍັງ ໄດ້ມີການສວນສະໜາມກ້ອນ ກຳລັງນັກກິລາຈາກພາກສ່ວນ ຕ່າງໆ ພ້ອມທັງພິທີເຊີນທຸງ ຊາດ ແລະ ທຸງກິລາລົງຈາກ ຍອດເສົາ ແລະ ທວນໄຟກໍ ຄ່ອຍໆມອດລົງ. ຈາກນັ້ນກໍມີ ພິທີມອບທຸງກິລາໃຫ້ແກ່ແຂວງ ສາລະວັນເປັນເຈົ້າພາບ ຄັ້ງທີ 7 ໃນປີ 2020 ໂດຍໃຫ້ກຽດຮັບ ຂອງທ່ານ ສີສຸວັນ ວົງຈອມສີ ເຈົ້າແຂວງສາລະວັນ, ຊຶ່ງທ່ານ ກໍໄດ້ຕາງໜ້າໃຫ້ຄະນະພັກ - ອົງການປົກຄອງ ແລະ ປະຊາ ຊົນບັນດາເຜົ່າຊາວແຂວງສາ ລະວັນ ສະແດງຄວາມຮູ້ສຶກ ເປັນກຽດຢ່າງສູງ ແລະ ພາກ ພູມໃຈເປັນຢ່າງຍິ່ງທີ່ລັດຖະ ບານກໍຄືກະຊວງສຶກສາທິການ ແລະ ກິລາໄດ້ມອບໝາຍໃຫ້ ເປັນເຈົ້າພາບໃນປີ 2020, ຊຶ່ງ ເປັນພາລະກິດອັນໜັກໜ່ວງ ແລະ ມີກຽດສະຫງ່າທີ່ປ່ຽມລົ້ນ ໄປດ້ວຍຄວາມເຊື່ອໝັ້ນ.